2187 
0
قىزىلوردا، baq.kz. 3d-كارتاعا قولا داۋىرىنەن بۇگىنگى كۇنگە دەيىنگى 150 ەسكەرتكىشتىڭ ۆيرتۋالدى ۇلگىلەرى - 60 ارحەولوگيا ەسكەرتكىشى جانە 90 ساۋلەت ەسكەرتكىشى كىرەدى.
4640
0 
استانا: 
قىزىلوردا، baq.kz. 3d-كارتاعا قولا داۋىرىنەن بۇگىنگى كۇنگە دەيىنگى 150 ەسكەرتكىشتىڭ ۆيرتۋالدى ۇلگىلەرى - 60 ارحەولوگيا ەسكەرتكىشى جانە 90 ساۋلەت ەسكەرتكىشى كىرەدى.
قىزىلوردا وبلىسىنىڭ اۋماعىندا 30 رەسپۋبليكالىق جانە 256 جەرگىلىكتى ماڭىزعا يە 286 ەسكەرتكىش بار.
"بۇل - ورتالىق ازيا ٴۇشىن تاريحي جانە مادەني ەسكەرتكىشتەردى قالپىنا كەلتىرۋگە باعىتتالعان بىرەگەي جوبا. ەڭ وزىق جابدىقتار مەن تەحنولوگيالاردىڭ كومەگىمەن بارلىق نىسانداردىڭ قۇجاتتاماسى دايىندالعان. وسىلايشا تانىمدىق تاريحي انىقتاما عانا ەمەس، ەسكەرتكىشتەردى ەگجەي-تەگجەيلى زەرتتەۋگە ارنالعان اسا دالدىككە نەگىزدەلگەن قۇرال بولماق. ٴقازىر تۇرىك ارىپتەستەرىمىز قىزىعۋشىلىق تانىتۋدا"، - دەدى جوبا اۆتورى، حالىقارالىق ورتالىق ازيا زەرتتەۋ ينستيتۋتىنىڭ ديرەكتورى دميتريي ۆوياكين.
دميتريي ۆوياكيننىڭ ايتۋىنشا، 3d-كارتانى دايىنداۋ كەزىندە ەسكەرتكىشتەردىڭ دالدىگى جوعارى ٴۇش ولشەمدى ۇلگىلەرىن جاساۋ ٴۇشىن 70 000 000-نان استام پوليگون ازىرلەندى.
"ايماقتىڭ مادەني ەسكەرتكىشتەرىنىڭ 3د-كارتاسى - «virtualmap.xyz» ينتەراكتيۆتى ۆەب - رەسۋرسىن قۇرۋ ٴۇشىن 33 000-نان استام سۋرەت، ەجەلگى قالاشىقتارداعى 4000-نان استام سۋرەت، 40 000-نان استام اەروفوتوسۋرەتتەر جانە 13 ساعاتتان اساتىن پيلوتسىز ۇشۋ اپپاراتتارىنان بەينە تۇسىرىلىمدەر مەن 450-دەن اسا جانە جەردەن 1000-نان استام پانورامالىق سۋرەت جاسالدى"، - دەدى د.ۆوياكين.
كارتا ارنايى virtualmap.xyz سايتتا ۇسىنىلاتىن بولادى. قازىرگى ۋاقىتتا تولىقتىرۋ جۇمىستارى جۇرگىزىلۋدە، 2019 جىلدىڭ قاڭتار ايىندا قولجەتىمدى بولادى دەپ جوسپارلانۋدا.
بولاشاقتا ەسكەرتكىشتەردىڭ دەرەكتەر بازاسى كەڭەيتىلەدى. وقۋشىلار مەن ستۋدەنتتەردى كۆەست جانە باسقا دا ويىن تۇرلەرى ارقىلى تارتۋ ٴۇشىن باعدارلامالىق ٴونىمدى ازىرلەۋ جوسپارلانۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
