BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەمدىك ساراپشى: سيفرلاندىرۋ جەتىستىككە جەتەلەيدى

فوتو: НВК Саха

استانا، baq.kz. سوڭعى جىلدارى الەمدە سيفرلاندىرۋ قارقىنى كوز ىلەسپەس جىلدامدىقپەن دامۋ ۇستىندە. جاڭا تەحنولوگيالار مەن ميللياردتاعان مالىمەتتەر اعىنى ادام ايتقىسىز شاپشاڭدىقپەن پلانەتانىڭ بارلىق تۇكپىرىنە تارالىپ جاتىر. وسى رەتتە، الەمدىك ساراپشىلار نە دەيدى؟ سيفرلىق تۇرعىدان دامىعان مەملەكەتتەردىڭ قاتارىنا قاي ەلدەر كىرەدى؟ وسى جانە وزگە دە ساۋالداردى تومەندەگى ماقالادان تولىعىراق بىلە الاسىز.

بۇگىندە ايگىلى bوstوn cوnsulting grوup كومپانياسى قازاقستاننىڭ سيفلاندىرۋ باعدارلاماسىنا سايكەس، باستى ستراتەگيالىق ارىپتەسى بولىپ تابىلادى. اتالعان كومپانيانىڭ تاياۋ شىعىس بويىنشا ٴبولىمىنىڭ ديرەكتورى الەكساندر ٴتيۋرپيستىڭ ايتۋىنشا، قازاقستان جاڭا سيفرلىق داۋىرگە اياق باستى. وسىنداي دامۋشى ەلدەردە ينتەرنەتتىڭ ٴوسۋ قارقىنى جىلىنا 15-25 پايىزدى قۇرايدى. مۇنداي كورسەتكىش ەكونوميكانىڭ وزگە ەشبىر سەكتورىندا بايقالمايدى. گلوبالدىق تۇرعىداعى مالىمەتتەردىڭ 90 پايىزى بار بولعانى سوڭعى ەكى جىل ىشىندە پايدا بولدى.

«ال بۇگىنگى الەمدەگى مالىمەتتەر مەن اقپاراتتاردىڭ 99 پايىزى سيفراندىرىلعان. دۇنيەدەگى 35 ميلليارد قوندىرعىلار مالىمەتتەرمەن عالامات جۇمىس جاساپ، ولارمەن كۇن سايىن ٴوزارا ەمىن-ەركىن الماسىپ وتىر. مۇنىڭ ٴوزى جەر شارى حالقىنىڭ سانىنان 5 ەسە ارتىق. سونداي-اق، قوسىلۋ مۇمكىنشىلىگى بار قوندىرعىلار مەن جابدىقتاردىڭ 1 پايىزىن عانا قۇرايدى»، – دەيدى ا. تيۋرپيس.

دەگەنمەن وسى پروسەستىڭ كولەڭكەلى جاعى دا جوق ەمەس، ول كيبەرشابۋىلدارعا قارسى ٴىس-شارالار نەمەسە ولارعا كەدەرگى قويۋ. بىلتىرعى جىلى اتالمىش كورپوراسيا مەن ەل ۇكىمەتى وسى ماقساتتا جارتى تريلليون دوللار جۇمساپتى.

«سوڭعى جىلدارى بىزدەر كوپتەگەن يننوۆاسيالىق جاڭالىقتارعا كۋا بولدىق. ال ەڭ تاڭدانارلىق جايت – تاعى سان الۋان يننوۆاسيالار ٴالى الدىمىزدان كۇتىپ تۇر. ٴبىز بولساق بار بولعانى جاڭا عانا كىرىستىك»، – دەدى ساراپشى.

ونىڭ پىكىرىنشە، قازىرگى زامانعى تەحنولوگيالاردى ەندىرۋ ٴتۇرلى سالالارداعى ٴوندىرىس اۋقىمىن كەڭەيتىپ، ونىمدىلىگىن ۇلعايتىپ، ولارعا «ەكىنشى ٴومىر» سىيلايدى. بۇعان قوسا، قوسىمشا جۇمىس ورىندارىنىڭ اشىلۋىنا تىكەلەي ىقپال ەتەدى.

«كورىپ وتىرعانىمىزداي، كوپتەگەن ەل وسى سايىستىق جارىسقا ٴتۇسىپ، بۇل ماسەلەنى وزدەرىنىڭ كۇن تارتىبىنە قويىپ ۇلگەردى. ٴقازىر سيفرلاندىرۋ الەتىندە قازاقستانعا ٴ50-شى ورىن تيەسىلى. سوڭعى 5-6 جىلدا قازاقستاننىڭ الاتىن ورنى بالەندەي وزگەرىسكە تۇسكەن جوق. الايدا بىزدەر الداعى ونجىلدىق ىشىندە قازاقستاننىڭ الدىڭعى لەكتەگى 30 ەلدىڭ قاتارىنا ەنەتىنىنە نىق سەنىمدىمىز، بۇل ٴۇشىن مۇمكىنشىلىك اتاۋلى ابدەن جەتكىلىكتى»، – دەپ پىكىرىن ٴبىلدىردى.

ٴاربىر ەل وزىنە عانا ٴتان ەرەكشە جولدارمەن العا جىلجيدى ەكەن. مىسالى، گەرمانيا وندىرىس-ونەركاسىپ ينتەرنەتىن دامىتىپ نازار اۋدارعان. اقش-تا جاساندى زياتكەرلىك ينتەرنەتىنە باسىم كوڭىل بولىنگەن. شۆەسيا بلوكچەينمەن، قىتاي 3d-باسپا، ال ساۋد اراۆيا – كەڭ كولەمدەگى مالىمەتتەر اعىنىمەن اينالىسادى.

قازاقستان جەتىستىككە جەتەلەر بارلىق تورتەۋىن دە نازاردا ۇستاپ وتىرعان 15 ەلدىڭ قاتارىنا جاتادى. ولار: ەكونوميكانىڭ ٴداستۇرلى سالالارىن سيفرلىق تەحنولوگيالاردىڭ ارقاسىندا ترانسفورماسيالاۋ، ادامي كاپيتالدى دامىتۋ، مەمەملەكەتتىك قىزمەتتەردى سيفرلاندىرۋ جانە سيفرلىق يفراقۇرىلىمداردى دامىتۋ.

ال حالىقارالىق بانكتىڭ تەلەكوممۋنيكاسيالار مەن جاساندى ينتەللەكت تاجىريبەسىنىڭ جەتەكشىسى رانديپ سۋدان بولسا ٴوز بايانداماسىندا سينگاپۋردى مىسالعا الا وتىرىپ، الەمنىڭ بارلىق ەلدەرىن ستراتەگيالىق فورسايتقا بايلانىستى قاجەتتى قابىلەت كورسەتۋگە شاقىردى. ر.سۋداننىڭ ويىنشا قازاقستان تەك وزگە ەلدەردەن ۇيرەنۋدى قاناعات تۇتپاي، بۇدان دا ارىگە اپارار باتىل قيمىلدارعا كوشۋى كەرەك.

smart cities internet of every thing cisco باعىتتارى بويىنشا گلوبالدىق جەتەكشى ديرەكتور امر سالەمنىڭ پىكىرىنشە، سيفرلاندىرۋعا بايلانىستى قازاقستان دۇرىس جولدى تاڭداپ وتىر جانە ول ەكونوميكالىق ستراتەگيا مەن حالىقتىڭ ٴال-اۋقاتى مەن تۇرمىسىن كوتەرۋگە سەپتىگىن تيگىزەدى. بۇل جەردە ەكى فاكتور ماڭىزدى بولىپ تابىلادى. ياعني، بارلىق مەملەكەتتىك ورگانداردىڭ ٴوزارا بايلانىسىن جۇمىلدىرۋشى ينفراقۇرىلىم قۇرۋ جانە حالىققا قىزمەت كورسەتۋدىڭ بىرىەگەي پلاتفورماسىن قالىپتاستىرۋ. سيفرلاندىرۋ باعدارلاماسى – ۇلكەن ساياحات، ول بەلگىلى ٴبىر سوڭى نەمەسە اقىرى بار جوبا ەمەس. بۇل كوپتەگەن جىلدارعا ەسەپتەلىنگەن جانە ۇنەمى جاقسارتىلىپ وتىراتىن جوبا ەكەنىن باسا ايتتى.

ال، رەسەي فەدەراسياسىنىڭ بايلانىس جانە بۇقارالىق كوممۋنيكاسيالار ٴمينيسترى نيكولاي نيكيفوروۆ بولسا جەڭىستەرگە ساياسي ليدەرلىك پەن باسقارۋ جۇيەسى ارقىلى عانا جەتۋگە بولاتىنىن ايتتى.

«كورىپ وتىرمىز، كەڭەس پرەزيدەنتتىڭ توراعالىعىمەن وتۋدە، ال باياندامانى پرەمەر-مينيستردىڭ ٴوزى جاسادى. باعدارلاما ٴۇشىن جاۋاپتى ۆيسە-پرەمەر مەن مينيسترلىك بار، ال جوبالار بولسا، ەل ۇكىمەتىنىڭ بارلىق اتقارۋشى جۇيلەرىن قامتيدى»، - دەدى ول.

قازاقستان ەكونوميكاسىنا كەرەمەت سەرپىن بەرەرلىك «سيفرلىق توڭكەرىس» باستالعان سياقتى.

«بۇل وقيعانى تاريحي وقيعا دەپ ايتسام، ارتىق كەتكەندىك بولماس»، – دەگەن ەدى داۋرەن ابايەۆ.

شىنىندا دا جەر شارىنىڭ باسىم بولىگىندە جاڭا ٴداۋىر باستالدى. الداعى ونجىلدىقتار ەندى «سيفرلىق رەلستەرگە» جاپپاي كوشۋ ەنشىسى. ايتسە دە الدا ٴالى دە تالاي الىنار اسۋلار مەن ٴتۇرلى پىكىر-تالاستارعا تولى بولاشاق جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي