BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قر قورعانىس ٴمينيسترى تمد قورعانىس مينيسترلەرى كەڭەسىنىڭ وتىرىسىنا قاتىستى

بۇگىن، 15 ماۋسىم كۇنى ماسكەۋ قالاسىندا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ قورعانىس مينيسترلەرى كەڭەسىنىڭ وتىرىسى ٴوتتى. وتىرىسقا قورعانىس ٴمينيسترى يمانعالي تاسماعامبەتوۆ باستاعان قازاقستاندىق دەلەگاسيا قاتىستى، دەپ حابارلايدى baq.kz ٴتىلشىسى قر قورعانىس مينيسترلىگىنىڭ ٴباسپاسوز قىزمەتىنە سىلتەمە جاساپ.

اتالعان وتىرىس بارىسىندا تاراپتار 18 ماسەلەنى تالقىلادى. ونىڭ ىشىندەگى 5 سۇراق – تمد اۋە شابۋىلىنا قارسى قورعانىستىڭ بىرىكتىرىلگەن جۇيەسىن دامىتۋ جانە ونى قامتاماسىز ەتۋ توڭىرەگىندە بولدى.

سونداي-اق، كۇن تارتىبىنە بيىلعى جىلدىڭ 30 شىلدەسى مەن 13 تامىزى ارالىعىندا وتەتىن 2016 جىلعى حالىقارالىق ارميا ويىندارىندا تمد قاتىسۋشى مەملەكەتتەردىڭ قارۋلى كۇشتەرىنەن قاتىساتىن كوماندالار جونىندە ماسەلە ەنگىزىلدى. الدىن الا بەلگىلى بولعان دەرەكتەرگە سۇيەنسەك، ارميا ويىندارىنا 47 مەملەكەتتەن 114 كوماندا قاتىسادى. حالىقارالىق سايىستا 23 ٴتۇرلى بايقاۋ وتكىزىلمەك، ولاردىڭ ىشىندە ەكى بايقاۋ – «ارتيللەريا الاۋىنىڭ شەبەرى» جانە «مەرگەن شەبى» سايىستارى العاش رەت قازاقستان رەسپۋبليكاسى اۋماعىنداعى پوليگونداردا وتكىزىلەدى. ايتا كەتەيىك، قازاقستاندىق اسكەري قىزمەتشىلەر بايقاۋدىڭ بارلىق ٴتۇرى بويىنشا قاتىسادى.

قورعانىس ۆەدومستۆالارىنىڭ باسشىلارى تمد-عا مۇشە مەملەكەتتەردىڭ اۋە-عارىشتىق قورعانىسى تۋرالى تۇجىرىمداماسىن ماقۇلدادى. اتالعان تۇجىرىمداما تمد-عا مۇشە مەملەكەتتەردىڭ اۋە شابۋىلىنا قارسى قورعانىسىنىڭ بىرىكتىرىلگەن جۇيەسىن بىرلەسكەن قورعانىستى تەك اۋەدە عانا ەمەس، اۋە-عارىشتىق دەڭگەيىندە قامتاماسىز ەتۋدى ٴارى قاراي جەتىلدىرۋ قاجەتتىلىگىمەن بايلانىستى.

قورعانىس مينيسترلەرىنىڭ كەزدەسۋى بارىسىندا تمد قورعانىس مينيسترلەرى كەڭەسىنىڭ جانىنداعى ۇيلەستىرۋ كوميتەتىنىڭ اسكەري ٴبىلىم ماسەلەسى بويىنشا قىزمەتىن جانە دوستاستىق ەلدەرىنىڭ قارۋلى كۇشتەرىندەگى مەملەكەتتىك قۇپيالاردى قورعاۋ قىزمەتتەرىنىڭ ٴوزارا ٴىس-قيمىلىن تالقىلادى.

وتىرىس بارىسىندا بىرنەشە بايانداما تىڭدالدى. قازاقستاندىق دەلەگاسيانىڭ اتىنان قر قك مەملەكەتتىك قۇپيالاردى قورعاۋ جانە اقپارات قاۋىپسىزدىگى باس باسقارماسىنىڭ باستىعى پولكوۆنيك قايناربەك قوجاحمەتوۆ بايانداما جاسادى. ول اسكەري ىنتىماقتاستىق توڭىرەگىندەگى مەملەكەتارالىق قۇپيالاردىڭ ساقتالۋىن قامتاماسىز ەتۋدەگى قىزمەتتىڭ ٴوزارا ٴىس-قيمىلى تۋرالى باياندادى.

بۇدان باسقا، 2015 جىلى قارۋلى كۇشتەردەگى اسكەري سالانىڭ ىنتىماقتاستىعى جانە اۆياسيالىق ۇشۋلاردىڭ قاۋىپسىزدىك جاعدايى بويىنشا تمد-نىڭ شارتتى-قۇقىقتىق بازاسىنا باعا بەرىلدى. قورعانىس ۆەدومستۆالارى كەڭەسىنىڭ سوڭىندا تمد-عا مۇشە مەملەكەتتەردىڭ قارۋلى كۇشتەرىندەگى شتابتار باستىقتارى كوميتەتىنىڭ قىزمەتتەرىن جانە 2020 جىلعا دەيىن قارۋلى كۇشتەردە اسكەري قولدانبالى سپورت تۇرلەرىن دامىتۋدى رەتتەيتىن قۇجاتتار قابىلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي