BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردا اكىمدىگى سيفرلىق باسقارۋعا كوشتى

استانا، baq.kz. وتىرىستاردا ەسەپتەر قاتاڭ تۇردە قالانى باسقارۋدىڭ سيفرلانعان پانەلىنە سايكەس تىڭدالادى. بۇل تۋرالى استانا قالاسى اكىمىنىڭ ٴباسپاسوز قىزمەتى حابارلادى.

باسقارۋدىڭ باستى ماسەلەلەرى: ستراتەگيالىق kpis، ەلوردانى دامىتۋ جوبالارى، ازاماتتاردىڭ وتىنىشتەرىمەن جۇمىس جاساۋ، قالانىڭ جۇيەلى تۇيتكىلدەرى – تولىقتاي سيفرلانىپ، استانا قالاسى اكىمدىگىنىڭ باسشىلىعى تاراپىنان ونلاين مونيتورينگ جۇرگىزىلەدى.

قالا دامۋى مەن قالالىق سەرۆيستەردىڭ ستراتەگيالىق kpis ٴۇش دەڭگەيلى جۇيەگە باعىنادى. ٴاربىر كورسەتكىش اكىمنىڭ جەتەكشىلىك ەتۋشى ورىنباسارى مەن باسقارما باسشىسىنا بەكىتىلگەن. بۇرىن تيىمدىلىك كورسەتكىشتەرى جىلىنا ٴبىر رەت باعالانىپ، مالىمەتتەردى جيناپ، ەسەپتەۋ كوپ جۇمىستى قاجەت ەتەتىن بولسا، ٴقازىر ولار اۆتوماتتى تۇردە سانالادى، اقپارات ستاتيستيكا مەن جوبا كەڭسەسىنەن الىنادى.

ٴاربىر باسشى جەتىستىككە جەتۋ پروگرەسىن كورىپ، ناتيجەگە جەتپەي قالاتىنداي ٴقاۋىپ بولسا، ٴتيىستى شارا قابىلداي الادى. 2016 جىلى ەلوردا اكىمدىگى جوبالىق ٴتاسىلدى ەنگىزۋدى باستادى. بۇگىندە جوبالار جيىنتىعىندا 580-نەن استام دامۋ جوبالارى بار. ولار قۇرىلىستى، الەۋمەتتىك جوبالاردى جانە باسقالارىن قامتيدى.

بارلىق جوبالار سيفرلانعان جانە اكىمدىك سايتىندا ونلاين تۇرىندە قولجەتىمدى: http://www.astana.gov.kz/ru/project-office. اكىمدىكتىڭ جوبا كەڭسەسى ikomek قالالىق مونيتورينگ ورتالىعىندا اشىلدى.

اكىمدىكتىڭ ikomek ٴبىرىڭعاي بايلانىس ورتالىعى جۇمىس جاساعان 11 اي ىشىندە ازاماتتاردان 860 مىڭنان استام ٴوتىنىش قابىلداندى، ولاردىڭ ورىندالۋى قالانى باسقارۋ پانەلى ارقىلى ونلاين تۇردە باقىلانادى. ازاماتتار وتىنىشتەرى نەگىزىندە big data تەحنولوگياسى قولدانىلا وتىرىپ، «قالانىڭ جۇيەلى تۇيتكىلدەرىنىڭ رەيتينگىسى» جاساقتالدى. تالداۋ ۇلگىسىنە وتىنىشتەر مەن جاعداياتتاردىڭ قايتالانۋى، رەزونانستىعى جانە وتىنىشتەگى ماسەلەنىڭ كۇردەلىلىگى ارقاۋ بولدى.

“شاعىمدار كولەمىن ازايتىپ، تۇرعىنداردىڭ اكىمدىك جۇمىسىنا كوڭىلى تولۋىن ارتتىرۋ ٴۇشىن جۇيەلى تۇيتكىلدەردى شەشۋگە نازار اۋدارۋ كەرەك» - دەدى اكىم باقىت سۇلتانوۆ.

سيفرلاندىرۋدى ەنگىزۋدىڭ ارقاسىندا اكىمدىك جۇمىسىن باقىلاۋ جۇيەلەندى جانە قالا باسشىلىعىنا ونلاين تۇرىندە قولجەتىمدى بولدى. بۇدان بىلاي اكىمدىكتىڭ اپتا سايىنعى وتىرىستارى قاتاڭ تۇردە قالانى باسقارۋدىڭ سيفرلاندىرىلعان پانەلى بويىنشا وتەدى.

كەلەسى جىلى بارلىق مالىمەتتەردى قالا تۇرعىندارىنا قولجەتىمدى ەتۋ جوسپاردا بار. ەندى تۇرعىنداردان كەلىپ تۇسەتىن بىردە ٴبىر ٴوتىنىش نازاردان تىس قالمايدى. قالانىڭ بارلىق جۇيەلى ماسەلەلەرى مەن ەلوردانىڭ دامۋى قاتاڭ باقىلاۋدا بولادى!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي