BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدەگى بىرنەشە كلينيكاعا مەديسينالىق پلانشەت بەرىلدى

استانا، baq.kz. digital kazakhstan ستراتەگياسى اياسىندا samsung كومپانياسى استانا، الماتى جانە تۇركىستاننىڭ ٴتورت كلينيكاسىنا 100 كاسىبي «مەديسينالىق» پلانشەت سىيلادى.

قازاقستاندى سيفرلاندىرۋ بويىنشا ەلباسى ستراتەگياسى شەڭبەرىندە دەنساۋلىق ساقتاۋ سالاسىن جاڭا تەحنولوگيالارعا وتكىزۋ ٴۇشىن، samsung موبيلدىك قۇرىلعىسى damumed كەشەندى مەديسينالىق اقپارات جۇيەسىمەن جابدىقتالعان. باعدارلامالىق قامتاماسىز ەتۋدى وتاندىق كومپانيا، «دامۋ» اقپاراتتىق تەحنولوگيالار ورتالىعى ٴوز جاۋاپكەرشىلىگىنە العان بولاتىن.

جۇيەگە رەسپۋبليكانىڭ دەنساۋلىق ساقتاۋ مينيسترلىگى پورتالى، 700-دەن استام مەديسينالىق ۇيىم، 825 000 قولدانۋشى ەنگىزىلگەن. وندا 65 ميلليوننان استام قۇجات ساقتالىنعان.

samsung پلانشەتتەرى دارىگەرلەرگە، مەدبيكەلەرگە، فارماسەۆتتەرگە جانە باسقا دا وسى سالا ماماندارىنا ارنالعان. الدىن-الا ەندىرىلگەن باعدارلامالىق قامتاماسىز ەتۋ قۇرىلعىسى كوپتەگەن جۇمىستى جەڭىلدەتىپ، ٴارى جەدەلدەتەدى، تۋىنداعان ماسەلەلەردى ٴتيىمدى شەشۋدە جانە ارتىق قاعاز جۇمىستارىنان قۇتىلۋعا سەپتىگىن تيگىزەدى.

"ماسەلەن، دارىگەر ەمدەلۋشى تۋرالى مالىمەتتى پلانشەتكە ەنگىزەدى، ناتيجەسىندە اقپارات جالپى جۇيەدە ساقتالادى. البەتتە، بۇل جۇيەدەگى اقپارات باسقا دا مەديسينالىق ۇيىمدار ٴۇشىن قولجەتىمدى بولماق. ايتالىق، بۇرىن مەديسينالىق كارتانىڭ نەمەسە ٴدارىحاناعا بارار جولدا جوعالعان دارىگەر نۇسقاۋى، كوپتەگەن قيىندىقتار تۋدىراتىن. ەندى كوپ ۇزاماي بۇل قۇجاتتاردىڭ ەش قاجەتى بولماسى انىق. قاجەتتى اقپاراتقا قول جەتكىزۋ ٴۇشىن، ارنايى باعدارلاما ورناتىلعان پلانشەت پەن عالامتور بولسا، جەتكىلىكتى بولادى" - دەيدى ماماندار.

الماتى قالاسىنىڭ اكۋشەرلىك، گينەكولوگيا جانە پەريناتولوگيا عىلىمي ورتالىعىنىڭ باسشىسى دينارا ميرزاحمەتوۆا 1 شىلدەدەن باستاپ كلينيكا دەنساۋلىق ساقتاۋ سالاسىن سيفرلاندىرۋ بويىنشا پيلوتتىق جوباعا قاتىسا باستاعاندىعىن جانە قاعازدان زاماناۋي اقپاراتتىق تەحنولوگيالارعا كوشكەندىگىن حابارلادى.

«ەگەر مىسال رەتىندە انەستەزيولوگتاردى الاتىن بولساق، ولار وتا جاساۋ كابينەتىندە ناركوز كارتاسىن پلانشەتتە جۇرگىزەتىن بولادى، بۇل ارينە ستاسيونارلى كومپيۋتەرگە ەندىرۋدەن الدەقايدا ىڭعايلى»، - دەيدى ول.

ٴبىرىڭعاي اقپاراتتىق جۇيە ەمدەلۋشىلەر ٴۇشىن دە قولايلى. ولار جسن-ن ەندىرۋ ارقىلى وزدەرىنە قاجەتتى اقپاراتتى كورە الادى. مىسالى، ٴوز دەنساۋلىعى تۋرالى اقپاراتتى كورەدى نەمەسە قاي ەمحاناعا تىركەلگەندىگىن بىلە الادى.

"ارينە، بۇل جاعدايدا قۇپيا مالىمەتتەردىڭ ساقتالۋى تۋرالى سۇراقتار تۋىندايدى. اقپاراتتار قانشالىقتى قورعالعان؟ بۇل ساۋالعا samsung بىلاي جاۋاپ بەرەدى: پلانشەتتەردە الدىڭعى قاتارلى شەشىم - اقپاراتتىق قورعانىس knox ورناتىلعان. ول زيانكەستەردەن كونتەنتتەردى كوپدەڭگەيلى، ياعني، باعدارلامالىق جانە اپپاراتتىق قورعانىسپەن قامتاماسىز ەتەدى. بۇل پلاتفورما شەت ەلدەردە ۇكىمەتتىك، ونىڭ ىشىندە قورعانىستا جانە ۆەدومستۆولاردا قولدانىلادى. سوندىقتان، جۇيەنىڭ سەنىمدى قورعانىستا ەكەندىگىن بىلۋگە بولادى" - دەيدى كومپانيا وكىلى.

samsung ٴوزىنىڭ يننوۆاسيالىق شەشىمدەرى ارقىلى، جوبادا دەنساۋلىق ساقتاۋ مينيسترلىگى، «دامۋ» اقپاراتتىق تەحنولوگيالار ورتالىعى جانە «ايالا» قورىمەن ىنتىماقتاستىقتا بىرگە جۇمىس ىستەپ، دەنساۋلىق ساقتاۋ سالاسىن دامىتۋدا بەلسەندى قولداۋ كورسەتىپ كەلەدى. ٴسال ەرتەرەكتە كومپانيا قازاقستانعا الدىڭعى قاتارلى كورەيلىك كارديولوگتاردىڭ كەلۋىنە سەپتىگىن تيگىزىپ، ولار مۇندا جۇرەك الماستىرۋ بويىنشا قيىن وتالار جاسادى جانە جەرگىلىكتى ماماندارمەن ٴوز تاجىريبەلەرىمەن الماسقان بولاتىن. ودان باسقا، samsung ونكولوگيالىق اۋرۋعا شالدىققان بالالار اۋرۋحاناسىندا ينتەراكتيۆتى «اقىلدى» سىنىپتار اشتى. كىشكەنتاي ەمدەلۋشىلەر مەكتەپكە بارا الماسا دا، ٴوز قاتارلاستارىنان قالىپ قويماي، ساباقتارىن جالعاستىرۋعا مۇمكىندىك الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي