BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تارازدا قر تاۋەلسىزدىگىنىڭ 25 جىلدىعىنا ارنالعان مونۋمەنت اشىلدى

تاراز قالاسىندا قر تاۋەلسىزدىگىنىڭ 25 جىلدىعىنا ارنالعان مونۋمەنت اشىلدى.

مونۋمەنت تولە بي داڭعىلى مەن ٴال-فارابي كوشەلەرىنىڭ قيىلىسىندا ورنالاسقان. مونۋمەنتتىڭ سالتاناتتى اشىلۋىنا وبلىس باسشىسى كارىم كوكىرەكبايەۆ، شىعارماشىلىق تۇلعالار، ارداگەرلەر مەن جاستار جينالدى.

اتالعان شارا بارىسىندا وبلىس باسشىسى مونۋمەنتكە گۇل شوقتارىن قويىپ، كوپشىلىكتى الداعى كەلە جاتقان تاۋەلسىزدىك مەرەكەسىمەن قۇتتىقتادى.

«بۇل – تاۋەلسىزدىكتىڭ نىشانى، ۇرپاقتان-ۇرپاققا، عاسىردان-عاسىرعا جالعاساتىن نىشان. مونۋمەنتتىڭ جوعارعى جاعىندا «قازاقستان-2050» ستراتەگياسىنىڭ بەلگىسى قويىلعان. تاۋەلسىزدىك – ٴبىزدىڭ جاقسى ٴومىرىمىزدىڭ نەگىزى. ۇلت باسشىسىنىڭ باسشىلىعىمەن ٴبىزدىڭ ەل الەۋمەتتىك-ەكونوميكالىق جانە ساياسي قيىندىقتاردى جەڭە ٴبىلدى، جانە 50 دامىعان ەلدىڭ قاتارىنا ەندى»، - دەپ اتاپ ٴوتتى وبلىس اكىمى.

جاڭادان اشىلىپ، تاراز قالاسىنا ەرەكشە كورىك بەرىپ تۇرعان بۇل مونۋمەنتتىڭ بيىكتىگى 14 مەتر، جوعارى جاعىندا «قازاقستان-2050» ستراتەگياسىنىڭ بەلگىسى ورنالاستىرىلعان. ال ەڭ توبەسىندە قازاقتىڭ قاسيەتتى شاڭىراعى بەلگىلەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي