BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن ٴالجيردىڭ سىرتقى ساياسات ۆەدومستۆولارى كونسۋلتاسيا وتكىزدى

استانا. 19 اقپان. baq.kz - الجيردە قازاقستان مەن ٴالجيردىڭ سىرتقى ساياسات ۆەدومستۆولارى اراسىندا كونسۋلتاسيا ٴوتتى. 

قازاقستاندىق دەلەگاسيانى قر سىرتقى ىستەر ٴمينيسترىنىڭ ورىنباسارى اسقار مۋسينوۆ، الجيرلىك تاراپتى احدر سىرتقى ىستەر جانە حالىقارالىق ىنتىماقتاستىق مينيسترلىگىنىڭ جاۋاپتى حاتشىسى ابدەلحاميد سەنۋسي بەرەكسي باسقاردى.

«ا.مۋسينوۆ الجيرلىك تاراپتى الداعى ۋاقىتتا وتەتىن پارلامەنتىك سايلاۋ، ەلدىڭ قازىرگى ەكونوميكالىق احۋالى جانە «نۇرلى جول» جاڭا ەكونوميكالىق ساياساتى مەن مەملەكەت باسشىسى جاريا ەتكەن 5 ينستيتۋتتىق رەفورمالاردى جۇزەگە اسىرۋ اياسىندا الەمدىك ەكونوميكالىق داعدارىستىڭ تەرىس ىقپالىن تومەندەتۋ بويىنشا ۇكىمەت قابىلدانعان شارالار جايىندا قۇلاقتاندىردى»، - دەلىنگەن قر ٴسىم ٴباسپاسوز قىزمەتى تاراتقان اقپاراتتا.

كونسۋلتاسيا بارىسىندا ساياسي، ساۋدا-ەكونوميكالىق، مادەني-گۋمانيتارلىق جانە باسدا سالالارداعى ەكىجاقتى، كوپجاقتى ٴتۇرلى اسپەكتىلەر تالقىلاندى. حالىقارالىق كۇنتارتىپتەگى وزەكتى ماسەلەلەر بويىنشا پىكىر الماسىلىپ، تاراپتار نەگىزگى حالىقارالىق جانە وڭىرلىك پروبلەمالاردا قازاقستان مەن ٴالجيردىڭ ستانىمدارى ۇقساس ەكەندىكتەرىن اتاپ ٴوتتى.

«كەلىسسوزدەردىڭ ناتيجەسىندە ەكى ەلدىڭ سىرتقى ساياسات ۆەدومستۆولارى باسشىلارىنىڭ رەسمي ساپارلارىن ۇيىمداستىرۋ، بەيىندى مينيسترلىكتەر مەن ۆەدومستۆولار اراسىنداعى بايلانىستاردى جولعا قويۋ تۋرالى ۋاعدالاسققا قول جەتكىزىلدى. ساۋدا-ەكونوميكالىق جانە مادەني-گۋمانيتارلىق ىنتىماقتاستىق جونىندەگى ەكىجاقتى بىرلەسكەن ۇكىمەتارالىق كوميسسيا، سونىمەن قاتار قازاھقستان مەن الجير بيزنەس وكىلدەرىنىڭ ىسكەرلىك كەڭەسىن قۇرۋ قاجەتتىلىگى اتالىپ ٴوتىلدى»، - دەلىنگەن حابارلامادا.

الجيرلىك ديپلوماتتار پارلامەنتارالىق بايلانىستى جولعا قويۋعا جانە ەكى مەملەكەتتىڭ زاڭ شىعارۋشى ورگاندارىنىڭ دوستىق توبىن قۇرۋعا مۇددەلىك تانىتتى.

ا.مۋسينوۆ الجير سىرتقى ىستەر جانە حالىقارالىق ىنتىماقتاستىق ٴمينيسترى رامتان لامامرامەن كەزدەستى. كەزدەسۋدە ول قر سىرتقى ىستەر ٴمينيسترى ە.ىدىرسوۆتىڭ 2015 جىلعى جەلتوقساندا بۇۇ باس اسسامبلەياسى بارىسىندا قازاقستان پرەزيدەنتىنىڭ «يادرولىق قارۋدان ازات الەمگە قول جەتكىزۋ جونىندەگى جالپىعا ورتاق دەكلاراسياسىن» قابىلداۋ تۋرالى باستاماسىنا قولداۋ بىلدىرگەن ريزاشىلىق حاتىن تابىس ەتتى.

ٴوز كەزەگىندە الجيرلىك ميينستر ازىق-تۇلىك قاۋىپسىزدىگى جونىندەگى يسلام ۇيىمىنا قوسىلۋعا دايىن ەكەندىكتەرىن ٴبىلدىرىپ، «ەكسپو-2017» كومرەسىنە قاتىساتىندىقتارىن قۋاتتادى. سونىمەن قاتار ول 2017-2018 جىلدارعا ارنالعان بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستان كانديداتۋراسىن قولدايتىندىقتارىن ٴبىلدىردى.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي