BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاۋەلسىزدىك كۇنى شىعىستا 400 كادەت انت قابىلدادى

تاۋەلسىزدىكتىڭ 25 جىلدىعىن بۇكىل ەل بولىپ اتاپ ٴوتىپ جاتقاندا، شىعىس قازاقستان «ماڭگىلىك ەل» يدەياسى اياسىندا جاستاردى وتانسۇيگىشتىككە باۋلۋعا باعىتتالعان شارا ٴوتتى. جاس پاتريوتتار سلەتىندە «شىعىس ۇلاندارى» ارنايى سىنىبىنىڭ 400 كادەتى، وتانعا ادال قىزمەت ەتۋگە انت بەرىپ، كادەتتىك سىنىپ وقۋشىلارىنىڭ كۋالىگىنە يە بولدى.

2016 جىلى وبلىستىڭ جالپى ٴبىلىم بەرۋ مەكتەپتەرىندە 25 «شىعىس ۇلاندارى» كادەتتىك سىنىپتارى اشىلعان بولاتىن. ٴار سىنىپتاعى وقۋشى سانى دا 25! مۇنداي ەرەكشە سىنىپ اشۋ باستاماسىن شىعىس قازاقستان وبلىسىنىڭ ٴبىلىم باسقارماسى، «دارىندى مەكتەپ» كەشەندى جوسپارىن جۇزەگە اسىرۋ اياسىندا قولعا العان بولاتىن. ٴبىلىم الۋ بارىسىندا اتالمىش سىنىپ وقۋشىلارى مەكتەپ باعدارلاماسىنان تىس، اسكەري-تەحنيكالىق جانە فيزيكالىق جاتتىعۋ، اسكەري ٴىس نەگىزدەرى، توپوگرافيا، جەكپە-جەك، گيمناستيكا جانە حارەوگرافيانى تەرەڭدەتىپ وقيتىنىن ايتا كەتۋ كەرەك.

ٴىس-شارا بارىسىندا 400-گە تارتا ۇمىتكەر سالتاناتتى تۇردە انت قابىلداپ، «شىعىس ۇلاندارى» كادەتى كۋالىكتەرىنە يە بولدى. جاس پارتيوتتاردى ارنايى قۇتتىقتاي كەلگەن وبلىس اكىمىنىڭ ورىنباسارى اسەم ٴنۇسىپوۆا:

- بۇگىن ٴبىز ەل تاۋەلسىزدىگىنىڭ 25 جىلدىعىن اتاپ وتۋدەمىز. سىزدەردى ۇلى مەرەكەمەن قۇتتىقتايمىن. تاۋەلسىزدىك، ەڭ باستىسى، بۇل ٴبىزدىڭ بالالارىمىز، ولاردىڭ تاربيەسى، ٴبىلىم الۋى جانە ولاردىڭ ۇلتتىق اسقاق رۋحى. تاۋەلسىز قازاقستاننىڭ بۇگىنگى جاعدايى سىزدەرگە ٴبىلىم مەن جەتىستىككە ۇمتىلۋعا، جاڭا عىلىمدى مەڭگەرۋگە، اسكەري ٴىستى تەرەڭ يگەرۋگە، بار جاعىنان كاسىبي شەبەر بولۋعا مۇمكىندىك بەرەدى، -دەدى.

ٴسوز سوڭىندا، ايماق باسشىسىنىڭ ورىنباسارى شىعىس قازاقستاننىڭ ٴبىلىم، دەنساۋلىق ساقتاۋ جانە اسكەري ٴىس سالاسىنىڭ ۇزدىكتەرىن ماراپاتتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي