BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 426.65 BAQ.kz - Қазақстан жаңалықтары RUB 5.82
استانا:

سارىاعاشتا سيفرلاندىرۋ جوبالارىن جۇزەگە اسىرۋ باعىتىندا كەزدەسۋ ٴوتتى

استانا، baq.kz. تۇركىستان وبلىسىنا قاراستى سارىاعاش قالاسىندا «سيفرلى قازاقستان» مەملەكەتتىك باعدارلاماسى اياسىندا كەزدەسۋ ٴوتتى. جيىن بارىسىندا «تۇركىستان» اكك» اق-نىڭ «سيفرلاندىرۋ ورتالىعى» فيليالى مەن سارىاعاش اۋدانى اكىمدىگى اراسىندا ىنتىماقتاستىق جونىندە مەموراندۋمعا قول قويىلدى، دەپ جازادى وبلىس اكىمىنىڭ ٴباسپاسوز قىزمەتى.

«تۇركىستان وبلىسىنداعى سيفرلاندىرۋ ورتالىعىنىڭ» ديرەكتورى اسىلبەك جانگۋلوۆتىڭ ايتۋىنشا، مۇنداي قۇجاتتار تىڭ جوبالاردى جۇزەگە اسىرۋدا جاڭا مۇمكىندىكتەر بەرەدى.

«وبلىستا ساندىق فورماتقا كوشۋ بويىنشا قارقىندى جۇمىستار جۇرگىزىلىپ جاتىر. ماسەلەن، قازىرگى كۇنى دەنساۋلىق ساقتاۋ، ٴبىلىم بەرۋ، قاۋىپسىزدىك، ترانسپورت جانە تۇرعىن ۇي-كوممۋنالدى شارۋاشىلىعى سياقتى بەس سالادا 27 جوبا جۇزەگە اسىرىلىپ جاتىر. ٴبىزدىڭ فيليالدىڭ ٴبىر اي بۇرىن اشىلعانىنا بايلانىستى، ازىرگە اتالعان قۇجاتتاردى تۇزۋگە كەلىسىم بەرگەن العاشقى اۋدان سارىاعاش بولىپ وتىر. الداعى ۋاقىتتا مۇنداي كەلىسىمدەر تۇركىستانداعى بارلىق اۋدان، قالالاردىڭ اكىمدىگىمەن جاسالىپ، جۇمىستاردى بىرلەسە اتقارامىز دەپ ويلايمىن»، - دەدى اسىلبەك جانگۋلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي