BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ رەسەيدىڭ قازاقستانداعى جاڭا ەلشىسىن قابىلدادى

پارلامەنت سەناتىنىڭ ٴتوراعاسى قاسىم-جومارت توقايەۆ رەسەي فەدەراسياسىنىڭ قازاقستانعا تاياۋ كۇندەرى كەلگەن ەلشىسى الەكسەي بوروداۆكيندى قابىلدادى، دەپ حابارلايدى baq.kz اقپارات اگەنتتىگى.

سەنات ٴتوراعاسى كەمەروۆوداعى اپاتتا قازا بولعاندارعا بايلانىستى كوڭىل ايتتى.

«ٴبىز وسى وقيعادا قۇربان بولعانداردىڭ تۋىستارى مەن جاقىندارىنىڭ ورنى تولماس قايعىلىلارىنا ورتاقپىز»، - دەدى ول.

قاسىم-جومارت توقايەۆ رەسەي فەدەراسياسى فەدەرالدىق جينالىسى فەدەراسيا كەڭەسىنىڭ ٴتوراعاسى ۆ. ماتۆيەنكوعا كوڭىل ايتۋ جەدەلحاتىن جولداعانىن ايتتى.

جۇزدەسۋشىلەر استانا مەن ماسكەۋ اراسىنداعى ٴوزارا سەنىم مەن تۇسىنىستىكتىڭ جوعارى دەڭگەيىن اتاپ ٴوتتى. ونى قالىپتاستىرۋدا مەملەكەت باسشىلارىنىڭ ٴرولى زور ەكەنى ايتىلدى.

«ٴبىز ۆ.ٴپۋتيننىڭ رەسەي فەدەراسياسىنىڭ پرەزيدەنتى بولىپ سايلانۋىن قازاقستان مەن رەسەيدىڭ وداقتاستىق قاتىناستارى مەن ستراتەگيالىق ارىپتەستىگىن دامىتۋ باعىتىنىڭ تابىستى جالعاساتىنىنا سەنىمدى كەپىلدىك رەتىندە قاراستىرامىز»، - دەدى سەنات ٴتوراعاسى.

سەنات ٴتوراعاسى ەكى ەلدىڭ زاڭ شىعارۋ ورگاندارىنىڭ ٴوزارا ٴىس-قيمىلىنىڭ كەلەشەگىنە توقتالدى. تمد پارلامەنتارالىق اسسامبلەياسى مەن ۇقشۇ پارلامەنتتىك اسسامبلەياسىنداعى تىعىز بايلانىستار پارلامەنتارالىق ٴۇنقاتىسۋدىڭ ماڭىزدى قۇرالى بولىپ قىزمەت ەتەدى.

ق. توقايەۆ بيىلعى 10-11 قازانداعى الەمدىك جانە ٴداستۇرلى دىندەر ليلەرلەرىنىڭ vi سەزى تۋرالى حاباردار ەتىپ، رەسەيدىڭ پراۆوسلاۆ شىركەۋى مەن باسقا دا ٴداستۇرلى دىندەردىڭ جوعارى وكىلدەرىنىڭ قاتىساتىنىنا سەنىم ٴبىلدىردى.

ق.توقايەۆ قازاقستانداعى ديپلوماتيالىق ميسسياسىنىڭ باستالۋىمەن ا. بوروداۆكيندى قۇتتىقتادى جانە رەسەي ەلشىسى جوعارى لاۋازىمىندا ول ٴبىزدىڭ ەلدەر اراسىنداعى وداقتاستىق قاتىناستاردى نىعايتۋعا قوماقتى ۇلەس قوساتىنىنا سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي