BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساراپشىلار سيفرلىق ساۋدانىڭ كەلەشەگىن تالقىلادى

استانا، baq.kz. ەۋرازيالىق ەكونوميكالىق كوميسسيا الاڭىندا ەاەو سيفرلىق (ينتەرنەت) ساۋداسىن دامىتۋ جانە 2019-2021 جىلدارعا ارنالعان ەاەو سيفرلىق ساۋداسىن دامىتۋدىڭ جول كارتاسى بويىنشا ۇسىنىستاردى تالقىلاۋعا قاتىستى جيىن ٴوتتى

وداققا مۇشە 5 مەملەكەتتىڭ (ارمەنيا، بەلارۋس، قازاقستان، قىرعىزستان جانە رەسەي) وكىلدەرى قۇجاتتاردى ازىرلەۋ دارەجەسىنە جوعارى باعا بەردى. وسى رەتتە مەملەكەتتىك ورگاندار تاراپىنان دا، بيزنەس تاراپىنان دا جويۋ قاجەت بولاتىن ەسكەرتۋلەر ايتىلدى.

ەاەو ىسكەرلىك كەڭەسى كوميتەتىنىڭ سيفرلىق كۇن ٴتارتىبى جونىندەگى ٴتوراعاسى ۆلاديمير باسكو وداققا مۇشە مەملەكەتتەر قارالىپ جاتقان جول كارتانىڭ تارماقتارىن جۇزەگە اسىرۋعا دەيىن اقپاراتتاندىرۋ بويىنشا ساياساتتاردى جاقىنداستىرۋ قاجەتتىگىن العا تارتتى. سونىمەن قاتار، شىعارىلاتىن ونىمدەردى ەكسپورتتاۋ بويىنشا شارالار كەشەنىن قاراستىرىپ قانا قويماي، سونداي-اق يمپورتتى شەكتەۋدى دە قامتاماسىز ەتۋ ماڭىزدى.

«اتامەكەن» قر ۇكپ باسقارما ٴتوراعاسىنىڭ ورىنباسارى يۋليا ياكۋپبايەۆا وسى ماسەلە جونىندە قازاقستاندىق بيزنەس-قوعامداستىقتىڭ پىكىرىن ٴبىلدىردى. «بيزنەستىڭ پىكرىنشە، جول كارتانىڭ جۇزەگە اسىرۋعا ۇسىنىلعان ٴىس-شارالارىنىڭ باسىم بولىگى جاسىرىن رەتتەۋگە جاتادى. ماسەلەن، شاعىن جانە ورتا بيزنەسكە ٴوز تاۋارلارىن سيپاتتاۋ ارقىلى ينتەرنەت-سورەلەردى قويۋ تالابى. ساۋدا جانە ينتەرنەت-الاڭدارىنا بەلگىلى ٴبىر پايىزدا ەۋرازيالىق وندىرۋشىلەردىڭ ٴونىمىن ورنالاستىرۋ. تولەم سەرۆيستەرىن رەتتەۋدى جالپى نورمالارىن ازىرلەۋ جانە تاعى باسقا تالاپتار»، دەدى ۆلاديمير باسكو.

بيزنەسكە شىعىن اكەلەتىن نورمالاردى الىپ تاستاۋ نەمەسە قايتا قۇرۋ قاجەتتىلىگى بارلىق ەلدەردىڭ كاسىپكەرلەرى تاراپىنان قولداۋ تاپتى.

«اتامەكەن» قر ۇكپ باسقارما ٴتوراعاسىنىڭ ورىنباسارى سونىمەن قاتار قۇجاتتا ۇلتتىق زاڭنامالاردا جوق تەرميندەر – بىرىكتىرىلگەن دەرەكتەر، ەۋرازيالىق تاۋار، ەليتالىق ساتىپ الۋشى، ەاەو سەرىكتەسى جانە باسقا دا اتاۋلار بارىن اتاپ ٴوتتى.

«بۇل تەرميندەرگە قاتىستى تاعى دا رەتتەۋ نورمالارى ەنگىزىلەدى، دەمەك وداققا مۇشە مەملەكەتتەردىڭ بيزنەسى مەن مەملەكەتتىك ورگاندارىنا قوسىمشا اۋىرتپالىق اكەلەدى. سونىمەن قاتار ەەك-تىڭ ٴتۇرلى سيفرلىق جوبالارى بويىنشا ەنگىزىلۋگە ۇسىنىلعان انىقتامالىقتاردىڭ سان ٴتۇرلى قۇرىلىمى دا ۇلكەن ماسەلە. مىسالعا، تاۋارلار انىقتامالىعى كەم دەگەندە 3 جوبادا (سيفرلىق باقىلاۋ، سيفرلىق پروموكووپەراسيا جانە سيفرلىق ساۋدا) ٴجۇرۋى كەرەك، ٴبىراق ونىڭ قۇرىلىمى ٴار جوبا ٴار ٴتۇرلى»، دەدى باسقارما ٴتوراعاسىنىڭ ورىنباسارى.

رەسەي فەدەراسياسى ساۋدا-ونەركاسىپتىك پالاتاسى وكىلدەرى «اتامەكەن» ۇلتتىق كاسىپكەرلەر پالاتاسىنىڭ بىرىكتىرىلگەن دەرەكتەردى رەتتەۋ جانە انىقتامالىقتاردىڭ ٴبىرىڭعاي قۇرىلىمىن ازىرلەۋ تۋرالى تارماقتاردى الىپ تاستاۋ قاجەتتىلىگىنە قاتىستى ۇسىنىسىن قولدادى. سونداي-اق، جەكە دەرەكتەرگە قولجەتىمدىلىكتى وڭتايلاندىرۋعا قاتىستى الاڭداۋشىلىق ايتىلدى، ويتكەنى بۇل شارا جالپىالەمدىك تەندەنسيالارعا سايكەس كەلمەيدى.

بەلارۋس رەسپۋبليكاسى، قازاقستان رەسپۋبليكاسى جانە قىرعىز رەسپۋبليكاسىنىڭ ۇلتتىق (ورتالىق) بانكتەرى جول كارتاسىنان ٴبىرىڭعاي تولەم سەرۆيستەرى مەن ەۋرازيالىق قارجى پلاتفورماسىن قۇرۋ تۋرالى تارماقتاردى الىپ تاستاۋعا تاباندىلىقپەن كەڭەس بەردى.

نەگىزگى سەبەپ – ەلدەردەگى ۆاليۋتانى رەتتەۋ بويىنشا زاڭنامالىق تالاپتارداعى سايكەسسىزدىكتەر.

بيزنەس وكىلدەرى جانە مەملەكەتتىك ورگاندار تاراپىنان ٴسوز ەتىلگەن ماڭىزدى مەسسەدجە – مەملەكەتتەر جانە ەەك وكىلدەرى پروسەستەر مەن ساۋدانىڭ ەلەكتروندى پلاتفورمالارىنىڭ قاتىسۋشىلارى بولماۋى كەرەك. بارلىعى بارىنشا نارىقتىق سيپاتقا يە بولۋى شارت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي