استانا: 
2198 
0
استانا، baq.kz ٴتىلشىسى. كەز كەلگەن ادام شەتەلگە شىققاندا قيىندىقتار تۋىنداۋى مۇمكىن. مۇنداي جاعدايدا ٴسىزدىڭ رەسمي ساقتاندىرۋ قۇجاتىڭىز بولۋ كەرەك. ايتپەسە، دالادا قالىپ قالۋىڭىز ابدەن مۇمكىن. وسى ورايدا قر مسم تۋريزم يندۋسترياسى كوميتەتىنىڭ قازاقستاندىقتاردىڭ شىعۋ ٴتۋريزمى سالاسىنداعى قۇقىقتارىنا كەپىلدىك بەرۋ جۇيەسى تۋرالى جادىناماسىن نازارىڭىزعا ۇسىنامىز.
قازاقستان ازاماتتارى شەتەلگە شىققاندا قۇقىعىنا كەپىلدىك بەرىلەدى
2015 جىلعى قاراشادا «قازاقستان رەسپۋبليكاسىنداعى تۋريستىك قىزمەت تۋرالى» قر زاڭىنا وزگەرىستەر ەنگىزۋ ارقىلى قازاقستان رەسپۋبليكاسى ازاماتتارىنىڭ شىعۋ ٴتۋريزمى سالاسىنداعى قۇقىقتارىنا كەپىلدىك بەرۋ جۇيەسى قابىلداندى.
ارنايى اشىلعان شوتقا 0،5 اەك كولەمدە اقشا اۋدارۋ
جۇيە شىعۋ ٴتۋريزمى سالاسىندا قىزمەت ەتەتىن تۋروپەراتورلار جانە تۋروپەراتورلار-اۋە كەمەسىمەن جالدانۋشىلاردىڭ بانك كەپىلدىگى تۇرىندە قارجىلىق قامتاماسىز ەتىلۋى جانە (ٴاربىر ىسكە اسىرىلعان تۋريستىك ٴونىم ٴۇشىن 0،5 اەك) شىعۋ ٴتۋريزمى سالاسىنداعى قر ازاماتتارىنىڭ قۇقىقتارىنا كەپىلدىك بەرۋ جۇيەسى اكىمشىسى ٴۇشىن اشىلعان ارنايى شوتىنا اۋدارۋدى بىلدىرەدى.
«تۋريستىك قامقور» كق – جۇيە اكىمشىسى
«تۋريستىك قامقور» كورپوراتيۆتىك قورى شىعۋ ٴتۋريزمى سالاسىنداعى قر اازماتتارىنىڭ قۇقىقتارىنا كەپىلدىك بەرۋ جۇيەسىنىڭ اكىمشىسى رەتىندە قر ۇكىمەتىنىڭ قاۋلىسىمەن ايقىندالدى.
جۇيە اكىمشىسىنىڭ جالعىز جانە نەگىزگى مىندەتى – توتەنشە جاعداي بولعان كەزدە تۋريستتەردى قازاقستانعا تەز ارادا قايتارۋ بولىپ تابىلادى.
جۇيەنى تەك تۋريستىك كودى بار ادام قولدانادى
الايدا جۇيەنىڭ قىزمەتى ەلدەن شىعاردا تۋريستىك كودى بار تۋريستتەرگە عانا قولدانىلادى. تۋردى راسىمدەگەننەن كەيىن، قۇجاتتاردى الاردا ساياحاتتىڭ ٴاربىر قاتىسۋشىسى ٴۇشىن بەرىلگەن تۋريستىك كودتىڭ بارىن تەكسەرىڭىز.
تۋركودتى تەكسەرۋ ٴۇشىن «تۋريستىك قامقور» جۇيە اكىمشىسىنىڭ www.fondkamkor.kz سايتىنا كىرىپ، «تۋريستام» جولاعىنا باسىڭىز، سودان-كەيىن «پروۆەركا تۋركودا» جانە تۋركودتى ەنگىزىڭىز. جۇيە – ٴسىزدىڭ تۋر تىزىلىمىنە ەنگىزىلگەنىڭىزدى نەمەسە ەنگىزىلمەگەنىڭىزدى كورسەتەدى. تىزىلىمدە ٴسىزدىڭ تۋركودىڭىزدىڭ بولۋى، اتالعان تۋروپەراتوردا قيىنشىلىقتار تۋىنداعاندا ٴسىزدىڭ قازاقستانعا قايتۋ كەپىلدىگى بار ەكەندىگىن بىلدىرەدى.
«ٴبىز تۋريستتەرگە تۋريستىك قىزمەت كورسەتۋ ٴۇشىن كەلىسىمشارتتى جاساسۋدان بۇرىن تاڭدالعان تۋروپەراتور – جۇيە مۇشەلەرىنىڭ تىزىلىمىنە ەنگىزىلگەنى جايلى سۇراستىرۋدى كەڭەس بەرەمىز. سەبەبى تۋروپەراتور تۋريستىك ٴونىمدى ىسكە اسىرۋ بويىنشا كەلىسىمشارت بويىنشا مىندەتتەمەلەردى ورىنداماۋ نەمەسە دۇرىس ورىنداماۋ، ورىنداۋ مۇمكىن بولماعان جاعدايدا، تۋريستەرگە توتەنشە كومەك كورسەتۋ – شىعۋ ٴتۋريزمى سالاسىنداعى قازاقستان رەسپۋبليكاسى ازاماتتارىنىڭ قۇقىقتارىنا كەپىلدىك بەرۋ جۇيەسىنىڭ مۇشەسى بولىپ تابىلاتىن تۋروپەراتوردان تۋريستىك جولداما العان جانە تۋركودى بار ازاماتتارعا عانا كەپىلدىك بەرىلەدى»، – دەلىنگەن رەسمي قۇجاتتا.
كورەيا رەسپۋبليكاسىنا باراردا قازاقستان ازاماتى نەنى ٴبىلۋى كەرەك ەكەنىن مىنا جەردەن وقىپ الىڭىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3055
0