BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەلتوقسان وقيعاسىنىڭ قاتىسۋشىلارى «جەلتوقساننىڭ 30 جىلدىعى» مەدالىمەن ماراپاتتالدى

بيىل ەل تاۋەلسىزدىگىنە 25 جىل تولادى. از دا بولسا، وسى ۋاقىت ارالىعىندا قازاقستان – ەكونوميكاسى قۋاتتى، ساياسي جۇيەسى تۇراقتى ەلگە اينالدى. وسى اتاۋلى مەرەكەمەن قاتار كەلەتىن جەلتوقسان وقيعاسىنا 30 جىل. الماتىدا وسى مەرەيلى داتاعا وراي «جەلتوقساندىق» ۇيىمداردىڭ باسشىلارىمەن كەزدەسۋ ٴوتتى. جيىنعا الماتى قالاسىنىڭ اكىمى باۋىرجان بايبەك، الماتى قالاسى ٴماسليحاتىنىڭ دەپۋتاتتارى، «جەلتوقساندىق» ۇيىمداردىڭ باسشىلارى، جوعارى وقۋ ورىندارى مەن ساياسي پارتيا وكىلدەرى قاتىستى، دەپ حابارلايدى baq.kz.

اتالعان شارادا قالا اكىمى ەل تاۋەلسىزدىگىنىڭ مەرەيلى بەلەسىمەن قۇتتىقتاپ، جەلتوقسان قاتىسۋشىلارىن «جەلتوقساننىڭ 30 جىلدىعى» مەدالىمەن ماراپاتتادى.

«ەلباسى نۇرسۇلتان نازاربايەۆ الماتىداعى «تاۋەلسىزدىك تاڭى» مونۋمەنتىنىڭ اشىلۋىنداعى سوزىندە: «جاستاردى الاڭعا شىعۋعا يتەرمەلەگەن جەلتوقسان – قازاقستان تاۋەلسىزدىگىنىڭ جارشىسى بولدى. بۇعان ۇلتشىلدىق سيپات بەرۋگە تالپىنىستار جاسالىپ، ۇلتارالىق قاقتىعىس دەپ ٴتۇسىندىرۋ پيعىلدارى دا بولدى. مۇلدەم ولاي بولماعانىن تاريحتىڭ ٴوزى كورسەتىپ بەردى. جاستار بار بولعانى ادىلەتتىلىكتى، تەڭدىكتى، تاۋەلسىزدىكتى قالادى» دەپ اتاپ وتكەن بولاتىن»، - دەدى ب.بايبەك.

سونىمەن قاتار، قالا باسشىسى جەلتوقساننىڭ سالقىنىندا تاۋەلسىزدىككە تالپىنعان ەرلەردى ەلى ماڭگى قۇرمەتتەيتىنىن اتاپ ٴوتتى. بۇگىندە الماتىدا قازاقتىڭ اردا ۇلى قايرات رىسقۇلبەكوۆ پەن قايسار قىزى ٴلاززات اسانوۆانىڭ اتىندا كوشەلەر بار. ال بيىل، 1986 جىلعى جەلتوقساننىڭ 30 جىلدىعىنا وراي، ەلباسىنىڭ تىكەلەي تاپسىرماسىمەن قالا ورتالىعىنداعى كوشەلەردىڭ بىرىنە ەربول سىپاتايەۆتىڭ ەسىمى بەرىلدى، دەپ حابارلايدى الماتى قالاسى اكىمدىگىنىڭ ٴباسپاسوز قىزمەتى.

تەڭدىكتى قالاعان ۇلانداردىڭ ەرلىگىنە «ۇلتشىلدىق» دەپ جالعان ايدار تاعىلعان ەدى. تەك، تاۋەلسىزدىك العاننان كەيىن ەلباسىنىڭ باستاماسىمەن اۋقىمدى جۇمىستار جۇرگىزىلىپ، جەلتوقسانعا جاڭاشا سيپات بەرىلدى. وسىلايشا، ەل ەڭسەسىن تىكتەگەن ەلباسىنىڭ ەرلىگى جەلتوقسان كۋاگەرلەرىنىڭ ٴالى جادىندا.

«مەن جۇرگەن جەرىمدە، جاستاردىڭ اراسىندا ەلباسىمەن ماقتاناتىنىمدى، ماداق تۇتاتىنىمدى ايتىپ جۇرەمىن. ويتكەنى ٴبىز 1991 جىلى ەگەمەندىك الدىق، 11 جەلتوقسان كۇنى ماسكەۋدە كەڭەستەر وداعىنىڭ جيىنى بولىپ، تاۋەلسىز ەل بولىپ ٴبولىنىپ شىقتىق. 12 جەلتوقساندا ەلباسىمىز ەلىمىزگە كەلە سالىسىمەن 540-شى جارلىقتى شىعاردى. ول جەلتوقسان وقيعاسىنا قاتىسقان بارشا ازاماتتار مەن ازاماتشىلاردى اقتاۋ تۋرالى بولاتىن. سول كۇنى بۇل حاباردى ەستىگەننەن كەيىن توبەمىز كوككە جەتىپ، باس كيىمىمىزدى اسپانعا لاقتىردىق. سوندىقتان ٴبىز ٴوز ەلباسىمىزدى جەلتوقساندىقتار سايلادىق دەپ ايتۋعا بولادى. اينالايىن، جاستار، وسى تاۋەلسىزدىك سىزدەرگە امانات. كەزىندە ٴوزىمىز سايلاعان، ٴوزىمىز قالاعان قازاقتا ۇل تۋمادى ما دەپ جىلاعانبىز، باس كيىمىمىزبەن كوز جاسىمىزدى سۇرتتىك. ال، 1991 جىلى تاۋەلسىزدىك العاندا، سول باس كيىمىمىزدى اسپانعا لاقتىرىپ قۋاندىق. سوندىقتان ٴوزىمىزدىڭ پاتشامىزدى قاستەرلەي بىلەيىك. جاستار، كۇرەس سىزدەر ٴۇشىن بولدى، تاۋەلسىزدىك سىزدەر ٴۇشىن بولدى»، دەدى گۇلباھرام ٴجۇنىسوۆا.

سونىمەن قاتار، جەلتوقسان كۋاگەرلەرى تاۋەلسىزدىكتى قادىرلەۋگە شاقىردى.

«تاۋەلسىزدىك دەگەن اركىمنىڭ ۇعىمىندا ٴار ٴتۇرلى. قانشاما اتا-بابالارىمىز ارمانداپ كەتكەن، قوي ۇستىنە بوزتورعاي جۇمىرتقالاعان زاماندا ٴومىر ٴسۇرىپ جاتىرمىز. سوندىقتان تاۋەلسىزدىكتى قادىرلەيىك. ٴبىز ەلباسىمىزدىڭ ساياساتىن قولدايمىز دا، ٴاردايىم قولداپ كەلەمىز دە. ەلىمىز امان، جۇرتىمىز تىنىش بولسىن»، - دەدى تالعات رىسقۇلبەكوۆ.

بۇگىندە جەلتوقسانعا قاتىسقاندارعا الەۋمەتتىك جانە ماتەريالدىق تۇرعىدا قولداۋ كورسەتۋ شارالارى مۇمكىندىگىنشە جۇرگىزىلۋدە. جالپى، تاۋەلسىزدىك جىلدارىندا حالىقتىڭ ٴال-اۋقاتى ارتىپ، دامىعان ەلدەرمەن تەرەزەمىز تەڭ ٴتۇستى. 25 جىل ىشىندە ەلىمىزدە 1400 مەكتەپ پەن 1300 دەنساۋلىق نىسانى بوي كوتەرگەن. 100 ملن.شارشى مەتردەن استام تۇرعىن ٴۇي سالىنىپ، حالىقتىڭ ورتاشا ٴومىر ٴسۇرۋ جاسى 72 جاسقا جەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي