BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركيالىق كاسىپكەر: ٴبىزدىڭ ماقساتىمىز - ەكى ەل اراسىنداعى يمپورت پەن ەكسپورتتى نىعايتۋ

بۇگىن «اتامەكەن» الاڭىندا ۇكپ ٴتورالقا ٴتوراعاسى حاتشىلىعىنىڭ جەتەكشىسى، «اتامەكەن» قر ۇكپ ىسكەر ايەلدەرى كەڭەسىنىڭ ٴتورايىمى لاززات رامازانوۆا جانە تۇركيا كاسىپكەرلەرى مەن ونەركاسىپ وكىلدەرى كونفەدەراسياسىنىڭ باسقارما ٴتورايىمى نەزاكەت ەمينە اتاسويدىڭ ەكىجاقتى كەزدەسۋى ٴوتتى. كەزدەسۋ بارىسىندا «اتامەكەن» قر ۇكپ مەن تۇركيا كاسىپكەرلەرى اراسىندا ىنتاماقتاستىق تۋرالى حاتتاماعا قول قويىلدى، دەپ حابارلادى baq.kz اقپارات اگەنتتىگى پالاتانىڭ ٴباسپاسوز قىزمەتىنە سىلتەمە جاساپ.

نەزاكەت ەمينا اتاسوي قازاقستان رەسپۋبليكاسىنىڭ ەلورداسى استاناعا كەلگەنىنە قۋانىشتى ەكەنىن جەتكىزدى.

«ٴبىز ەكى ەل اراسىنداعى ساۋدا قاتىناستارىن نىعايتۋ ٴۇشىن كەلدىك. تۇركيا كاسىپكەرلەرى مەن ونەركاسىپ وكىلدەرى كونفەدەراسياسى الەمنىڭ 100-دەن استام مەملەكەتتەرىندە جۇمىس ىستەيدى. وكىلدىكتەرىمىز افريكا، ازيا مەملەكەتتەرىندە بار. جالپى كونفەدەراسيا ىسكەر ەرلەر مەن ايەلدەردەن تۇرادى. ٴبىز ونەركاسىپ پەن يندۋستريادا عانا ەمەس، ەكونوميكانىڭ بارلىق سالالارىندا جۇمىس ىستەيمىز»، - دەدى نەزاكەت ەمينا اتاسوي.

شارا بارىسىندا نەزاكەت ەمينا تۇركيا كاسىپكەرلەرى مەن ونەركاسىپ وكىلدەرى كونفەدەراسياسى قىزمەتى تۋرالى اڭگىمە قوزعادى.

«قازاقستانعا 5 ملرد اقش دوللارىن قۇرايتىن سوماعا كەپىلدىك حاتىن الىپ كەلدىم. بۇل قارجىنى قازاقستان ۇكىمەتى مەملەكەتتىڭ ارى قاراي گۇلدەنۋىنە جۇمسايدى دەپ سەنەمىز. ٴبىزدىڭ ماقساتىمىز - ەكى ەل اراسىنداعى يمپورت پەن ەكسپورت قاتىناستارىن نىعايتىپ، تاۋار تاسىمالىنا كەدەرگى كەلتىرەتىن كەدەندىك تەكسەرىستەردى جەڭىلدەتۋ»، - دەدى كونفەدەراسيا ٴتورايىمى.

ونىڭ سوزىنشە، تۇركيا كاسىپكەرلەرى مەن ونەركاسىپ وكىلدەرى كونفەدەراسياسى افريكانىڭ 54 مەملەكەتىمەن، پارسى شىعاناعىنىڭ 22 مەملەكەتىمەن بايلانىس ورناتقان. بۇل مەملەكەتتەر اراسىندا جىل سايىن حالىقارالىق فورۋمدار وتەدى، ماڭىزدى كەلىسىمدەر جاسالىپ، قۇجاتتارعا قول قويىلادى. كونفەدەراسيانىڭ باس كەڭسەسى انكارادا ورنالاسقان. قازاقستان نارىعى تۇركيا ۇيىمىنا وزبەكستان، قىرعىزستان، تۇرىكمەنستان نارىقتارىنا شىعۋعا جول اشادى. ەندى تۇركيا تاراپى 2018 جىلدىڭ العاشقى ايلارىندا تاياۋ شىعىس مەملەكەتتەرىنىڭ قاتىسۋىمەن قازاقستان مەن تۇركيا حالىقارالىق فورۋمىن وتكىزبەك.

شارا بارىسىندا ۇكپ باسقارما ٴتوراعاسىنىڭ ورىنباسارى يۋليا ياكۋپبايەۆا قارجى، مەديسينا، تۋريزم سالالارىنداعى باسىمدىقتار تۋرالى ايتتى.

«ەكى ەل اراسىنداعى سەرىكتەستىك وتە بەرىك. قازاقستاندا تۇركيالىق كاپيتالدىڭ كولەمى ايتارلىقتاي زور. ريكسوس جەلىسى قازاقستانعا كەلگەن العاشقى بەس جۇلدىزدى قوناق ۇيلەر. بۇگىندە ريكسوس قوناق ۇيلەرى 4 وڭىردە اشىلعان. مەديسينا سالاسىندا دا ٴىرى كومپانيالار جۇمىس ىستەيدى، ولار كلينيكالار مەن فارماسەۆتيكالىق زاۋىتتار. مەديسينالىق تۋريزم دا دامىپ كەلەدى. قازاقستاندىق ستۋدەنتتەر تۇركياعا بارىپ، ٴبىلىم الۋدا. تۋريزم سالاسىندا ۇلتتىق پالاتانىڭ تۋريزم سالاسىندا ٴتيىمدى 40 جوبا تىزبەسى بار. ولار تۇركيالىق ينۆەستورلاردى قىزىقتىرادى دەگەن سەنىمدەمىن. ينۆەستورلاردىڭ قۇقىعىن قورعاۋدا ۇكپ ٴتيىستى زاڭنامانى وزگەرتۋدە بەلسەندى جۇمىس اتقارىپ جاتىر. كەدەرگىلەر كوپ، مونيتورينگ جۇرگىزەمىز، ينۆەستورلاردىڭ بارلىق ماسەلەلەرىن «اتامەكەن» الاڭىندا شەشۋگە جاعداي جاسايمىز»، - دەدى يۋليا ياكۋپبايەۆا.

ٴوز كەزەگىندە «اتامەكەن» قر ۇكپ ىسكەر ايەلدەرى كەڭەسىنىڭ ٴتورايىمى لاززات رامازانوۆا نەزاكەت ەمينا اتاسوي حانىمعا ٴتيىمدى جۇمىس ىستەۋ ٴۇشىن كونفەدەراسيانىڭ قازاقستانداعى وكىلدىگىن اشۋدى ۇسىندى. تۇركيا تاراپى جۋىق ارادا وسى ماسەلەنى شەشەتىندەرىن جەتكىزدى. ەكى مەملەكەتتىڭ باسشىلارىنىڭ تىعىز بايلانىسى ارقىلى تۇركيا مەن قازاقستان اراسىنداعى بايلانىس ارتىپ كەلەدى.

«اتامەكەن» قر ۇكپ مەن تۇركيا كاسىپكەرلەرى مەن ونەركاسىپ وكىلدەرى كونفەدەراسياسى ساۋدا-ەكونوميكالىق قاتىناستارىنىڭ دامۋىنا اتسالىسادى. ويتكەنى ساۋدا، ونەركاسىپ جانە ينۆەستيسيالاردى تارتۋدا مۇددەلەر ورتاق. تۇركيا تاراپى قازاقستانعا 5 ملرد اقش دوللارىنا دەيىن ينۆەستيسيا سالۋعا دايىن. اتالعان ينۆەستيسيالىق قارجى 1،5%-پەن بەرىلمەك. اتالعان مەموراندۋم ساۋدا قاتىناسىندا اقپارات تاراتۋ مەن جاريالانىمدار بويىنشا تاجىريبە الماسۋ، ەكونوميكالىق ىنتىماقتاستىققا اتسالىسۋ، بيزنەستى دامىتۋعا باعىتتالعان ەكىجاقتى ٴىس-شارالاردى وتكىزۋدى كوزدەيدى.

كەزدەسۋ بارىسىندا «اتامەكەن» قر ۇكپ ىسكەر ايەلدەر كەڭەسىنىڭ ٴتورايىمى لاززات رامازانوۆا مەن «اتاسويلار پرەستيج» حولدينگىنىڭ باسقارما ٴتورايىمى نەزاكەت ەمينە اتاسوي ٴوزارا ىنتىماقتاستىق تۋرالى حاتتاماعا قول قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي