BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاگرو» نەسيە بەرۋدىڭ اۆتوماتتاندىرىلعان جۇيەسىن ىسكە قوستى 

بۇگىن اۋىل شارۋاشىلىق تەحنيكاسى تاقىرىبى اياسىندا استانادا ٴوتىپ جاتقان دوڭگەلەك ۇستەل بارىسىندا «قازاگرو» ۇبح» اق باسقارما ٴتوراعاسىنىڭ ورىنباسارى ايگۇل مۇحاماديەۆا حولدينگتىڭ قىزمەتتەرىن الۋعا ونلاين تارتىپتە ٴوتىنىش جولداۋدى ۇسىناتىن اۆتوماتتاندىرىلعان جۇيەنى تانىستىردى، دەپ حابارلايدى baq.kz ٴتىلشىسى.

«ٴبىز حولدينگتىڭ ٴتورت ەنشىلەس كومپانياسىندا حولدينگ قىزمەتتەرىنە، ياعني، نەسيە الۋعا، ليزينگ الۋعا جانە كەپىلدىك الۋعا ٴوتىنىش ۇسىنۋعا مۇمكىندىك بەرەتىن جۇيە ازىرلەدىك. ەندىگى رەتتە «قازاگرو نەسيەسى» پورتالى ارقىلى ەلەكتروندى تۇردە ٴوتىنىش جولداۋ ادىسىمەن اتالعان قىزمەتتەردى الۋعا بولادى. ينتەرنەت جەلىسىنە قوسىلعان بولساڭىز، ٴوتىنىشتى ونلاين تۇردە ۇيىڭىزدە، جۇمىس ورنىڭىزدا وتىرىپ-اق جولداي الاسىز. بۇل جۇيەنى ينتەرنەت-دۇكەن سەكىلدى بارىنشا قاراپايىم ەتىپ ازىرلەۋگە تىرىستىق»، - دەگەن مۇحاماديەۆا دوڭگەلەك ۇستەل قاتىسۋشىلارىن پورتال قىزمەتتەرىمەن تانىستىردى.

«قازاگرو» وكىلى ونلاين تارتىپتە ٴوتىنىش جولداۋ كەزىندە قانداي دا ٴبىر ماسەلەلەر تۋىندايتىن بولسا، مۇنداي كەلەڭسىزدىكتەردى تەز ارادا شەشۋ جولدارى دا قاراستىرىلعانىن ايتتى.

«ارينە، كەز-كەلگەن جۇيەمەن جۇمىس جاساۋ بارىسىندا قيىندىقتار تۋىنداۋى ابدەن ىقتيمال. سوندىقتان، ونلاين تارتىپتە جۇيەدە call-ورتالىقتىڭ ٴنومىرى، ونلاين-كومەكشى مەن حابارلاما جولداۋ مۇمكىندىكتەرى قاراستىرىلعان»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي