BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اليمەنت وندىرۋدەگى ارىپتەستىگىمىز ەۋروپالىق وداقپەن استاسا تۇسپەك

استانا. 22 اقپان. baq.kz – قازاقستان بالالار قۇقىن قورعاۋدى باسىمدىققا العان ەل بولعاندىقتان، وسى سالاداعى ارىپتەستىگىن ەندى ەۋروپالىق وداقپەن دە استاستىرا تۇسكىسى كەلەدى. مۇنداي مالىمدەمەنى بۇگىن پارلامەنت سەناتىندا ٴسوز العان ادىلەت ۆيسە-مينيسترى ەلۆيرا ازيموۆانىڭ ايتتى، - دەپ حابارلايدى baq.kz ٴتىلشىسى.

كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا ۆيسە-مينيستر «بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ٴوندىرىپ الۋدىڭ حالىقارالىق ٴتارتىبى تۋرالى كونۆەنسيانى راتيفيكاسيالاۋ تۋرالى» زاڭ جوباسى جونىندە بايانداما جاساعان بولاتىن.

«ٴبىزدىڭ ەلىمىز بالالار قۇقىن قورعاۋدى باسىم باعىتتاردىڭ ٴبىرى رەتىندە ايقىنداعان. سوندىقتان دا، كونۆەنسيانى راتيفيكاسيالاۋ ەلىمىزدە جۇزەگە اسىپ جاتقان ساياساتقا سايكەس كەلەتىندىكتەن، قۇجاتتى قابىلداۋدى ۇسىنامىز. نەگىزىنەن، بۇل زاڭ جوباسىن قابىلداۋ ارقىلى اليمەنتتەردى ٴوندىرىپ الۋ بويىنشا 32 مەملەكەتپەن جانە ەۋروپالىق وداقپەن ىنتىماقتاستىعىمىزدى ارتتىرا وتىرىپ، ٴوزارا قىزمەتىمىزدى ۇيلەستىرە تۇسەتىن بولامىز»، - دەيدى ول.

ايتا كەتەيىك، حالىقارالىق كونۆەنسيا نورمالارى 21 جاسقا دەيىنگى بالا – اتا-انا اراسىنداعى قاتىناستاردان تۋىندايتىن اليمەنتتىك مىندەتتەمەلەرگە، سونداي-اق، جۇبايىن كۇتىپ-باعۋ تۋرالى شەشىمدى تانۋعا جانە ورىنداتۋعا قاتىستى قولدانىلادى.

ال دەپۋتاتتاردىڭ تۇسىندىرۋىنشە، بۇل قۇجاتتى قابىلداۋ اياسىندا اتا-انالار جاۋاپكەرشىلىگى كۇشەيتىلەدى دەپ كۇتىلىپ جاتقان كورىنەدى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي