BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق وليمپيادا كوميتەتىنىڭ 25 جىلدىعىنا وراي كۇمىس مونەتالار اينالىسقا شىعارىلدى

قازاقستان رەسپۋبليكاسىنىڭ ۇلتتىق بانكى 2017 جىلعى 31 قاڭتاردا نومينالى 100 تەڭگەلىك، «رroوf» ساپالى كۇمىستەن قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ 25 جىلدىعىنا ارنالعان ەسكەرتكىش كۇمىس مونەتالاردى اينالىسقا شىعاردى، دەپ حابارلايدى baq.kz.

مونەتانىڭ بەت جاعىندا (اۆەرسىندە) تومەنگى بولىگىندە ستاديوننىڭ ستيلدەندىرىلگەن بەينەسىنىڭ قورشاۋىندا قازاقستان رەسپۋبليكاسىنىڭ ەلتاڭباسى، مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «ag 925 31،1 g» دەگەن جازۋ جانە سوعىلعان جىلىن بىلدىرەتىن «2017» دەگەن سان بەينەلەنگەن. سول جاق بولىگىندە مونەتانىڭ نومينالىن بىلدىرەتىن «100 تەڭگە» دەگەن جازۋ، جوعارعى بولىگىندە قازاقستان رەسپۋبليكاسى ۇلتتىق بانكىنىڭ لوگوتيپى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن ويىڭقى جازۋ بار.

مونەتانىڭ سىرت جاعىندا (رەۆەرسىندە) قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ ەمبلەماسى جانە «25 years» جازۋى بەينەلەنگەن. بوياۋى ٴتامپومور تەحنولوگياسى ارقىلى بەرىلگەن.

مونەتانىڭ بەت جانە سىرت جاعىنداعى بەينەلەر مەن جازبالار بەدەرلى. اينالدىرا شىعىڭقى جيەك جۇرگىزىلگەن. قىرى (گۋرتى) بەدەرلى.

مونەتا 925 سىنامدى كۇمىستەن جاسالعان، ماسساسى – 31،1±0،31 گ، ديامەترى – 38،61 مم، دايىنداۋ ساپاسى – «proof»، تارالىمى – 1 مىڭ دانا.

نومينالدىق قۇنى 100 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ٴۇشىن جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

بانكتىڭ ٴباسپاسوز قىزمەتىنىڭ مالىمەتىنشە، مونەتانىڭ ديزاينى قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ جاڭا ينستيتۋسيالىق ەمبلەماسىن پايدالانا وتىرىپ قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

«proof» ساپاسىمەن جاسالعان ەسكەرتكىش كۇمىس مونەتالار كوللەكسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

مونەتالاردىڭ بۇكىل تارالىمىن قازاقستان رەسپۋبليكاسىنىڭ ۇلتتىق وليمپيادا كوميتەتى ساتىپ الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي