BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقتار اۋباكىروۆ ەندى «قاراعاندى وبلىسىنىڭ قۇرمەتتى ازاماتى»

فوتو: автор

قازاقستان تاۋەلسىزدىگىنىڭ 25 جىلدىق مەرەيتويىنا وراي «وبلىستىڭ قۇرمەتتى ازاماتى» مارتەبەلى اتاعى قازاقتان شىققان تۇڭعىش عارىشكەر توقتار اۋباكىروۆكە بەرىلدى، دەپ حابارلايدى baq.kz اگەنتتىگىنىڭ قاراعاندىداعى ٴتىلشىسى.

تاۋەلسىزدىك مەرەكەسى قارساڭىندا وتكەن مەرەكەلىك ٴىس-شارادا حالىقتىڭ قۇرمەتىنە بولەنگەن داڭقتى 3 قاراعاندىلىق ازاماتقا «وبلىستىڭ قۇرمەتتى ازاماتى» جوعارى اتاعى بەرىلدى. مارتەبەلى اتاققا بەلگىلى مەملەكەت جانە قوعام قايراتكەرى ورالباي ابدىكارىموۆ، تۇڭعىش قازاق عارىشكەرى، «حالىق قاھارمانى»، گەنەرال-مايور توقتار اۋباكىروۆ، تەحنيكا عىلىمىنىڭ دوكتورى، اكادەميك نيكولاي دريجد يە بولدى. سونداي-اق ٴوز سالاسىندا ۇلكەن جەتىستىكتەرگە قول جەتكىزگەن 97 ادام مەملەكەتتىك ناگرادالار مەن قر پرەزيدەنتىنىڭ قۇرمەت گراموتالارىن الدى. مارتەبەلى ماراپاتتاردى تاۋەلسىزدىكتىڭ 25 جىلدىعىنا ارنالعان جيىندا وبلىس اكىمى ن.ابدىبەكوۆ تابىستادى.

«شيرەك عاسىر ىشىندە ٴبىز ۇلكەن جولدان وتتىك! ٴجۇرىپ وتكەن جولىمىزعا قاراساق، وسى جىلدار ىشىندە قازاقستان رەسپۋبليكاسى تولاعاي تابىستارعا قول جەتكىزگەنىن كورەمىز. ەلىمىزدىڭ كونستيتۋسياسى قابىلداندى، مەملەكەتتىك تۋىمىز، ەلتاڭبامىز، ٴانۇرانىمىز بەكىتىلىپ، مەملەكەتتىك شەكارامىز شەگەندەلدى. ٴتول تەڭگەمىز اينالىمعا ەندى. قارۋلى كۇشتەرىمىز قۇرىلىپ، تاۋەلسىز مەملەكەتتىڭ بارلىق نىشاندارى قابىلداندى. قازاقستان رەسپۋبليكاسىن الەم تانىدى. بۇل ەلباسىمىز، مەملەكەتىمىزدىڭ پرەزيدەنتى نۇرسۇلتان ٴابىش ۇلى نازاربايەۆتىڭ دانا ساياساتىنىڭ ناتيجەسىندە قول جەتكىزگەن جارقىن جەتىستىكتەر بولىپ تابىلادى. بۇل ٴبىزدىڭ ورتاق جەڭىسىمىز!-دەپ اتاپ كورسەتتى وبلىس اكىمى.

«ماعان ٴتۇرلى قالالار - ماسكەۋ، الماتى ۇنايدى. 18 جىلدان بەرى استانادا تۇرىپ كەلە جاتىرمىن جانە ەلوردامىزدى جاقسى كورەمىن. مەن قاراعاندىلىقپىن جانە ٴومىرىمنىڭ سوڭىنا دەيىن وسىلاي قالا بەرمەك، سەبەبى مەنىڭ كىندىك قانىم وسى جەرگە تامعان»، - دەگەن قازاقتىڭ تۇڭعىش عارىشكەرى توقتار اۋباكىروۆ جەرلەستەرىنىڭ ىستىق ىقىلاسپەن قارسى الىپ، قوشەمەت بىلدىرگەندەرى ٴۇشىن العىس ايتتى، سونداي-اق بارشا قازاقستاندىقتاردى ەل تاۋەلسىزدىگىنىڭ 25 جىلدىق مەرەيتويىمەن قۇتتىقتادى.

مەرەكەلىك ٴىس-شارا بارىسىندا قاراعاندى وبلىسىنىڭ تاۋەلسىزدىك جىلدارىندا قول جەتكىزگەن جەتىستىكتەرىنىڭ جىلناما-كىتابىنىڭ تۇساۋكەسەرى وتكىزىلدى. كىتاپقا العاشقى تىلەك ٴسوزدى قاراعاندى وبلىسىنىڭ اكىمى ن.ق.ابدىبەكوۆ تاۋەلسىزدىك جىلىنىڭ ستارتىنا ارنالعان فورۋم بارىسىندا قالدىرعان بولاتىن. كىتاپ وبلىستىڭ بارلىق قالالارى مەن اۋداندارىندا بولدى. وعان وڭىرلەردىڭ تاۋەلسىزدىك جىلدارىندا قول جەتكىزگەن جارقىن جەتىستىكتەرى اتاپ جازىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي