BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ە.ىدىرىسوۆ جاپونيا سىرتقى ىستەر ٴمينيسترىنىڭ ورىنباسارىمەن كەزدەستى

استانا. 13-ناۋرىز. baq.kz – قازاقستان رەسپۋبليكاسىنىڭ سىرتقى ىستەر ٴمينيسترى ەرلان ىدىرىسوۆ جاپونيا سىرتقى ىستەر ٴمينيسترىنىڭ ورىنباسارى سينسۋكە سۋگيامامەن (shinsuke sugiyama) كەزدەسۋ وتكىزدى، - دەپ حابارلايدى اتالعان ۆەدومستۆونىڭ ٴباسپاسوز قىزمەتى.

كەزدەسۋ بارىسىندا ٴتۇرلى سالالارداعى ەكىجاقتى ىنتىماقتاستىق ماسەلەلەرى جانە حالىقارالىق كۇن ٴتارتىبى، اسىرەسە وڭىردەگى احۋال مەن ۋكرايناداعى ساياسي داعدارىس تالقىعا سالىندى. جوعارى دەڭگەيدەگى كەزدەسۋلەر كەڭ اۋقىمدى ماسەلەلەر بويىنشا ەىجاقتى ىنتىماقتاستىقتى نىعايتۋدىڭ نەگىزگى فاكتورى بولىپ تابىلاتىنى اتاپ ٴوتىلدى. وعان 2013 جىلعى 6 قىركۇيەكتە سانكت-پەتەربۋرگ قالاسىندا g-20 ٴسامميتى شەڭبەرىندە وتكەن قازاقستان جانە جاپونيا كوشباسشىلارىنىڭ كەزدەسۋى دالەل.
سۇحباتتاسۋشىلار ساۋدا-ەكونوميكالىق جانە ينۆەستيسيالىق ىنتىماقتاستىقتىڭ بولاشاعىن تالقىلادى. 2013 جىلى كولەمى 1،7 ملرد. اقش دولل. قۇراعان ەكىجاقتى ساۋدا اينالىمىنىڭ وڭ سەرپىنى اتاپ ٴوتىلدى.

قازاقستاندىق-جاپونيالىق قاتىناستاردىڭ شارتتىق-قۇقىقتىق بازاسىن كەڭەيتۋ جۇمىستارى تۋرالى ايتا وتىرىپ، سۇحباتتاسۋشىلار ينۆەستيسيالاردى ىرىقتاندىرۋ، تارتۋ جانە قورعاۋ جونىندەگى كەلىسىمگە قول قويۋ ينۆەستيسيالىق ىنتىماقتاستىقتى نىعايتۋعا مۇمكىندىك بەرەتىنىن اتاپ ٴوتتى.

اتومدى بەيبىت ماقساتتا پايدالانۋ سالاسىنداعى جاپونيا جەتىستىگىن نازارعا الا وتىرىپ، ە.ىدىرىسوۆ قازاقستاندىق-جاپونيالىق ىنتىماقتاستىقتىڭ بولاشاعى بار باعىتتارىنىڭ ٴبىرى اتوم ونەركاسىبىنىڭ كووپەراسياسى بولىپ تابىلاتىنىن جەتكىزدى.

سونداي-اق تاراپتار قازاقستان مەن جاپونيا اراسىنداعى تىكەلەي اۋە قاتىناسىنىڭ اشىلۋ مۇمكىندىگى مەن بولاشاقتا ەكى ەل اراسىنداعى ۆيزالىق رەجيمدى جەڭىلدەتۋ ماسەلەلەرىن قاراستىردى.

سونىمەن قاتار، قازاقستاندىق ٴسىم باسشىسى جاپونيالىق تاراپتى «ەكسپو-2017» حالىقارالىق مامانداندىرىلعان كورمەسىنە بەلسەنە اتسالىسۋعا شاقىردى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي