BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تمد ەلدەرىنىڭ سىرتقى ىستەر مينيسترلەرى كەزدەسەدى

2018 جىلعى 6 ساۋىردە تاۋەلسىز مەملەكەتتەر دوستاستىعى سىرتقى ىستەر مينيسترلەرى كەڭەسىنىڭ كەزەكتى وتىرىسى وتەدى، دەپ حابارلايدى baq.kz اقپاران اگەنتتىگى تمد اتقارۋ كوميتەتىنىڭ ٴباسپاسوز قىزمەتىنە سىلتەمە جاساپ.

جوسپار بويىنشا، كەڭەس وتىرىسىندا 13 قۇجاتتىڭ جوباسى قارالادى، ولاردىڭ باسىم بولىگى دوستاستىق اياسىنداعى گۋمانيتارلىق ىنتىماقتاستىقتى دامىتۋ مەن قاۋىپسىزدىكتى نىعايتۋ ماسەلەلەرىنە ارنالعان. سىمك مۇشەلەرى شاعىن فورماتتا ٴوز قۇزىرەتتەرى اياسىندا حالىقارالىق جانە تمد اياسىنداعى ىنتىماقتاستىقتىڭ وزەكتى ماسەلەلەرى جونىندە پىكىر الماسادى، سونداي-اق سىمك-تىڭ كەزەكتى وتىرىسىن وتكىزۋ ورنى مەن كۇنىن بەلگىلەيدى.

كەڭەيتىلگەن وتىرىستا تاۋەلسىز مەملەكەتتەر دوستاستىعى اياسىندا سىرتقى ىستەر مينيسترلىكتەرى اراسىنداعى كوپدەڭگەيلى كونسۋلتاسيالار جوسپارىنىڭ ىسكە اسىرىلۋى تالقىلانىپ، 2018 جىلعى جوسپار بەلگىلەنەدى.

سىمك وتىرىسىندا گۋمانيتارلىق ىنتىماقتاستىقتى كەڭەيتۋ اياسىندا: 2021 جىلدى تمد-دا ساۋلەت جانە قالا سالۋ جىلى دەپ جاريالاۋ، تمد-عا قاتىسۋشى مەمدەكەتتەردىڭ وقىتۋشىلارى مەن ٴبىلىم بەرۋ قىزمەتكەرلەرىنىڭ سەزى تۋرالى ەرەجە، «تمد ٴۇشىن 100 يدەيا» حالىقارالىق جاستار جوباسى، تمد ەلدەرىنىڭ سالىقتاردى (قارجىلىق) تەكسەرۋ ورگاندارىنا كادرلار دايارلاۋ جانە ولاردىڭ بىلىكتىلىگىن ارتتىرۋدىڭ بازالىق ۇيىمى سياقتى جوبالاردى تالقىلاۋ جوسپارلانۋدا.

بۇدان تىس، سىمك وتىرىسىندا قارالاتىن ماسەلەلەردىڭ جارتىسىنان كوبى دوستاستىقتاعى قاۋىپسىزدىك جانە جاڭا سىن-تەگەۋرىندەرگە قارسى ٴىس-قيمىل سالاسىنا ارنالادى.

ەسكە سالا كەتەيىك، تمد سىرتقى ىستەر مينيسترلەرى كەڭەسىنىڭ كەزەكتى وتىرىسىن 2018 جىلعى 6 ساۋىردە مينسكىدە (بەلارۋس رەسپۋبليكاسى) وتكىزۋ تۋرالى شەشىم تمد سىمك-تىڭ 2017 جىلعى 10 قازاندا سوچيدە وتكەن وتىرىسىندا قابىلدانعان بولاتىن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي