BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

"بۇلاي بولمايدى". قىتاي كونسۋلى تاعى دا سوۆەتتىك مەنتاليتەت تۋرالى ايتتى

چجان ۆەي كورشى مەملەكەتتەرمەن ٴوزارا ٴتيىمدى قارىم-قاتىناس دامىتقىلارى كەلەتىنىن ايتتى، دەپ حابارلايدى baq.kz اقپارات اگەنتتىگى sputnik قازاقستان سايتىنا سىلتەمە جاساپ.

قىتاي حالىق رەسپۋبليكاسىنىڭ الماتى قالاسىنداعى باس كونسۋلى چجان ۆەي ەكى مەملەكەت قارىم-قاتىناسىنا قاتىستى پىكىر ٴبىلدىرىپ، قىتايلىقتاردىڭ قازاقستانمەن تەك دوستىق بايلانىستا بولعىلارى كەلەتىندەرىن مالىمدەدى. مۇنىمەن قاتار، ول كوپتەگەن ادامنىڭ نە سەبەپتى قىتايلىقتاردان قورقاتىنىن تۇسىنبەيتىنىن ايتتى.

«ٴبىز – كورشىمىز. قىتاي ەشۋاقىتتا بىرەۋگە شابۋىل جاساپ كورگەن ەمەس. سەزد كەزىندە ٴبىزدىڭ ٴتوراعا قىتايدىڭ الداعى ۋاقىتتا تەك بەيبىت جولمەن جۇرەتىنىن ناقتى ايتىپ ٴوتتى. ٴبىز باسقا مەملەكەتتەرمەن بىرگە قىزمەت جاسايمىز جانە بەلگىلى ٴبىر مەملەكەتتەرمەن شەكارالاس جاتىرمىز. ارىپتەستىك قارىم-قاتىناستى سىيلاستىق، سەنىم، تۇسىنىستىك، دوستىق جانە ٴوزارا پايدا سىندى قاعيدالاردىڭ نەگىزىندە قۇرامىز (...). ەگەر بىزبەن بىرگە قىزمەت جاساعىلارىڭىز كەلسە، ٴبىز كەلىپ تۇرامىز. ال باس تارتساڭىزدار، بۇل شەشىمدەرىڭىزگە دە قۇرمەتپەن قارايمىز. ەشكىمگە بايلانبايمىز جانە ەشكىمدى ماجبۇرلەمەيمىز. بۇل جاي عانا ايتىلعان ٴسوزدى ەمەس، ايتقانىمىزدى ىسىمىزبەن دالەلدەۋگە ٴازىر ەكەنىمىزدى كورسەتەدى»، — دەيدى ول.

مۇنىمەن قاتار، ول كەڭەس زامانىندا دۇشپان بولعان كۇندەر ارتتا قالۋى ٴتيىس ەكەنىن ايتىپ ٴوتتى.

«بۇل نارسە بۇگىن قايتالانباۋى ٴتيىس. ٴقازىر ادامدار بىر-بىرلەرىن جاقسىراق تۇسىنگەندەرى ٴجون. جەر عالامشارى – بارلىعىمىزعا ورتاق الەم. سول سەبەپتى، ادامدار بىر-بىرلەرىمەن كوبىرەك ارالاسۋلارى كەرەك. ىسكەرلىك جانە ينۆەستيسيالىق قارىم-قاتىناستان بولەك، ٴبىلىم مەن مادەنيەت سالاسىنداعى ارىپتەستىك قارىم-قاتىناستى دامىتۋعا دەگەن نيەتىمىز مول»، — دەيدى ول.

باس كونسۋلدىڭ ايتۋىنشا، بىر-بىرىنە بارىپ تۇراتىن قازاقستاندىق جانە قىتايلىق ستۋدەنتتەردىڭ سانى جىل ساناپ ٴوسىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي