BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاۋەلسىزدىك تۋرالى زاڭعا ەسكەرتكىش تاقتا ورناتىلدى

الماتىدا جوعارعى كەڭەستىڭ بۇرىنعى عيماراتىنىڭ (قبتۋ) قابىرعاسىندا 1991 جىلدىڭ 16 جەلتوقسانىندا قابىلدانعان «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋسيالىق زاڭدى ۇلىقتايتىن ەسكەرتكىش تاقتانىڭ اشىلۋ سالتاناتى ٴوتتى، دەپ حابارلايدى baq.kz ٴتىلشىسى.

سالتاناتتى شاراعا زيالى قاۋىم، قوعام قايراتكەرلەرى، قالانىڭ قۇرمەتتى ازاماتتارى، تۇرعىندار مەن جاستار جانە تاريحي قۇجاتتى قابىلداعاندار وكىلدەرى قاتىستى.

ولار – 12 شاقىرىلىمداعى قازاق سسر جوعارعى كەڭەسىنىڭ دەپۋتاتتارى سۇلتان سارتايەۆ، نىعمەت جوتابايەۆ، ەريك گۋكاسوۆ، ورازالى سابدەنوۆ، وراز بايمۇراتوۆ، ەسەنتاي تاجيەۆ، پەتر كرەپاك. بۇلاردىڭ بارلىعى - تاۋەلسىزدىك باستاۋىندا قازاقستان رەسپۋبليكاسىنىڭ پرەزيدەنتى ن. ٴا. نازاربايەۆپەن بىرگە بولعاندار جانە ۇلى ٴارى تاريحي كەزەڭنىڭ شىنايى كۋاگەرلەرى.

«ەلىمىز تاۋەلسىزدىگىنىڭ 25 جىلدىعى مەن كوپ ۇلتتار دوستىق پەن كەلىسىمدە تۇرىپ جاتقان الماتى قالاسى 1000 جىلدىعىنىڭ قاتار كەلۋىنىڭ سيمۆوليكالىق ٴمانى بار. مەن بارلىق قازاقستاندىقتارعا دەنساۋلىق، باقىتتى ٴومىر تىلەيمىن، رەسپۋبليكامىزدىڭ اسپانى قاشاندا اشىق بولسىن. ٴبىزدىڭ قازاقستانىمىز باقىتتى ادامدار ٴومىر سۇرەتىن تۇتاس، قايتالانبايتىن مەملەكەتكە اينالسىن»، - دەپ اتاپ ٴوتتى ٴوز سوزىندە كازسسر جوعارعى كەڭەسى پرەزيديۋمى ٴتوراعاسىنىڭ بۇرىنعى ورىنباسارى، سوسياليستىك ەڭبەك ەرى ۆەرا سيدوروۆا.

ال، جاستار اتىنان ٴسوز العان الماتى قالاسى ٴماسليحاتىنىڭ دەپۋتاتى، كينواكتەر، «دارىن» مەملەكەتتىك جاستار سىيلىعىنىڭ لاۋرەاتى – اسىلحان تولەپوۆ ٴوز سوزىندە بولاشاقتىڭ كىلتى – جاستاردا ەكەنىن تاعى ٴبىر دالەلدەدى:

«ەلباسىنىڭ «بولاشاق – جاستاردىڭ قولىندا» دەگەن ٴسوزى ۇنەمى جادىمدا. حالقىمىزدا «بولار بالا ون بەسىندە باسپىن دەر، بولماس جىگىت وتىزىندا جاسپىن دەر» دەگەن قاناتتى ٴسوز بار. تاريحىمىزعا كوز سالساق، اتا-بابالارىمىز قارشادايىنان اتقا قونىپ، ەل قورعاعان. تاۋەلسىزدىك جولىندا اق بىلەكتىڭ كۇشىمەن، اق نايزانىڭ ۇشىمەن كۇرەسكەنىن ٴبىز بىلەمىز. وزدەرىڭىزگە بەلگىلى، «جاۋجۇرەك مىڭ بالا» فيلمىندەگى مەن سومداعان سارتاي باتىر سونىڭ ايقىن دالەلى. ٴقازىر بىلەكپەن ەمەس، بىلىممەن ولشەنەتىن زاماندا بۇگىنگىنىڭ سارتايلارى، ياعني ٴبىز – جاستار، بىلىممەن قارۋلانىپ، ەلىمىز ٴۇشىن ايانباي ەڭبەك ەتۋىمىز قاجەت» - دەدى ٴماسليحات دەپۋتاتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي