BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋ. سيفرلانعان جولاۋشى تاسىمالى

استانا، baq.kz. ەندى اتىراۋلىق جولاۋشىلار سيفرلى كەزەڭنىڭ بارلىق جەمىسىن كورە الادى. سەبەبى، مەملەكەتتىك «سيفرلىق قازاقستان» باعدارلاماسى مۇنايلى استانانىڭ ترانسپورت جۇيەسىنە دە كەلىپ جەتتى. كولىكتەرگە سيفرلى قىزمەتتەردى ەنگىزەتىن «smart-تكش» جولاۋشىلار تاسىمالى كومپانيالارىمەن ۋاعدالاستىققا قول جەتكىزدى.

ەندى تاسىمال كولىكتەرىنە qr-كودتار بەرىلىپ، ول ارقىلى جولاقى ەسەپ ايىرىسۋ ٴۇشىن «smartqala» پروگرامماسى جاسالىپ، ينتەرنەتكە شىعارىلدى. ازىرگە ەلەكتروندى جولاقى تولەۋ 8 باعىت بويىنشا جۇزەگە اسىرىلعان. ال 2019 جىلدىڭ باسىنا دەيىن اۆتونوم ۆاليداتورلار بارلىق كولىكتەرگە قويىپ شىعۋ جوسپارلانعان.

بۇل سالاداعى پيونەرلەر - الماتى جانە استانا قالالارىنداعى تاجىريبە كورسەتكەندەي، كولىك تاسىمالىنداعى قىزمەتتەردى ەلەكتروندى فورماتقا كوشىرۋدىڭ - قارجى ەسەبىنىڭ اشىقتىعىن تىكەلەي قامتاماسىز ەتەدى. «سمارت اتىراۋ» كمم باسشىسى ادىلبەك تانكيەۆ "ەگەمەن قازاقستان" باسىلىمىنا بەرگەن حابارىندا، بۇل ٴوز كەزەگىندە كولىك جۇرگىزۋشىلەردىڭ جالاقىسىنىڭ جوعارىلاۋىنا سەبەپ بولعان. ونىڭ مالىمەتىنشە، جۇرگىزۋشىلەردىڭ ايلىعى 110 مىڭنان - 300 مىڭعا دەيىن، ال كوندۋكتورلاردىڭ ايلىعى - 45 مىڭنان 85 مىڭعا دەيىن وسكەن. ادىلبەك تانكيەۆ سونىمەن بىرگە، سالىق ٴتۇسىمىنىڭ ارتۋىن دا العا تارتادى.

ەلەكتروندى ەسەپ ايىرىسۋ تەك قارجى ەسەبى ەمەس، سونىمەن بىرگە جاناما ماسەلەلەردى دە شەشەدى. مىسالى، ورتالىقتانعان جۇيەگە قوسىلعان جۇرگىزۋشىلەر ٴوزارا بايلانىسىپ، قانداي دا ٴبىر قىزمەتتىك ماسەلەنى كەلىسە وتىرىپ شەشە الادى. بۇعان قوسا، اۆتوبۋستىڭ ۇنەمى مونيتورينگتە بولاتىنىن، ەندەشە قاۋىپسىزدىكتىڭ دە ارتاتىنىن اتاپ ٴوتۋ كەرەك.

پرەزيدەنتىمىزدىڭ قازانداعى جولداۋىندا نۇسقالعان ماسەلەلەردىڭ شەشىمى وسىلايشا جۇزەگە اسىپ جاتىر. قالانى ودان ٴارى قاراي سيفرلاندىرۋ جالعاسا بەرەدى. ٴقازىردىڭ وزىندە جۇزەگە اسقان جانە جوبا تۇرىندەگى - wifi تاراتۋ، كامەرا ورناتۋ، تۇرمىستىق تۇتىنۋ نۇكتەلەرىن كوبەيتۋ سياقتى جۇمىستار بار.

نازار دابىل


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي