BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گ.ٴابدىقالىقوۆا قازاقستان-اقش قارىم-قاتىناسىنىڭ ماڭىزدىلىعىنا توقتالدى

قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا قازاقستان مەن اقش-تىڭ ٴوزارا ٴىس-قيمىلىنىڭ 25 جىلدىعىنا ارنالعان «قازاقستان – اقش» اتتى كونفەرەنسياعا قاتىستى، دەپ حابارلايدى اقوردانىڭ ٴباسپاسوز قىزمەتى.

كونفەرەنسياعا اقش-تىڭ قازاقستان رەسپۋبليكاسىنداعى ەلشىسى د.كرول، پرەزيدەنت اكىمشىلىگى قۇرىلىمدىق بولىمدەرىنىڭ، مەملەكەتتىك ورگانداردىڭ باسشىلارى، ديپلوماتيالىق قىزمەت ارداگەرلەرى، حالىقارالىق ۇيىمدار مەن شەتەلدىك ديپلوماتيالىق كورپۋستىڭ، قوعامدىق ۇيىمداردىڭ، عىلىمي-زەرتتەۋ مەكەمەلەرى مەن وقۋ ورىندارىنىڭ وكىلدەرى قاتىستى.

مەملەكەتتىك حاتشى باسقوسۋعا قاتىسۋشىلارعا ارناعان سوزىندە قازاقستان پرەزيدەنتىنىڭ سىندارلى سىرتقى ساياساتى مەملەكەتتىگىمىزدىڭ نىعايۋىنا، ەكونوميكالىق الەۋەتىمىزدى ارتتىرۋعا، ەلىمىز ٴۇشىن الداعى ونداعان جىلدارعا مەجەلەنگەن قاۋىپسىزدىكتىڭ جۇيەلى قۇرىلىمى مەن كەپىلدىگىن قالىپتاستىرۋعا قولايلى جاعداي جاساعانىن ايتتى.

گۇلشارا ٴابدىقالىقوۆا وتكەن شيرەك عاسىر ىشىندە ٴبىزدىڭ ىنتىماقتاستىعىمىز ٴوزارا سەنىمگە، قولداۋعا جانە ۇلتتىق مۇددەلەرگە قۇرمەتپەن قاراۋعا نەگىزدەلگەن كەمەل ستراتەگيالىق سەرىكتەستىك سيپاتىنداعى قارىم-قاتىناس دەڭگەيىنە جەتكەنىن اتاپ ٴوتتى.

مەملەكەتتىك حاتشى قازاقستان مەن اقش-تىڭ بىرلەسە وتىرىپ، حالىقارالىق بەيبىتشىلىك پەن جاھاندىق قاۋىپسىزدىكتى نىعايتۋ ىسىنە زور ۇلەس قوسقانىنا توقتالدى. «بولاشاقتىڭ ەنەرگياسى» اتتى ەكسپو-2017 كورمەسى – جاھاندىق تۇيتكىلدەردى شەشۋ جولىنداعى جاراسىمدى ىنتىماقتاستىق رۋحىنىڭ جارقىن كورىنىسى. وعان جاھاندىق ورنىقتى دامۋ ٴۇشىن جاڭا تەحنولوگيالاردى دامىتۋعا بىرلەسە ۇمتىلعان الەمنىڭ 115 ەلى قاتىسۋدا.

كونفەرەنسيا اياسىندا حالىقارالىق قاۋىپسىزدىك، بەيبىتشىلىكتى ساقتاۋ، ساۋدا-ەكونوميكالىق جانە مادەني-گۋمانيتارلىق ىنتىماقتاستىق سالالارىنداعى قازاقستان مەن اقش-تىڭ ٴوزارا ٴىس-قيمىلىنا ارنالعان ٴۇش پانەلدى وتىرىس بولىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي