BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ەكونوميكالىق وداق ەلدەرىندە اۋە تاريفتەرى تەڭەستىرىلمەك

فوتو: Бауыржан Жуасбаев

ەۋرازيالىق ەكونوميكالىق وداقتا اۋە كولىگى سالاسىندا «جول كارتاسى» قابىلدانادى. بۇل تۋرالى ەۋرازيالىق ۇكىمەتارالىق كەڭەستىڭ وتىرىسىندا رەسەي فەدەراسياسى ۇكىمەتىنىڭ ٴتوراعاسى دميتريي مەدۆەدەۆ مالىمدەدى، دەپ حابارلايدى baq.kz ٴتىلشىسى.

«ٴبىرىڭعاي كولىك كەڭىستىگىن قۇرۋ تۇرعىسىندا اۋە كولىگى سالاسىندا «جول كارتاسى» قابىلدانادى. بۇل ٴوز كەزەگىندە اۋە ساپارلارى مەن اۋەجايلاردا تاريفتەردى تەڭەستىرۋگە مۇمكىندىك بەرەدى»، - دەدى ول.

سونىمەن قاتار دميتريي مەدۆەدەۆ بيىل رەسەي ەاەو-عا ٴتوراعالىقتى وزىنە الاتىنىن ايتا كەلە، ٴتوراعالىق اياسىندا قانداي سالالارعا باسىمدىق بەرىلەتىنىن اتاپ ٴوتتى.

«سوڭعى ەكى جىلدا نورماتيۆتىك-قۇقىقتىق سالادا ەلەۋلى جۇمىستار اتقارىلدى. ٴتوراعالىق اياسىندا بۇگىنگى تاقىرىپتارعا ٴارى بولاشاققا نەگىزدەلگەن ستراتەگيالىق ماسەلەلەرگە نازار اۋدارامىز. وسى ورايدا ەكسپورت پەن ينۆەستيسيالىق كليماتتى قولداۋ، ەڭبەك ستاندارتتارى، سەرىكتەستەرمەن ٴوزارا ٴىس-قيمىلدى كۇشەيتۋ باعىتتارىنا ەرەكشە ٴمان بەرىلەدى»، - دەدى رەسەي پرەمەر-مينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي