BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لورد م. شەيح: ۇلىبريتانيا قازاقستاننىڭ جاھاندىق بەيبىتشىلىك پەن قاۋىپسىزدىكتى قۇرۋ جۇيەسىندە اتقاراتىن رولىنە تاڭقالۋدا

2 ماۋسىمدا سىرتقى ىستەر ٴمينيسترى ەرلان ىدىرىسوۆ ۇلىبريتانيا پارلامەنتىنىڭ لوردتار پالاتاسىنىڭ مۇشەسى لورد مۇحاممەد شەيحپەن كەزدەستى، دەپ حابارلايدى قر ٴسىم ٴباسپاسوز قىزمەتى.

تاراپتار قازاقستان -بريتان اراسىنداعى ىنتىماقتاستىقتىڭ قازىرگى جاعدايى مەن كەلەشەگىن، قر پرەزيدەنتى نۇرسۇلتان نازاربايەۆتىڭ 2015 جىلعى قاراشا ايىنداعى رەسمي ساپارىنىڭ قورىتىندىسى بويىنشا قول جەتكىزگەن ەكى ەل اراسىنداعى كەلىسىمدەردى ىسكە اسىرۋ بارىسىن تالقىلادى، سونداي-اق حالىقارالىق كۇن ٴتارتىبىنىڭ وزەكتى ماسەلەلەرى جونىندە پىكىر الماستى.

سىرتقى ساياسي ۆەدومستۆوسىنىڭ باسشىسى بريتاندىق پارلامەنتىندە قازاقستانمەن ىنتىماقتاستىق جونىندەگى بۇكىلپارتيالىق پارلامەنتتىك توپتىڭ قۇرىلۋىن قۇپتاپ، پارلامەنتارالىق بايلانىستىڭ ودان ٴارى كۇشەيۋىنە سەنىم ٴبىلدىردى. «بۇكىلپارتيالىق پارلامەنتتىك توپتىڭ ٴۇ.ج. كۇزگە جوسپارلانعان رەسمي ساپارى قاتىناستارىمىزدىڭ جان-جاقتى دامۋىنا قوسىمشا سەرپىن بەرەتىنىنە جانە بارلىق باعىتتاردا سەنىمدى، اشىق ديالوگتىڭ ودان ٴارى تەرەڭدەۋى ٴۇشىن نەگىز بولاتىنىنا سەنەمىن»، – دەپ اتاپ ٴوتتى ە. ىدىرىسوۆ.

«قازاقستاننىڭ جاھاندىق بەيبىتشىلىك پەن قاۋىپسىزدىكتى قۇرۋ جۇيەسىندە اتقاراتىن ٴرولى جانە حالىقارالىق قاقتىعىستاردى رەتتەۋدەگى ونىڭ جاردەمى تاڭقالدىرادى»، – دەدى م. شەيح. سونىمەن قاتار، قازاقستاننىڭ حالىقتار اراسىنداعى كەلىسىم مەن توزىمدىلىكتى، قۇرمەت پەن دوستىقتى ىلگەرىلەتۋ بويىنشا جالپى ۇمتىلىستارىنىڭ ەرەكشە ۇلەسىن باسا ايتتى.

استاناعا ساپار بارىسىندا بريتاندىق لورد «دىندەر تەرروريزمگە قارسى» حالىقارالىق كونفەرەنسياعا جانە «kadex – 2016» ٴ4-شى حالىقارالىق قارۋ-جاراق پەن اسكەري تەحنيكالىق مۇلىك كورمەسىنە قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي