BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان جانە اقش پرەزيدەنتتەرىنىڭ بىرلەسكەن مالىمدەمەسى

 استانا. 26 ناۋرىز. baq.kz – قازاقستان رەسپۋبليكاسى جانە امەريكا قۇراما شتاتتارى پرەزيدەنتتەرىنىڭ يادرولىق قارۋدى تاراتپاۋ جانە قاۋىپسىزدىكتى نىعايتۋ سالاسىنداعى ىنتىماقتاستىق تۋرالى بىرلەسكەن مالىمدەمەسى جاريالاندى. بۇل تۋرالى اقوردانىڭ ٴباسپاسوز قىزمەتى حابارلايدى.

 قازاقستان رەسپۋبليكاسى جانە امەريكا قۇراما شتاتتارى پرەزيدەنتتەرىنىڭ يادرولىق قارۋدى تاراتپاۋ جانە قاۋىپسىزدىكتى نىعايتۋ سالاسىنداعى ىنتىماقتاستىق تۋرالى بىرلەسكەن مالىمدەمەسى

قازاقستان مەن اقش يادرولىق قارۋدى تاراتپاۋدى جانە يادرولىق قاۋىپسىزدىكتى نىعايتۋدى جاقتايتىن بىرلەسكەن ۇستانىمدارىن قۋاتتايدى.

قازاقستان مەن اقش قاۋىپ-قاتەردى بىرلەسە باسەڭدەتۋ جونىندەگى باعدارلامانىڭ تابىستى ىسكە اسىرىلۋىن قاناعاتتانۋشىلىقپەن اتاپ وتەدى جانە بۇرىنعى سەمەي سىناق پوليگونىنداعى ناقتى قاۋىپسىزدىكتى نىعايتۋدى جالعاستىرادى.

اقش يادرولىق جانە راديواكتيۆتىك ماتەريالداردىڭ زاڭسىز اينالىمىنىڭ الدىن الۋ ٴۇشىن قازاقستان رەسپۋبليكاسىمەن بىرلەسكەن كۇش-جىگەردى ارتتىرۋداعى سەرىكتەستىكتى جالعاستىرا بەرەدى.

اقش قازاقستاننىڭ جاھاندىق يادرولىق قاۋىپسىزدىكتى نىعايتۋداعى جانە يادرولىق قاۋىپسىزدىك جونىندەگى ۆاشينگتون جانە سەۋل سامميتتەرىنىڭ شەشىمدەرىن ىسكە اسىرۋداعى، سونىڭ ىشىندە ۆۆر-ك (سۋ-قاينامالى سۋ رەاكتورى) زەرتتەۋ رەاكتورىن از بايىتىلعان وتىنعا اۋىستىرۋ، جوعارى بايىتىلعان يادرولىق ماتەريالدى سۇيىلتۋ جانە يادرولىق فيزيكا ينستيتۋتى رەاكتورىنىڭ پايدالانىلعان جوعارى بايىتىلعان وتىنىن اكەتۋ قىزمەتىن قولدايدى. قۇراما شتاتتار مەن قازاقستان جوعارى بايىتىلعان وتىنمەن جۇمىس جاسايتىن رەاكتورلاردى از بايىتىلعان وتىنعا قايتا جابدىقتاۋداعى، سونداي-اق قازاقستاندا زەرتتەۋ رەاكتورلارىنان قالعان جوعارى بايىتىلعان ۋران قورلارىن تەحنيكالىق تۇرعىدان مۇمكىندىگىنشە جويۋداعى ٴوزارا ٴىس-قيمىلدى جالعاستىرادى.

اقش قازاقستاننىڭ ٴوز اۋماعىندا ماگاتە-نىڭ از بايىتىلعان ۋران بانكىن ورنالاستىرۋ جانە يادرولىق قاۋىپسىزدىك جونىندەگى وڭىرلىك وقىتۋ ورتالىعىن قۇرۋ، ونىڭ توتەنشە جاعدايلارعا توتەپ بەرۋ، سونداي-اق ولاردىڭ سالدارىن ەڭسەرۋدەگى مۇمكىندىكتەرىن نىعايتۋداعى كۇش-جىگەرىنە قولداۋ بىلدەردى.

قازاقستان مەن اقش يادرولىق قاۋىپسىزدىك جونىندەگى سامميتتەردىڭ وتكىزىلۋىن ماڭىزدى دەپ سانايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي