BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى نيدەرلاندتىڭ ٴىرى كومپانيالارىنىڭ كورمە-تانىستىرىلىمىندا بولدى

استانا. 24 ناۋرىز. baq.kz – قازاقستان پرەزيدەنتى گوللاندتىڭ جوعارى تەحنولوگيالىق كاسىپورىندارىنىڭ جەتىستىكتەرى كورمەسىمەن، اتاپ ايتقاندا royal ten cate، claas، royal dutch shell، royal philips ٴتارىزدى جانە باسقا دا كومپانيالارىنىڭ جوبالارىمەن تانىستى دەپ حابارلايدى اقوردانىڭ ٴباسپاسوز قىزمەتى. 

سونداي-اق، وندا بىرلەسكەن قازاقستاندىق-ەۋروپالىق پەرسپەكتيۆالىق ينۆەستيسيالىق جوبالار تانىستىرىلدى.

25 كومپانيا قاتىسقان كورمە اياسىندا جالپى قۇنى 328 ميلليوننان استام ەۋرو بولاتىن ەكىجاقتى 13 قۇجاتقا قول قويىلدى.

ايتا كەتەيىك، بۇعان دەيىن مەملەكەت باسشىسى «قازاقستاننىڭ نيدەرلاندتاعى دوستارى» قازاقستان-نيدەرلاند ساياسي كلۋبىنىڭ مۇشەلەرىمەن كەزدەسكەن بولاتىن.

كەزدەسۋ بارىسىندا نۇرسۇلتان نازاربايەۆ گوللاندتىق كومپانيالارىمەن ىنتىماقتاستىققا جانە ٴوزارا ىقپالداستىق سالاسىن كەڭەيتۋگە مۇددەلىلىك بار ەكەنىن اتاپ ٴوتتى.

– نيدەرلاندتىڭ قازاقستان ەكونوميكاسىنا سالعان ينۆەستيسياسى 30 ميلليارد اقش دوللارىن قۇرايدى. ٴوزارا تاۋار اينالىمى 10 ميلليارد دوللار دەڭگەيىنە جەتىپ وتىر. بۇل – ەۋروپالىق وداق ەلدەرى اراسىنداعى ەڭ جوعارى كورسەتكىش. ٴقازىر قازاقستان يندۋستريالىق-يننوۆاسيالىق باعدارلامانى ىسكە اسىرۋدا، ونىڭ اياسىندا 500-دەن استام كاسىپورىن، 600 مىڭداي جۇمىس ورنى اشىلدى. ٴبىز گوللاندتىق كومپانيالاردى بىرلەسە جۇمىس ىستەۋگە شاقىرامىز. ەلىمىز مۇناي-گاز، ٴتۇستى جانە قارا مەتاللۋرگيا، حيميا سالاسىندا وڭدەۋشى كاسىپورىنداردى دامىتۋعا مۇددەلى. ٴبىز مۇنداي ٴوندىرىس ٴۇشىن جەڭىلدىكتەر ۇسىنامىز جانە ٴتيىستى ينفراقۇرىلىم قالىپتاستىرامىز. اقپارات جانە اۋىل شارۋاشىلىعى سالاسىنداعى ىنتىماقتاستىققا دا مۇددەلىمىز، – دەدى قازاقستان پرەزيدەنتى.

نۇرسۇلتان نازاربايەۆ قازاقستاننىڭ فرانسيا، گەرمانيا، يسپانيانىڭ ٴبىرقاتار ٴىرى كومپانيالارىمەن ىنتىماقتاستىق دەڭگەيى جوعارى ەكەنىن اتاپ ٴوتىپ، رەسپۋبليكا شەتەلدىك ينۆەستيسيانى كولەمى جونىنەن مەيلىنشە كوبىرەك تارتاتىن 20 ەلدىڭ قاتارىنا كىرەتىنىنە توقتالدى.

كەزدەسۋ سوڭىندا مەملەكەت باسشىسىنا قازاقستان پرەزيدەنتى بەينەلەنگەن گوللاندتىق جاڭا پوشتا ماركاسى جانە «پرەزيدەنت نازاربايەۆ» دەپ اتالاتىن قىزعالداقتىڭ جاڭا ٴتۇرى تانىستىرىلدى، سونداي-اق روتتەردام قالاسى اكىمدىگىنىڭ «استانا» جاڭا الاڭىن اشۋ تۋرالى باستاماسى جاريالاندى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي