BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قر ۇكىمەتى باسشىسى قازاقستان-قىتاي ىسكەرلىك كەڭەسىنىڭ ٴىىى وتىرىسىنا قاتىستى

 استانا. 14 جەلتوقسان. baq.kz – بۇگىن بەيجىڭدە قر پرەمەر-مينيسترى كارىم ٴماسىموۆتىڭ قحر-نا رەسمي ساپارى جالعاستى، دەپ حابارلايدى primeminister.kz.

اسپان استى ەلىنىڭ استاناسىندا ۇكىمەت باسشىسى قازاقستان-قىتاي ىسكەرلىك كەڭەسىنىڭ ٴ3-شى وتىرىسىنا قاتىستى. وتىرىسقا سونداي-اق ەكى ەلدىڭ مەملەكەتتىك ورگاندارى، ٴىرى كومپانيالارى جانە قارجى ينستيتۋتتارىنىڭ باسشىلارى قاتىستى.
ٴىس-شارا قاتىسۋشىلارىنىڭ الدىندا سويلەگەن سوزىندە ك.ٴماسىموۆ قازاقستان مەن قىتاي باسشىلارىنىڭ باستاماسىمەن قۇرىلعان ىسكەرلىك كەڭەس ەكى مەملەكەتتىڭ بيزنەس قاۋىمداستىقتارى ٴۇشىن ٴتيىمدى ديالوگ الاڭىنا اينالعاندىعىن باسا ايتتى.
«ەلدەرىمىزدى جاقىنداستىراتىن بىرنەشە ماڭىزدى باعدارلامالار بار. ٴبىرىنشىسى – قحر ٴتوراعاسى سي ٴسزينپيننىڭ 2013 جىلى قازاقستانعا ساپارى بارىسىندا جاريالاعان «ٴبىر بەلدەۋ – ٴبىر جول» باعدارلاماسى. ەكىنشىسى – قر پرەزيدەنتى نۇرسۇلتان نازاربايەۆتىڭ «نۇرلى جول» باعدارلاماسى. وسى ەكى باعدارلاما ٴبىرىن-بىرى تولىقتىرادى دەپ ەسەپتەيمىز. ىسكەرلىك كەڭەس پەن كاسىپكەرلەرىمىزدىڭ تابىستى قىزمەتى وسى ەكى باعدارلامامەن بايلانىستى»، - دەدى ك.ٴماسىموۆ.
ك.ٴماسىموۆ وتكەن جىلدىڭ جەلتوقسانىندا قحر مەملەكەتتىك كەڭەسى پرەمەرى لي كەسياننىڭ استاناعا ساپارى بارىسىندا ىسكەرلىك كەڭەستىڭ كەزەكتى وتىرىسى وتكەندىگىن ەسكە سالدى. «وندا ونەركاسىپتىك قۋاتتىلىقتاردى قىتايدان قازاقستانعا كوشىرۋ باعدارلاماسى تۋرالى تۇبەگەيلى شەشىم قابىلداندى. ٴبىر جىل وتكەن سوڭ وسى باعدارلامانىڭ ٴتيىمدى جۇمىس جاساپ جاتقاندىعىن كورىپ وتىرمىز. بۇگىن ىسكەرلىك كەڭەس اياسىندا جانە ەرتەڭ قحر مەملەكەتتىك كەڭەسى پرەمەرىمەن كەلىسسوزدەر قورىتىندىسى بويىنشا ناقتى كاسىپورىندار قۇرۋ تۋرالى قۇجاتتارعا قول قويىلادى»، - دەپ باسا ايتتى ۇكىمەت باسشىسى.

ٴسوز سوڭىندا ك.ٴماسىموۆ ەكى ەل اراسىنداعى ساۋدا-ەكونوميكالىق ىنتىماقتاستىق پەن كورشىلىكتى قالىپتاستىرۋداعى جانە نىعايتۋداعى ايتارلىقتاي ناتيجەلەرگە قول جەتكىزىلگەندىگىن ايتىپ ٴوتتى.
ىسكەرلىك كەڭەس جۇمىسىنىڭ قورىتىندىسى بويىنشا جالپى 10 ملرد. اقش دوللارىنان استام سوماعا ەكى جاقتى كوممەرسيالىق قۇجاتتار پاكەتىنە قول قويىلدى. اتاپ ايتقاندا، «قازاقتەلەكوم» اق مەن china telecom global limited اراسىنداعى ىنتىماقتاستىق تۋرالى مەموراندۋمعا; «قازمۇنايگاز» ۇك» اق مەن «sinopec» كورپوراسياسى اراسىندا ٴوزارا تۇسىنىستىك مەموراندۋمىنا; «kazakhstan petrochemical industries، inc» جشس مەن china national chemical engineering co. ltd اراسىندا اتىراۋ وبلىسىندا ينتەگراسيالانعان گاز-حيميا كەشەنىن سالۋ جوباسى بويىنشا ەرس-كەلىسىمگە قول قويىلدى; ٴتۇستى مەتاللۋرگيا (مىس ٴوندىرۋ) يندۋستريالىق پاركى جوباسى بويىنشا ٴوزارا تۇسىنىستىك تۋرالى مەموراندۋمعا «central asia gold corporation» جشس مەن shenyang lianli copper كومپانيالارىنىڭ باسشىلارى قول قويدى، سونداي-اق باسقالارى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي