BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورازا – 2016: ٴمان بەرەر مالىمەتتەر

رامازان ايى 2016 جىلدىڭ 6 ماۋسىمىندا باستالادى. بيىل مۇسىلماندىق اي كۇنتىزبەسى بويىنشا ورازا29 كۇن.

وسى جولعى ورازا كۇننىڭ ەڭ ۇزارعان ساتىنە سايكەس كەلىپ وتىر. تاڭنىڭ اتۋى مەن كۇننىڭ باتۋى 17-18 ساعاتقا دەيىن سوزىلادى. الايدا كۇننىڭ ۇزاقتىعى مەن شىلدەنىڭ اپتاپ ىستىعى وتانداستارىمىزدىڭ ورازا ۇستاۋىنا كەدەرگى كەلتىرمەيدى دەپ سەنەمىز. ويتكەنى، رامازان – جىلىنا ٴبىر رەت كەلەتىن، ساۋاپتار ەسەلەنىپ جازىلاتىن بەرەكەلى، قاسيەتتى اي. مۇسىلمان بالاسى مۇنداي مۇمكىندىكتەر ايىن جىبەرىپ الماۋعا تىرىسادى.

■ باس ٴمۇفتي ەرجان قاجى مالعاجى ۇلىنىڭ توراعالىعىمەن وتكەن قمدب ٴتورالقا ماجىلىسىندە وكىل يمامداردىڭ ٴبىراۋىزدان كەلىسۋىمەن رامازان ايىندا بەرىلەتىن ٴپىتىر ساداقا مولشەرى 200 تەڭگە بولىپ بەكىتىلدى. ٴپىتىر ساداقانى رامازان ايىنىڭ ٴبىرىنشى كۇنىنەن باستاپ، ورازا ايت نامازىنا دەيىن بەرۋگە بولادى.

■ ٴپىتىر-ساداقادان تۇسكەن قاراجات ەسەبىنەن مۇگەدەكتەر مەن قارتتارعا، جەسىر ايەلدەر مەن جەتىمدەرگە، الەۋمەتتىك تۇرمىسى تومەن وتباسىلارىنا قايىرىمدىلىق كومەك كورسەتىلەدى.

■ قاسيەتتى ٴقادىر كەشى – شىلدەنىڭ 1-نەن 2-سىنە قاراعان ٴتۇن. ٴقادىر تۇنىندە مەشىتتەردە تاڭعا دەيىن رۋحاني باعدارلامالار ۇيىمداستىرىلادى. ۋاعىز ايتىلىپ، قۇران وقىلىپ، جاماعاتپەن دۇعا جاسالادى.

■ 5 شىلدە كۇنى ورازا ايت مەرەكەسى باستالادى. ورازا ايت كۇندەرى مەشىت اۋلالارىنا قازاق ۇيلەر تىگىلىپ، جاماعات اراسىندا ۇلتتىق سپورت تۇرلەرىنەن (اسىق اتۋ، ارقان تارتۋ، قول كۇرەس، گىر تاسىن كوتەرۋ، ت.ب.) جارىستار ۇيىمداستىرىلادى.

■ 5 ماۋسىم كۇنى قۇپتان نامازىنان كەيىن مەشىتتەردە تاراۋيح نامازى وقىلادى. تاراۋيح نامازى 29 كۇن وقىلىپ، قاسيەتتى كىتابىمىز قۇران كارىم تولىق حاتىم ەتىلەدى. قۇدايعا شۇكىر، ٴقازىر ٴوز ەلىمىزدەن جاس قاريلار شىعىپ، تاراۋيح نامازىن وقۋدا. وتكەن جىلى «ازىرەت سۇلتان» مەشىتىندە 14 جاستاعى ەڭ جاس قاريىمىز، رەسپۋبليكالىق قۇران جارىسىنىڭ باس جۇلدەگەرى دۋلات بولاتبەك ۇلى تاراۋيح نامازىن وتەپ، جاماعاتتىڭ العىسى مەن قۋانىشىنا بولەندى.

■ جولاۋشىلارعا، جۇكتى، ەتەككىرى كەلگەن نەمەسە ومىراۋدا بالاسى بار ايەلدەرگە، ناۋقاس جاندارعا ورازا ۇستاۋ – پارىز ەمەس.

■ ساپاردا ورازا ۇستاماۋعا بولادى. ٴبىراق باسقا كۇندەردە سانىن تولتىرىپ، اۋىز بەكىتەدى. ەگەر ساپار قيىندىق تۋعىزباسا، ابزالى – اۋىز بەكىتۋ.

■ جۇكتى نەمەسە ومىراۋدا بالاسى بار ايەلدەر ەگەر دەنساۋلىعى مەن سابيىنە زيان كەلۋدەن قورىقسا، ورازا ۇستاماي كەيىن قازاسىن وتەسە بولادى.

■ رامازان كەزىندە ەتەككىرى كەلگەن نەمەسە بوسانعان ايەلدىڭ ورازاسى بۇزىلادى. مۇنداي جاعدايدا اۋزىن اشىپ، كەيىننەن ۇستاماعان كۇندەردىڭ قازاسىن وتەيدى.

■ رامازان ايى قارساڭىندا باس ٴمۇفتي ەرجان قاجى مالعاجى ۇلى مۇسىلمان قاۋىمىنا ۇندەۋ جولداپ، حالقىمىزدى ورازانىڭ ٴار كۇنىندە جاقسىلىق جاساپ، قايىرىمدىلىق ٴىس-شارالارعا اتسالىسۋعا شاقىردى. سونىمەن قاتار، كاسىپكەرلەردى تۇرمىسقا قاجەتتى زاتتارعا جەڭىلدىك جاساۋعا، جاماندىقتىڭ باستاۋى بولعان اراق-شاراپ ساتپاۋعا ۇندەدى.

■ قاسيەتتى ايدىڭ قارساڭىندا الماتىداعى رەسپۋبليكا سارايىندا، استاناداعى بەيبىتشىلىك جانە كەلىسىم سارايىندا، وبلىستارداعى مادەنيەت ۇيلەرىندە «قوش كەلدىڭ، رامازان!»، «بەرەكەلى مەرەكە»، «بەرەكەلى رامازان» دەگەن تاقىرىپپەن رۋحاني-مادەني، پاتريوتتىق كەشتەر ۇيىمداستىرىلدى.

■ جىل سايىنعى ٴداستۇر بويىنشا رامازان ايىنىڭ قۇرمەتى ٴۇشىن «تەگىن تاكسي»، «تەگىن اۆتوبۋس»، «قايىرىمدىلىق – قايىرلى ٴىس»، «بارىڭمەن ٴبولىس»، ت.ب. قايىرىمدىلىق اكسيالار ۇيىمداستىرىلادى.

■ تاراۋيح نامازدارىنان كەيىن جاماعات ٴۇشىن مەشىت اۋلالارىنا ارنايى اۆتوبۋستار قويىلىپ، تۇرعىندارتەگىن جەتكىزىلەدى.

■ ەلىمىزدە اۋىزاشار بەرۋدىڭ قازاقى-مۇسىلماندىق مەرەكەلىك مادەنيەتى قالىپتاسا باستادى. اۋىزاشارلاردا تەك ۋاعىز-ناسيحات ايتىلىپ قانا قويماي، ارناۋ، جىر-تولعاۋ، تەرمەلەر ورىندالىپ، وسيەتتى ولەڭدەر وقىلادى. سونىمەن قاتار، جىلى لەبىزدەر مەن تىلەكتەر ايتىلادى. ورازا، يماندىلىق، بىرلىك، ىزگىلىك تۋرالى عيبراتتى بەينەروليكتەر كورسەتىلىپ، تاعىلىمى مول، ادام ٴورىسىن دامىتاتىن ۆيكتورينالىق سۇراقتار قويىلادى. جەڭىمپازدار قۇندى سىيلىقتارمەن ماراپاتتالادى.

اعابەك قونارباي ۇلى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي