BAQ.kz - Қазақстан жаңалықтары USD 377.62 BAQ.kz - Қазақстан жаңалықтары EUR 426.03 BAQ.kz - Қазақстан жаңалықтары RUB 5.67
استانا:

اقمولا وبلىسىندا مەمقىزمەتتىڭ 90%-دان استامى سيفرلاندىرىلدى

اقمولا وبلىسى، baq.kz. بۇل تۋرالى بۇگىنگى بريفينگ بارىسىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى بەرگەن بەسپالينوۆ اتاپ ٴوتتى.

2017 جىلى وبلىس تۇرعىندارىنا ەلەكتروندى تۇردە كورسەتىلگەن مەملەكەتتىك قىزمەتتەر مولشەرىنىڭ 78،3% قۇراعانىن اتاپ وتكەن ٴجون. بۇگىنگى تاڭدا اتالعان كورسەتكىش 90%-دان استى. سونىمەن قاتار دەپارتامەنت ٴتۇرلى سالالار بويىنشا حالىققا قاجەتتى كونسۋلتاتيۆتى-ادىستەمەلىك كومەك كورسەتۋ ماقساتىندا مەملەكەتتىك كورسەتىلەتىن قىزمەتتەر جارمەڭكەلەرىن ٴجيى وتكىزەدى.

«بۇنداي ٴىس-شارالار ازاماتتاردىڭ جىلدام ٴارى ساپالى مەملەكەتتىك قىزمەت الۋىنا جاعداي جاساۋىمەن ٴتيىمدى. تاجىريبە كورسەتكەندەي، جارمەڭكەلەر بارىسىندا وبلىس تۇرعىندارى جەر قاتىناستارى، تۇرعىندىق-كوممۋنالدىق شارۋاشىلىق، ساۋلەت جانە قالا قۇرىلىسى، الەۋمەتتىك سالا، كوشى-قون جانە سالىق سالۋ ماسەلەلەرى بويىنشا قاجەتتى كومەك الادى» - دەپ ٴوز سوزىندە بەرگەن بەسپالينوۆ اتاپ ٴوتتى.

ستۋدەنت جاستاردى ەلەكتروندى تۇردە مەملەكەتتىك قىزمەتتەردى كورسەتۋ ۇردىسىنە تارتۋ ماقساتىندا دەپارتامەنت باستاماسىمەن وقۋ ورىندارىندا ستۋدەنتتەرگە قىزمەت كورسەتۋ ورتالىقتارى اشىلدى.

وعان قوسا، مەملەكەتتىك كورسەتىلەتىن قىزمەتتەردىڭ ساپاسىن ارتتىرۋدىڭ ٴتيىمدى جەمقورلىققا قارسى ساساتتى جۇزەگە اسىرۋسىز مۇمكىن ەمەس ەكەندىگىن اتاپ وتكەن ٴجون.

«بۇگىنگى تاڭدا ٴبىزدىڭ قىزمەتىمىزدە جەمقورلىقتىڭ الدىن الۋ باسىم باعىتقا يە. ٴبىز جەمقورلىققا قارسى مونيتورينگ، جەمقورلىق تاۋەكەلدەرىن تالداۋ، جەمقورلىققا قارسى مادەنيەتتى قالىپتاستىرۋ سياقتى زاماناۋي الدىن الۋ شارالارىن قابىلداۋدامىز» - دەيدى بەرگەن بەسپالينوۆ.

سپيكەردىڭ ايتۋىنشا، جەمقورلىق تاۋەكەلدەرىن تالداۋ قورىتىندىلارى بويىنشا مەملەكەتتىك ورگاندار مەن ۇيىمداردىڭ نقا مەن ۇيىمداستىرۋشىلىق-باسقارۋشىلىق قىزمەتىندەگى جەمقورلىق تاۋەكەلدەرىن جويۋعا باعىتتالعان 76 ۇسىنىم ەنگىزىلدى.

سونىمەن قاتار، قازىرگى ۋاقىتتا جەمقورلىققا قارسى ستراتەگيانى جۇزەگە اسىرۋدىڭ ٴبىرىنشى كەزەڭى ٴساتتى اياقتالدى. ونىڭ قورىتىندىلارى مەملەكەتتىك جەمقورلىققا قارسى ساياساتتىڭ جاڭا ساپالى دەڭگەيگە كوشكەنىن كورسەتەدى.

قورىتىندىلاي كەلە، بەرگەن بەسپالينوۆ دەپارتامەنت قىزمەتىنىڭ جاعىمدى ناتيجەلەرىن اتاپ ٴوتتى. اعىمدىق جىلى دەپارتامەنت وبلىس اكىمدىگىنىڭ قولداۋىمەن «اقمولا – ادالدىق الاڭى» جوباسىن ىسكە اسىرۋدا. وعان قوسا وبلىستا «بيزنەس پەن ينۆەستورلاردى سىبايلاس جەمقورلىققا قارسى سۇيەمەلدەۋ» جوباسى جۇزەگە اسۋدا. قازىرگى ۋاقىتتا جالپى قۇنى 1 ترل. 194 ملرد. تەڭگەنى قۇرايتىن 10 ينۆەستيسيالىق جوبا اتالعان سۇيەمەلدەۋمەن قامتىلعان. سونىمەن قاتار سپيكەر الەۋمەتتىك جەلىلەر ارقىلى ازاماتتاردىڭ وتىنىشتەرىن قابىلداۋعا مۇمكىندىك بەرەتىن «قوعامدىق باقىلاۋ كارتاسى» جوباسى جونىندە ٴسوز قوزعادى.

ٴوز ٴسوزىن قورىتىندىلاي كەلە، دەپارتامەنت باسشىسى 2019 جىلعا بەلگىلى جوسپارلار مەن مىندەتتەردىڭ بار ەكەنىن جانە ولاردى جۇزەگە اسىرۋعا كوپ كۇش جۇمسالاتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي