BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن موناكو اراسىندا مەموراندۋم قابىلداندى

 استانا. 13 ناۋرىز. baq.kz – بۇگىن استانادا قر باس پروكۋراتۋراسى مەن موناكو كنيازدىگىنىڭ ادىلەت مينيسترىلىگى ەكىجاقتى كەلىسسوزدەر قورىتىندىسى بويىنشا «ٴوزارا تۇسىنىستىك تۋرالى مەموراندۋمعا» قول قويدى، دەپ حابارلايدى baq.kz ٴتىلشىسى.

 مەموراندۋم قازاقستان پرەزيدەنتى نۇرسۇلتان نازاربايەۆتىڭ 2012 جىلى موناكو كنيازى ٴىى البەرمەن كەزدەسۋى بارىسىندا قابىلدانعان بىرلەسكەن دەكلاراسيانى ىسكە اسىرۋ ماقساتىندا جاسالدى. بىرلەسكەن دەكلاراسيانىڭ شەڭبەرىندە حالىقارالىق قاۋىپسىزدىك پەن تۇراقتىلىقتى نىعايتۋ بويىنشا بىرلەسىپ جۇمىس اتقارۋ تۋرالى ۋاعدالاستىققا قول جەتكىزىلگەن بولاتىن.
 

 

اسحات داۋىلبايەۆ، قر باس پروكۋرورى:


- بۇل مەموراندۋمعا قول قويۋ قازاقستاندىق قۇقىقتىق جۇيەگە سەنىمنىڭ ارتۋىن دالەلدەيتىن ماڭىزدى قادام ەكەنىن اتاپ وتكەن ٴجون. الداعى ۋاقىتتا ەكى مەملەكەت اراسىندا قۇقىقتىق قاتىناستاردى ودان ٴارى دامىتۋ ٴۇشىن تاجىريبە الماسۋ ىسىنە كوڭىل بولەتىن بولامىز.


مەموراندۋمعا قول قويعان ەكى تاراپ تا بۇل ٴراسىمنىڭ قازاقستان مەن موناكو ۋاكىلەتتى ورگاندارىنىڭ ىنتىماقتاستىقتى ودان ٴارى دامىتۋ مەن تەردەڭدەتۋگە مۇددەلىلىگىن، سونداي-اق قازاقستاندىق قۇقىق قورعاۋ ورگاندارىنىڭ ترانسۇلتتىق قىلمىسقا قارسى كۇرەس سالاسىنداعى حالىقارالىق ىنتىماقتاستىققا ينتەگراسيالانۋىن راستايتىندىعىن اتاپ ٴوتتى.
ايتا كەتەيىك، اتالعان مەموراندۋمعا ەكىجاقتى قول قويۋ ٴراسىمى موناكو كنيازدىگىنىڭ ادىلەت ٴمينيسترى (زاڭ قىزمەتىنىڭ ديرەكتورى)، مەملەكەتتىك كەڭەس ٴتوراعاسى، جوعارعى سوت ٴتوراعاسى فيليپپ نارمينونىڭ استاناعا رەسمي ساپارى اياسىندا ٴوتتى.

 

نۇرسەرىك جولبارىس

 


سۋرەت قر باس پروكۋراتۋراسىنىڭ ٴباسپاسوز قىزمەتىنەن الىندى.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي