BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا تكش-نى سيفرلاندىرۋ كۇنى ٴوتتى

استانا، baq.kz. ەلوردادا قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى «تۇرعىن ۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق-مەن بىرلەسە وتىرىپ، «زەردە» ۇلتتىق ينفوكوممۋنيكاسيا حولدينگى» اق-نىڭ قولداۋىمەن «تكش-نى سيفرلاندىرۋ: ايقىندىلىق پەن ساپا» اتتى ٴىس-شارا ٴوتتى. تكش-نى سيفرلاندىرۋدىڭ ٴبىرىڭعاي تاسىلدەرىن تاڭداپ، ايرىقشا وڭتايلى شەشىمدەردى تابۋ ماقساتىندا مەملەكەتتىك ورگاندار، جەرگىلىكتى اتقارۋشى ورگاندار مەن قازاقستاندىق it-كومپانيالار جينالدى.

ٴوزىنىڭ كىرىسپە سوزىندە قازاقستان رەسپۋبليكاسى پرەمەر-مينيسترىنىڭ ورىنباسارى اسقار جۇماعاليەۆ تۇرعىن ۇي-كوممۋنالدىق شارۋاشىلىعىندا سيفرلىق تەحنولوگيالاردىڭ ماڭىزدىلىعىن اتاپ ٴوتتى، بۇل ەڭ الدىمەن سالانىڭ الەۋمەتتىك ماڭىزدىلىعى مەن ٴبىرقاتار ەكونوميكالىق فاكتورلارعا بايلانىستى.

«مەملەكەت باسشىسى حالىققا جولداۋىندا ازاماتتاردىڭ ٴومىر ٴسۇرۋ ساپاسىن كوتەرۋ جانە تۇرعىن ۇي-كوممۋنالدىق شارۋاشىلىقتاعى اعىمداعى بيزنەس-ۇدەرىستەردىڭ ايقىندىلىعىن قامتاماسىز ەتۋ مىندەتىن قويدى. بۇعان سيفرلىق قۇرالداردى پايدالانۋ ارقىلى قول جەتكىزۋگە بولادى. تاجىريبەگە سۇيەنە وتىرىپ، تەك «اقىلدى» ەسەپتەگىشتەردى ورناتۋ ارقىلى عانا ەكى بولمەلى پاتەردە جىلۋ تولەمى 36%-عا دەيىن تومەندەيدى. تۇرعىندار ٴۇشىن بۇل ايتارلىقتاي ۇنەمدەۋ»، - دەدى ۆيسە-پرەمەر.

ول سونداي-اق وتاندىق ازىرلەۋشىلەردى جانە ەسەپتەگىش قۇرىلعىلارىن وندىرۋشىلەردى قولداۋ قاجەتتىگىن اتاپ ٴوتتى.

ينۆەستيسيالار جانە دامۋ ٴمينيسترى جەڭىس قاسىمبەك، بۇل – مينيسترلىكتىڭ وتكىزىپ جاتقان سالالىق سيفرلاندىرۋ كۇنىنىڭ ٴبىرىنشى كۇنى، جانە تكش ٴتارىزدى ماڭىزدى سالاعا دەر كەزىندە ارنالىپ جاتقانىن اتاپ ٴوتتى. مينيستر سيفرلىق قۇرالدار ارقىلى ٴبىرىنشى كەزەكتە شەشىلۋى قاجەت بىرنەشە نەگىزگى مىندەتتەردى بەلگىلەدى، بۇلار –تۇرعىن ۇي-كوممۋنالدىق قىزمەتتەردىڭ ساپاسىن جاقسارتۋ، تۇرعىن ٴۇي قاۋىپسىزدىگىن قامتاماسىز ەتۋ، تاريفتەردىڭ قۇرالۋى مەن شىعىنداردىڭ ايقىندىلىعىن قامتاماسىز ەتۋ، سونداي-اق كوممۋنالدىق ينفراقۇرىلىمنىڭ جاعدايىن جاقسارتۋ جانە تۇتىنۋشىلارعا قىزمەت كورسەتۋ ساپاسىن جاقسارتۋ.

«ٴالى دە كوپتەگەن مىندەتتەردى اتاپ شىقسا بولادى، الايدا تكش سالاسىنىڭ سيفرلىق ترانسفورماسياسى بارلىق مۇددەلى تاراپتاردىڭ قاتىسۋىمەن عانا مۇمكىن بولاتىندىعىن ەستە ساقتاپ، بارلىق پروبلەمالىق ماسەلەلەردى تەزدەتىپ جويۋ قاجەتتىگىن ەسكەرە وتىرىپ، جوسپارلى جانە ساپالى تۇردە جۇرگىزۋ كەرەك. سيفرلاندىرۋ جاڭا دەڭگەيگە كوشۋگە، تۇرعىن ۇي-كوممۋنالدىق شارۋاشىلىق سالاسىنا دەگەن كوزقاراستى وزگەرتۋگە جانە ونى ەكونوميكانىڭ زاماناۋي جانە قارقىندى دامىپ كەلە جاتقان سالاسى رەتىندە قابىلداۋعا مۇمكىندىك بەرەدى»، - دەدى جەڭىس قاسىمبەك.

ٴىس-شارادا e-shanyraq تۇرعىن ٴۇي قورى مەن تۇرعىن ۇي-كوممۋنالدىق شارۋاشىلىقتىڭ ٴبىرىڭعاي اقپاراتتىق جۇيەسى ۇسىنىلدى. «تكش قازورتالىعى» اق باسقارما ٴتوراعاسى نۇرسۇلتان جيەنبايەۆتىڭ ايتۋىنشا، جۇيەنىڭ نەگىزگى ماقساتى – حالىق مۇددەلەرىنىڭ تەڭگەرىمى مەن قويىلعان مەملەكەتتىك تاپسىرمالارعا قول جەتكىزۋ.

«e-shanyraq جۇيەسى تكش سالاسىندا ٴبىرىڭعاي اقپاراتتىق كەڭىستىكتى قالىپتاستىرۋعا جانە بارلىق سالالىق دەرەكتى رەسپۋبليكالىق دەڭگەيدە جۇيەلەۋگە مۇمكىندىك بەرەدى. مەملەكەت جۇيە ارقىلى سالاداعى وزگەرىستەردى ۇنەمى باقىلاپ، ٴارى تالداپ، پايدا بولعان ماسەلەلەردى دەرەۋ شەشەدى. جۇيە بارلىق تۇرعىن ۇيلەردىڭ تەحنيكالىق پاسپورتتارىن سيفرلاۋدى، ولاردىڭ تەحنيكالىق جاعدايىن باقىلاۋدى كوزدەيدى. جوندەۋگە جاتاتىن ۇيلەردىڭ كەزەگى كورسەتىلەدى، كپتۇ باسقارۋ ورگاندارىنىڭ «ٴاۋديتى» باسەكەلەستىك ورتانى قۇرىپ، تۇرعىن ۇي-كوممۋنالدىق شارۋاشىلىعىنىڭ قىزمەت كورسەتۋ نارىعىن دامىتۋدى ىنتالاندىراتىن كومپانيا رەيتينگىن بەرۋ ارقىلى جۇزەگە اسىرىلادى»، - دەدى نۇرسۇلتان جيەنبايەۆ.

ٴىس-شاراعا شەت مەملەكەتتەردەن دە قوناقتار شاقىرىلدى. قازان قالاسىنىڭ اكىمىنىڭ ورىنباسارى يسكاندەر گينياتۋللين تاتارستاننىڭ تكش-نى سيفرلاندىرۋداعى تابىستى تاجىريبەسى تۋرالى، رەسەيلىك «گالاكتيكا» كورپوراسياسىنىڭ ۆيسە-پرەزيدەنتى جانە باسقارما مۇشەسى سەرگەي پەتروۆ رەسەيدەگى رەسۋرستىق جابدىقتاۋ قىزمەتىن اۆتوماتتاندىرۋدىڭ ەكونوميكالىق اسەرى تۋرالى، سونداي-اق diehl ترانسۇلتتىق كومپانياسىنىڭ تمد ەلدەرى بويىنشا بلوگىنىڭ باسشىسى بەاتە باحترود «اقىلدى» ەسەپتەۋىشتەر جانە ولاردىڭ سيفرلىق الەمدەگى ٴرولى تۋرالى پرەزەنتاسياسىن ۇسىندى.

ىت-ازىرلەۋشىلەر ٴۇشىن قر تۇرعىن ۇي-كوممۋنالدىق شارۋاشىلىعىن سيفرلاندىرۋ بويىنشا وزدەرىنىڭ ازىرلەمەلەرىن ۇسىندى. سونداي-اق، كومپانيالار وزدەرىنىڭ تەحنولوگيالارىن ىس-شارالارمەن قاتار ٴجۇرىپ جاتقان قازاقستاندىق it-شەشىمدەر كورمەسىندە تانىستىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي