BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«air astana» قىتايعا ۇشاتىن رەيستەردىڭ سانىن كوبەيتپەك

الداعى جىلدارى «air astana» اۆياكومپانياسى قىتايعا ۇشاتىن رەيستەردىڭ سانىن كوبەيتۋدى جوسپارلاپ وتىر. بۇگىندە اتالعان كومپانيانىڭ ۇشاقتارى پەكين مەن ٴۇرىمشى قالالارىنا ۇشسا، 3 جىلدان كەيىن قوسىمشا قىتايدىڭ 4 شاھارىنا اۆيارەيستەر اشىلادى. بۇل تۋرالى قازاقستان-قىتاي تۋريستىك فورۋمىندا «air astana» اق پرەزيدەنتى پيتەر فوستەر مالىمدەدى، دەپ حابارلايدى baq.kz ٴتىلشىسى.

«2015 جىلى قىتايدا 120 ملن حالىق شەتەلگە شىققان. ورتاشا ەسەپپەن العاندا، ٴوز ەلىندە قىتايلىق ٴبىر كۇندە 300 دوللار جۇمسايدى ەكەن. قاراپايىم ماتەماتيكالىق ەسەپ جۇرگىزسەك، 2015 جىلى قىتايلىق تۋريستەر 36 ملرد دوللار جۇمساعان. وسى جىلى «air astana» اۆياكومپانياسى 200 مىڭ قىتايلىق ٴتۋريستى تاسىمالداۋدى جوسپارلاپ وتىر. 3 جىلدان سوڭ بۇل كورسەتكىش 1 ملن-عا جەتەدى دەگەن ۇمىتتەمىن. ٴبىزدىڭ ويىمىزشا، وسى تۋريستەردىڭ 500 مىڭى قازاقستاندا ايالداۋى مۇمكىن. ياعني، ولار ٴبىزدىڭ ەلىمىزدە ەكى كۇن بولسا، دەمەك 500 مىڭ قىتايلىق قازاقستاندا 1 ملن ترانزيتتىك كۇندى وتكىزەدى دەگەن ٴسوز. ال ولاردىڭ ٴبىر كۇندە 300 دوللار جۇمسايتىنىن ەسكەرسەك، ۇلتتىق ەكونوميكامىزعا 300 ملن دوللار كىرىس كىرۋى مۇمكىن. بۇل – بيلەتتەردى قوسپاي، قوناق ۇيلەردى، مەيرامحانالاردى، ساۋدا ورتالىقتارى مەن تۋريستىك ۇيىمدارعا جۇمسالعان قارجىنى العاندا. بۇل – وتە كوپ اقشا جانە قوسىمشا جۇمىس ورىندارى»، - دەيدى مەكەمە باسشىسى.

سوندىقتان، اتالعان كومپانيانىڭ باسشىسى پيتەر فوستەر وسى مۇمكىندىكتى پايدالانۋ ٴۇشىن قىتايعا اۆيارەيستەردىڭ سانىن كوبەيتپەك.

«بۇل جوبانى جۇزەگە اسىرۋ ٴۇشىن نە قاجەت؟ «air astana» تاسىمالداۋشى رەتىندە 3 جىلدان سوڭ اپتالىق رەيستەر سانىن 20-دان 60-قا دەيىن ارتتىرۋدى جوسپارلاپ وتىر. بۇگىندە ٴبىز قىتايدىڭ پەكين جانە ٴۇرىمشى قالالارىنا ۇشامىز. ال 3 جىلدان سوڭ 4 قالاعا، ياعني، سيان، چەند، گۋاندجوۋ جانە شانحاي شاھارلارىنا رەيس اشۋدى جوسپارلاپ وتىرمىز. وسى ورايدا قازاقستان مەن قىتاي ارنايى كەلىسىمگە كەلۋىن سۇراپ وتىرمىز. سونىمەن قاتار، ٴبىز ۇكىمەتتەن قىتاي ازاماتتارىن ۆيزالىق ٴراسىمدى جەڭىلدەتۋدى سۇرادىق. ياعني، ٴبىز مەملەكەتتەن قىتايلىق ازاماتتارعا ەلىمىزدە 72 ساعات ۆيزاسىز ٴجۇرۋدى ۇسىندىق. مۇنى جۇزەگە اسىرۋ قيىندىق تۋدىرمايدى. قىتاي مۇنداي تاجىريبەنى بۇرىننان قولدانىپ كەلەدى. ياعني، قولىندا ۇشاققا بيلەتى بار قىتايدا ايالداعان ازاماتتار وسى ەلدە ۆيزاسىز جۇرە الادى. ۇشاقتارىمىزدا قىتايلىق جولاۋشىلاردىڭ جاعدايىن جاساۋ ٴۇشىن بارلىعىن جاسايمىز. ٴبىزدىڭ ۆەب-سايت قىتاي تىلىندە جۇمىس ىستەيدى. سونىمەن قاتار، قىتاي ٴتىلىن مەڭگەرگەن بورت سەرىكتەرىن ىرىكتەپ، جۇمىسقا قابىلداپ جاتىرمىز»، - دەيدى «air astana» اق پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي