BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ikomek-كە جىل باسىنان بەرى 700 مىڭ ٴوتىنىش كەلىپ تۇسكەن

فوتو: astana.gov.kz

استانا، baq.kz. جىل باسىنان ورتالىققا قالا تۇرعىندارىنان 703 مىڭنان استام ٴوتىنىم كەلىپ تۇسكەن، ولاردىڭ 99،7 % اتقارىلعان. بۇل تۋرالى استانا اكىمدىگىنىڭ رەسمي سايتى حابارلايدى.

تۇرعىندار تاراپىنان تۇسەتىن وتىنىمدەر سانى وتكەن جىلمەن سالىستىرعاندا 300 مىڭعا ارتقان. مۇنىمەن قوسا، قوڭىراۋ كەزىندە شەشىلەتىن وتىنىمدەر سانى دا كوبەيگەن.

«2017 جىلى 400 مىڭعا جۋىق ٴوتىنىش قارالسا، بيىل ولاردىڭ سانى 703 مىڭنان استى. ولاردىڭ 99،7 % اتقارىلدى. وتكەن جىلدىڭ سايكەس كەزەڭىمەن سالىستىرعاندا اۋداندار، اكىمدىك اپپاراتى مەن باسقارمالار كەڭسەلەرىنە كەلىپ تۇسەتىن رەسمي وتىنىشتەر سانى 20 %-عا تومەندەگەنى بايقالادى. ikomek ورتالىعىنىڭ قىزمەتتەر كاتالوگىندا 1050-دەن استام قىزمەت بار، ولارعا وپەراتور ٴبىرىنشى قوڭىراۋدان-اق جاۋاپ بەرە الادى. بۇگىنگى تاڭدا تۇرعىندار وتىنىشتەرىنىڭ 77 % ٴبىرىنشى قوڭىراۋدان-اق جابىلادى. الداعى ۋاقىتتا بۇل كورسەتكىشتى 85 %-عا دەيىن جەتكىزۋ جوسپارلانىپ وتىر»، - دەلىنگەن حابارلامادا.

ورتالىقتا بەلگىلى بولعانداي، سۋ استىندا قالۋىنا، جولدار/جاياۋ جولدار جابىنىنىڭ زاقىمدالۋىنا، ليفت جۇمىسىنىڭ قالپىنا كەلتىرىلۋىنە، قۇدىق قاقپاقتارىنىڭ اشىق قالۋىنا، قاڭعىباس يتتەردى اۋلاۋعا قاتىستى سۇراقتار تۇرعىندار تاراپىنان ٴجيى تۇسەدى.

ikomek ٴبىرىڭعاي بايلانىس ورتالىعى بارلىق قالالىق تىرشىلىكتى قامتاماسىز ەتۋ ماسەلەلەرى بويىنشا كەڭەس بەرىپ، تۇرعىنداردىڭ وتىنىشتەرىن قابىلدايدى، وتىنىشتەردى وڭدەۋ مەن ورىن العان وقيعانى، اپاتتى شەشۋ جۇمىستارىن، كوممۋنالدىق جانە شۇعىل قىزمەتتەر جۇمىسىن باقىلاپ، ۇيلەستىرەدى. سونىمەن قاتار، قالالىق بەينەباقىلاۋ جۇيەسى ارقىلى قالاداعى جاعدايدى «ٴدال وسى جەردە جانە ٴقازىر» تارتىبىندە باقىلايدى.

بارلىق وتىنىشتەر وڭدەلىپ، ولارعا تىركەۋ ٴنومىرى بەرىلەدى دە، استانا قالاسى تۇرعىندارى وتىنىشتەرىنىڭ تىزىلىمىنە ەنگىزىلەدى، ارى قاراي بەلگىلەنگەن مەرزىمدە اتقارۋ ٴۇشىن مەملەكەتتىك ورگاندارعا، كوممۋنالدىق قىزمەتتەرگە جولدانادى.

«ikomek» ورتالىعىنىڭ وپەراتورلارى تۇرعىنداردان وتىنىشتەردى بارلىق بايلانىس ارنالارى ارقىلى قابىلدايدى:

استانا تۇرعىندارى ٴۇشىن 24/7 تارتىبىندە جۇمىس ىستەيتىن امبەباپ كومەكشى – قالالىق ikomek مونيتورينگ جانە جەدەل ارەكەت ەتۋ ورتالىعى ەلوردا قالاسى اكىمدىگىن ترانسفورماسيالاۋدىڭ ٴبىرىنشى كەزەڭى اياسىندا 2017 جىلدىڭ 29 جەلتوقسانىندا قۇرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي