BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «بۇۇ جاڭا جىبەك جولى مودەلى» اتتى كونفەرەنسيا ٴوتتى

استانا. 4 مامىر. baq.kz - ٴال-فارابي اتىنداعى قازاق ۇلتتىق ۋنيۆەرسيتەتىندە بۇۇ «اكادەميالىق ىقپالداستىق» باعدارلاماسىنىڭ جاھاندىق حابى رەتىندە ورتالىق جانە وڭتۇستىك ازيا اۋماعىنداعى «بۇۇ جاڭا جىبەك جولى مودەلى» (mun-nsw 2016) اتتى ٴىرى حالىقارالىق ستۋدەنتتىك كونفەرەنسياسى ٴوتتى.  

اتالمىش مودەل بۇۇ-نىڭ ورتالىق ازيا اۋماعىنداعى ەڭ ٴىرى مودەلى بولىپ تابىلادى. جاستار فورۋمى قازاقستان رەسپۋبليكاسى تاۋەلسىزدىگىنىڭ 25-جىلدىعى مەن ەلىمىزدەگى بۇۇ قىزمەتىنىڭ 25-جىلدىعىنا ارنالدى. كونفەرەنسياعا ٴۇندىستان، پاكىستان، اۋعانستان، تاجىكستان، قىرعىزستان، وزبەكستان ەلدەرىنىڭ دەلەگاتتارى، سونداي-اق اقش، يتاليا، فرانسيا جانە ت.ب. ەلدەردىڭ ستۋدەنتتەرى قاتىستى. دەلەگاسيانىڭ باسىم بولىگىن قازاقستاننىڭ ٴار ايماعىنان كەلگەن ستۋدەنتتەر قۇرادى.

ۋنيۆەرسيتەتتىڭ ٴبىرىنشى پرورەكتورى مۇحامبەتقالي بۇركىتبايەۆ بۇۇ مودەلىنىڭ وتكىزىلۋىن 2015 جىلدىڭ قىركۇيەگىندەگى نيۋ-يوركتەگى بۇۇ-نىڭ شتاب-پاتەرىندە بۇۇ باس اسسامبلەياسىندا ن.ٴا.نازاربايەۆتىڭ ماڭىزدى باستامالارى قارالعان «تۇراقتى دامۋ ماقساتتارى» دەكلاراسياسىنا قول قويىلعان كۇندەرمەن سايكەس كەلۋىنىڭ ٴمانىن ەرەكشە اتاپ ٴوتتى.

بۇۇ تۇراقتى ۇيلەستىرۋشىسى نوريماس شيمومۋرا مىرزا ٴوز سوزىندە: «جاستار فورۋمى بۇۇ-نىڭ تۇراقتى دامۋ ماسەلەلەرى بويىنشا وتكەن سامميتتە قالىپتاسقان دامۋدىڭ 17 ماقساتىن دامىتۋعا باعىتتالعان»، - دەدى.

كۇن تارتىبىندەگى ٴدىني ازشىلىقتاردىڭ مادەني الۋانتۇرلىلىك رەتىندەگى ينتەگراسياسى; حالىقارالىق اقپاراتتىق قاۋىپتەرىنىڭ الدىن الۋدىڭ جاڭا كونسەپسيالارى; تدم-10 اياسىندا ەل ىشىندەگى جانە ەلدەر اراسىنداعى بايلىقتاردىڭ دۇرىس بولىنبەۋى; رەپرودۋكتيۆتى دەنساۋلىق سالاسىنداعى سەكسۋالدىق جانە گەندەرلىك زومبىلىقتىڭ اسەرى; دامۋشى ەلدەردەگى وندىرىستىك قاۋىپسىزدىك سياقتى تاقىرىپتاردىڭ وزەكتىلىگىن ماقۇلدادى. شيمومۋرا مىرزا بۇۇ مودەلى تۇراقتى الەمدى قۇرۋعا تەڭدەسسىز كومەك كورسەتەتىنىنە دەگەن ٴۇمىتىن ٴبىلدىردى. وڭتۇستىك افريكا رەسپۋبليكاسىنىڭ ەلشىسى شيرين سوني مىرزا ٴسوز سويلەپ جاتقان كەزدە جۇزدەگەن ستۋدەنتتەر ونىڭ بۇيرىعى بويىنشا قولدارىن كوتەرىپ، سالتاناتتى تۇردە بۇۇ قاعيدالارى مەن قۇندىلىقتارىن ۇنەمى قولدايتىندىعى جونىندە سالتاناتتى تۇردە انت بەردى. سونداي-اق يتاليا ەلشىسى ستەفانو راۆانيان، فرانسيا ەلشىسى فرەنسيس ەتەن قۇتتىقتاۋ سوزدەرىمەن ورتاعا شىقتى. ولار الەمدە كوپتەگەن قاقتىعىستار، سوعىستار مەن تراگەديالار ورىن الىپ جاتقاندا، بۇۇ پلاتفورماسى بىرلىكتىڭ، ٴوزارا تۇسىنىستىك پەن كەلىسىم مەكەنىنە اينالعاندىعىن اتاپ ٴوتتى.

اقش-تىڭ الماتى قالاسىنداعى باس كونسۋلى مارك مۋدي بىرنەشە جىلدار بويى اقش ۇكىمەتىنىڭ قولداۋىمەن ٴوتىپ جاتقان فورۋمنىڭ ماڭىزدىلىعىن اتاپ ٴوتتى. ستۋدەنتتەردىڭ تۇراقتى دامۋ قۇندىلىقتارىن ۇنەمى قولدايتىندىقتارىنا ۇلكەن ٴۇمىت ارتتى.

بۇۇ الماتىداعى قوعامدىق دەپارتامەنت ديرەكتورى ۆلاستيميل سامەك مىرزانىڭ بۇۇ باس حاتشىسى كريستينا گاياكتىڭ قولى قويىلعان قازۇۋ-دىڭ بۇۇ «اكادەميالىق ىقپالداستىق» باعدارلاماسىنىڭ عالامدىق حابى رەتىندەگى قۇزىرەتتىلىگىنىڭ مەرزىمىن ۇزارتۋ تۋرالى بۇۇ سەرتيفيكاتىن تابىستاۋ ٴراسىمى سالتاناتتى تۇردە ٴوتتى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي