BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان بۇۇ-نىڭ ادامزات دامۋىنىڭ يندەكسى رەيتينگىندە 14 ساتىعا كوتەرىلدى

 استانا. 15 جەلتوقسان. baq.kz – 2015 جىلعى 14 جەلتوقساندا بىرىككەن ۇلتتار ۇيىمى ادامزات دامۋى تۋرالى كەزەكتى بايانداماسىن (human development report) جاريالادى. وندا ادامزات دامۋى يندەكسى (human development index) بويىنشا ەسەپ بەرىلگەن. 

ەفيوپيا استاناسى ادديس-ابەبادا كوپشىلىككە جاريالانعان جاڭا بايانداماعا سايكەس، قازاقستان رەيتينگى 14 ساتىعا جوعارىلاپ، 56 ورىنعا دەيىن كوتەرىلدى، دەپ حابارلايدى قر ٴسىم ٴباسپاسوز قىزمەتى. 

ادامزات دامۋىنىڭ يندەكسى ەلدەر اراسىنداعى ٴومىر ٴسۇرۋ، ساۋاتتىلىق، بىلىمدىلىك جانە ٴومىر ٴسۇرۋ ۇزاقتىعى دەڭگەيىن ادامزات الەۋەتىنىڭ نەگىزگى ولشەمدەرى رەتىندە سالىستىرۋ ماقساتىندا جىل سايىنعى نەگىزدە سانالادى. ادامزات دامۋىنىڭ يندەكسىن ساناۋ كەزىندە 3 ٴتۇرلى كورسەتكىش ەسكەرىلەدى:
1. كۇتىلەتىن ٴومىر ٴسۇرۋ شاماسى – ۇزاق ٴومىر ٴسۇرۋ بولىپ باعالانادى.
2. ەل حالقىنىڭ ساۋاتتىلىق دەڭگەيى (وقۋعا جۇمسالعان جىلداردىڭ ورتاشا سانى) جانە وقۋ ۇزاقتىعىنىڭ بولجالدى مەرزىمى.
3. اقش دوللارىمەن ەسەپتەگەندە ساتىپ الۋ قابىلەتتىلىگىنىڭ تەپە-تەڭدىگى بويىنشا ادام باسىنا شاققانداعى جالپى ۇلتتىق تابىس ارقىلى باعالانعان ٴومىر ٴسۇرۋ دەڭگەيى.

بايانداماعا سايكەس قازاقستان ادامزاتتىڭ دامۋ دەڭگەيى جوعارى ەلدەر توبىنا كىرەدى جانە 2015 جىلى وسى كورسەتكىش بويىنشا 56-ورىندى يەلەندى (2014 جىلمەن سالىستىرعاندا، 14 تارماققا جوعارىلادى). ادامزات دامۋىنىڭ يندەكسى 0.ٴ788-دى قۇرادى (2014 جىلى – 0.757); ٴومىر ٴسۇرۋ ۇزاقتىعىنىڭ كورسەتكىشى – 69.4 جاس (2014 جىلى – 66.5 جاس); وقۋعا جۇمسالعان جىلداردىڭ ورتاشا سانى – 11.4 جىل (2014 جىلى – 10.4 جىل); ال ٴبىلىم الۋ ۇزاقتىعىنىڭ كورسەتكىشى وزگەرىسسىز قالىپ، 15 جىلدى قۇرادى. ادام باسىنا شاققانداعى جالپى ۇلتتىق تابىس 20،876 دوللارعا جەتتى (2014 جىلى – 19،441 دوللار).  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي