BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار قۇل-مۇحاممەد «ەدينايا روسسيا» پارتياسىنىڭ xv سەزىنە قاتىستى

ۇگىن ماسكەۋدە وتكەن سەزدە مۇحتار قۇل-مۇحاممەد «ەدينايا روسسيا» پارتياسىنىڭ جەتەكشىلىگىنە «نۇر وتان» پارتياسىنىڭ ليدەرى نۇرسۇلتان نازاربايەۆتىڭ اتىنان قۇتتىقتاۋ حاتتى تابىس ەتتى.

ٴوزىنىڭ قۇتتىقتاۋ حاتىندا مەملەكەت باسشىسى سەزد دەلەگاتتارى مەن قوناقتارىنا ىستىق ىقىلاسىن جولداي وتىرىپ، قازاقستان مەن رەسەي حالىقتارىن ٴححى عاسىرداعى تاتۋ كورشىلىك جانە وداقتاستىق تۋرالى كەلىسىممەن بەكىتىلگەن ستراتەگيالىق سەرىكتەستىكتى دايەكتى تۇردە دامىتىپ وتىرعان دوستىق پەن ىنتىماقتاستىقتىڭ سان عاسىرلىق باۋىرلاس قارىم-قاتىناسى بايلانىستىراتىنىن جەتكىزگەن. ەۋرازيالىق ەكونوميكالىق وداقتىڭ سەرپىندى دامۋى قازاقستان مەن رەسەي اراسىنداعى ٴوزارا سەنىمنىڭ جاڭا دەڭگەيىن كورسەتەدى.

نۇرسۇلتان نازاربايەۆ: «ەكى ەلدىڭ بيلەۋشى پارتيالارى: «نۇر وتان» مەن «ەدينايا روسسيا» اراسىنداعى ٴوزارا تىعىز بايلانىس قازاقستان-رەسەي قارىم-قاتىناسىن ودان ٴارى نىعايتاتىن ماڭىزدى تەتىك بولىپ تابىلادى. جەتەكشى ساياسي كۇشتەر اراسىنداعى ديالوگ – قازاقستان مەن رەسەيدىڭ بارلىق سالانى قامتيتىن سەرىكتەستىگىنىڭ سالماقتى فاكتورى. ٴبىز رەسەيلىك ارىپتەستەرىمىزبەن كوپ جوسپارلى جانە سىندارلى ىنتىماقتاستىعىمىزدى ودان ٴارى دامىتۋعا، پارتياارالىق بايلانىستى جان-جاقتى كەڭەيتىپ، تەرەڭدەتۋگە نيەتتىمىز»، – دەپ اتاپ وتكەن.

«نۇر وتان» پارتياسى ٴتوراعاسىنىڭ ٴبىرىنشى ورىنباسارى رەسەي استاناسىندا ٴبىرقاتار ەكىجاقتى كەلىسسوزدەر وتكىزدى.

اتاپ ايتقاندا، مۇحتار قۇل-مۇحاممەد رف مەملەكەتتىك دۋماسىنىڭ ٴتوراعاسى سەرگەي نارىشكينمەن جانە «ەدينايا روسسيا» پارتيا بيۋروسى جوعارى كەڭەسىنىڭ ٴتوراعاسى بوريس گرىزلوۆپەن كەزدەسىپ، پارتيا كوشباسشىسى نۇرسۇلتان نازاربايەۆ كورسەتىپ بەرگەن «نۇر وتاننىڭ» الدىنداعى جۇمىستاردىڭ باسىم باعىتتارى جونىندە ٴسوز ەتتى. ٴوز سوزىندە پارتيا ٴتوراعاسىنىڭ ٴبىرىنشى ورىنباسارى قازاقستاننىڭ 2050 جىلعا دەيىنگى دامۋ ستراتەگياسىنا، «100 ناقتى قادام» ۇلت جوسپارىنا، «نۇرلى جول» كەڭاۋقىمدى باعدارلاماسىنا، سونداي-اق، «الەم. ٴححى عاسىر» مانيفەسى، ۇلى جىبەك جولىنىڭ جاندانۋى، «ۇلكەن ەۋرازيانى» قۇرۋ سىندى مەملەكەت باسشىسىنىڭ قوعام نازارىنا ىلىنگەن حالىقارالىق باستامالارىنا ەرەكشە كوڭىل ٴبولدى.

ٴوز كەزەگىندە رەسەيلىك ارىپتەستەر نۇرسۇلتان نازاربايەۆتىڭ سانكت-پەتەربۋرگتەگى حالىقارالىق ەكونوميكالىق فورۋمدا جانە تاشكەنتتەگى شىۇ-نىڭ سامميتىندە سويلەگەن سوزدەرىنىڭ ەرەكشە ماڭىزدىلىعىن اتاپ ٴوتتى. وزبەكستان استاناسىنداعى باسقوسۋدا قازاقستان كوشباسشىسى شانحاي ىنتىماقتاستىق ۇيىمىنىڭ باسقارۋ بيلىگىن قابىلداپ العانىن ايتا كەتكەن ٴجون.

بۇگىن مۇحتار قۇل-مۇحاممەد جاپونيا ليبەرال-دەموكراتيالىق پارتياسىنىڭ باس حاتشىسىمەن كەزدەستى.

كازۋنوري تاناكا ٴوز ەلىنىڭ پارلامەنتىنە جەتى مارتە سايلانعان. سونداي-اق، ول بۇگىندە جاپونيانىڭ بيلەۋشى پارتياسىنىڭ سايلاۋالدى شتابىن باسقارادى.

كەلىسسوز بارىسىندا كازۋنوري تاناكا نۇرسۇلتان نازاربايەۆتىڭ تاۋەلسىز قازاقستاننىڭ قالىپتاسۋى مەن دامۋىنداعى ايرىقشا رولىنە جانە ونىڭ حالىقارالىق ارەناداعى جوعارى بەدەلىنە توقتالدى.

ماسكەۋدە قازاقستان-رەسەي سەرىكتەستىگىنىڭ ەرەكشە ستاتۋسى ەسكەرىلىپ، رەسەيگە كەلگەن بارلىق وتىز شەتەلدىك پارتيا دەلەگاسيالارى اتىنان سەزدىڭ اشىلۋىنا وراي وتكىزىلگەن سالتاناتتى كەزدەسۋدە «نۇر وتان» پارتياسى ٴتوراعاسىنىڭ ٴبىرىنشى ورىنباسارىنا ٴسوز بەرىلگەنىن اتاپ وتكەن ٴجون.




ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي