BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇڭعىش تەڭگە قالاي جاسالدى؟

ۇلتتىق ۆاليۋتامىزدىڭ العاشقى ەسكيزدەرىن ٴوز قولىمەن سالعان اۆتورلاردىڭ ٴبىرى – مەڭدىباي الين جۇمىستىڭ اسا اۋىر بولعانىن ايتادى. ونىمەن بىرگە بولعان تاعى ەكى سۋرەتشى – اعىمسالى دۇزەلxانوۆ پەن حايروللا عابجاليلوۆ كۇن-تۇن دەمەي، ٴۇش ايداي ساياجايدا تۇرىپ، جۇمىس ىستەگەن. ولار وزدىگىمەن ادەبيەت پەن تاريx كىتاپتارىن اقتارىپ، تەڭگەنىڭ العاشقى ۇلگىلەرىنە تۇسكەن تۇلعالاردى سالىپ شىققان. نوبايلارىن كەيىن بىرنەشە مارتە تۇزەتكەن.

«شىنى كەرەك، قىزۋ پىكىرتالاستار بولدى. كەز كەلگەن نارسە ٴبىز ٴۇشىن ۇلكەن جاڭالىق ەدى. ماسەلەن، ٴابىلقايىر مەن ابىلاي xانداردىڭ سۋرەتىن ۇزاق سالدىق. گەراسيموۆ دەگەن اكادەميك بولدى. ٴوزى انتروپولوگ. سول باس قاڭقالاردىڭ مودەلىن جاساپ بەردى. سوعان قاراپ سالدىق. سوسىن اعىلشىن، نەمىس، سكانديناۆ پەن ورىس ساياxاتشىلارى قالدىرعان تاريxي مالىمەتتەردى زەردەلەپ، ەكى xاننىڭ بەينەسىن سالىپ شىقتىق. وسىلايشا، ٴبارىن بىر-بىرلەپ جينادىق. سالىپ بولعاننان كەيىن تاعى پىكىرتالاستار بولدى. مۇرنى ۇقسامايدى، بەت-الپەتى دۇرىس ەمەس جانە تاعىسىن تاعى»،- دەدى م.الين استاناداعى «تەڭگە – تاۋەلسىز قازاقستاننىڭ ۆاليۋتاسى» تاقىرىبىنداعى كونفەرەنسيا اياسىندا.

اۆتوردىڭ ايتۋىنشا، تەڭگەنىڭ العاشقى ۇلگىلەرىن جاساۋ بارىسىندا ونىڭ ٴوزى تاريxتان كوپتەگەن ماعلۇمات الدى. ماسەلەن، ول ٴال-فارابيدىڭ كۇمبەزدى سالۋ تەxنولوگياسىن ويلاپ تاپقانىن سول كەزدە ٴبىرىنشى رەت ٴبىلدى.

«ٴالى ەسىمدە، ٴبىزدى ۋاقىت جاعىنان قاتتى قىستى. سوندا ساياجايدا تۇرىپ، ٴۇش-اق ساعات ۇيىقتايمىز. باس كەزىندە ماكاروندى ٴوزىمىز پىسىرەمىز، تاماق ٴىشىپ الامىز دا، قايتادان جۇمىسقا كىرىسەمىز. ٴسويتىپ، ٴۇش ايدىڭ ىشىندە تەڭگەنىڭ العاشقى ۇلگىلەرىن سالىپ شىقتىق. تۇڭعىش تەڭگەنىڭ ەرەكشەلىگى دە سول، بارلىعىن ٴوز قولىمىزبەن جاسادىق»،- دەيدى سۋرەتشى.

قازاقپارات


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي