شىمكەنتتە انالوگتىق حابار تاراتۋ جۇيەسى ٴوشىرىلدى - سيفرلىق قازاقستان|28 قاراشا 2018، 09:10
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتە انالوگتىق حابار تاراتۋ جۇيەسى ٴوشىرىلدى

استانا، baq.kz. 27-قاراشادان باستاپ شىمكەنت قالاسىندا انالوگتى حابار تاراتۋ توقتاتىلدى. بۇل تۋرالى otyrar.kz سايتى حابارلادى.

ال تۇركىستان وبلىسىنىڭ ەلدى مەكەندەرىندە تۇرعىندار بۇرىنعى 4 ارنانىڭ ورنىنا 15 ارنا كورە الادى. ايماق تۇرعىندارىن قاجەتتى ساندىق جۇيەمەن قامتۋ ٴۇشىن «dvb-ت 2» قابىلداعىشتارىن ساتاتىن ارنايى ورىندار ۇيىمداستىرىلادى. ورتاشا باعاسى 3500-دەن 10 مىڭ تەڭگە ارالىعىندا بولادى. ايماقتا ساندىق حابار تاراتۋعا اۋىسۋ 79 سيفرلىق تاراتقىشتى قوسۋ ارقىلى 79 راديو جانە تەلەديدار ستانسيالارى سالىنىپ، جاڭارتىلعان.

سونداي-اق، قالالىق جانە اۋداندىق اكىمدىكتەرمەن بىرلەسىپ، 2018 جىلدىڭ سوڭىنا قاراي «وتاۋ» تەلەديدار قىزمەتىنە اتاۋلى الەۋمەتتىك كومەك الاتىن 27 509 وتباسى قوسىلادى دەپ جوسپارلانۋدا. بۇل وتباسىلار ساندىق سيگنالدىق قابىلداعىشتارمەن قامتاماسىز ەتىلەدى.

ايماقتا ساندىق حابار تاراتۋمەن قامتىلماعان 20 ەلدى مەكەن، 1413 شارۋاشىلىق بار ەكەن. جوعارى ساپالى تەلەديدار سيگنالدارىن بەرۋ ٴۇشىن بۇل ەلدى مەكەندەردىڭ بارلىعى دا «وتاۋ tv» سپۋتنيكتىك تەلەديدار ارناسىنا تولىقتاي قوسىلىپتى.

بۇعان دەيىن جامبىل مەن تۇركىستان وبلىستارىندا انولوگتىق حابار تاراتۋ توقتالعانىن حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي