BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك قىزمەتتىڭ 61% ەلەكتروندىق فورماتقا ٴوتتى

استانا، baq.kz. «ازاماتتارعا ارنالعان ۇكىمەت» مەملەكەتتىك كورپوراسياسى اقپارات جانە كوممۋنيكاسيالار مينيسترلىگىنىڭ جەتەكشىلىگىمەن مەملەكەتتىك قىزمەتتەردى ەلەكتروندىق فورماتقا كوشىرۋ جۇمىستارىن ناتيجەلى اتقارىپ كەلەدى.

بۇگىندە رەەستردەگى 741 مەملەكەتتىك قىزمەتتىڭ ٴ454-ى، ياعني 61% ەلەكتروندىق فورماتتا قولجەتىمدى. جىل وتكەن سايىن ەلەكتروندىق جولمەن كورسەتىلەتىن قىزمەت سانى ٴوسىپ وتىرادى، 2020 جىلى ونىڭ ۇلەسى 90% قۇراۋى ٴتيىس.

ماجىلىستە وتكەن ۇكىمەت ساعاتىندا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسقارما ٴتوراعاسى ابلايحان وسپانوۆ «سيفرلىق مەملەكەت قالىپتاستىرۋ بارىسىندا ازاماتتاردىڭ سيفرلىق جاڭاشىلدىقتارعا دەگەن قىزىعۋشىلىعىن تۋدىرىپ، ولارعا ونىڭ قىر-سىرىن ۇيرەتىپ، ۇنەمى ەلىكتىرىپ وتىرۋ قاجەت. سوندىقتان دا بۇگىندە «ازاماتتارعا ارنالعان ۇكىمەت» مەملەكەتتىك كورپوراسياسى حالىقتىڭ سيفرلىق ساۋاتتىلىعىن ارتتىرۋدى – وزىنە جاڭا مىندەت قىلىپ قويىپ وتىر»، - دەپ اتاپ ٴوتتى.

كورسەتىلەتىن ەلەكتروندىق قىزمەتتەر سانىنىڭ ارتۋىنا بايلانىستى مەملەكەتتىك كورپوراسيا حالىق اراسىندا قىزمەتتەردى ونلاين الۋدى ۇيرەتەتىن شارالار وتكىزىپ، ازاماتتاردىڭ سيفرلىق ساۋاتتىلىعىن ارتتىرۋدا. بۇل ماقساتتا رەسپۋبليكامىزداعى بارلىق حقو جاڭعىرتىلىپ جاتىر. وزىنە-وزى قىزمەت كورسەتۋ سەكتورىنىڭ ايماعى 60%-عا دەيىن ۇلعايتىلۋدا، وندا كەڭەس بەرۋشى ماماندار ازاماتتاردى ەلەكتروندىق پورتال قىزمەتىن ٴوز بەتىنشە پايدالانۋدى ۇيرەتەدى.

سونىمەن قاتار بيىلدان باستاپ سيفرلىق حقو-لار اشىلا باستادى، وندا وپەراتور ماماندار قىزمەت كورسەتپەيدى، تەك كەڭەس بەرۋشىلەر وزدىگىنەن قىزمەت الۋشى ازاماتتارعا باعىت-باعدار بەرەدى. سيفرلىق حقو-لار استانا، الماتى، شىمكەنت جانە قوستاناي قالالارىندا جۇمىس ىستەيدى.

سيفرلىق فرونت-وفيستەر بارلىق وبلىس ورتالىعىندا اشىلۋى ٴتيىس. وندا قازاقستاندىقتار قىزمەتتەردى وزدىگىنەن الىپ قانا قويماي، ارنايى جابدىقتالعان وقۋ كلاستارىندا سيفرلىق ساۋاتتىلىعىن ارتتىرا الاتىن بولادى.

ابلايحان وسپانوۆتىڭ ايتۋىنشا، مەملەكەتتىك كورپوراسيا استانادا 12 جەلتوقساندا حقو-نىڭ جاڭا بۋىنى بولاتىن، قازاقستانداعى ەڭ العاشقى ەلەكتروندىق قىزمەتتەر ورتالىعىن اشادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي