BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا ەل تاۋەلسىزدىگىنىڭ 25 جىلدىعىنا 25 مەكتەپ پايدالانۋعا بەرىلمەك

1 قىركۇيەك – ٴبىلىم كۇنىندە وڭتۇستىك قازاقستان وبلىسىندا 25 ٴبىلىم بەرۋ نىسانىن پايدالانۋعا بەرۋ جوسپارلانىپ وتىر.

ەل تاۋەلسىزدىگىنىڭ 25 جىلدىعىنا وراي، سىيعا تارتىلاتىن 25 نىساننىڭ ٴ2-ۋى 600 ورىندىق، 9 نىسانى 300 ورىندىق بولسا، قالعان 14 ٴبىلىم مەكەمەسى 100 جانە 200 بالاعا شاقتالعان. ٴبىلىم وشاقتارى نەگىزىنەن، وبلىسىمىزدىڭ سايرام، سارىاعاش، قازىعۇرت جانە ماقتارال اۋداندارىندا ورنالاسقان. اتالعان عيماراتتار پايدالانۋعا بەرىلگەندە وڭىرىمىزدەگى 6،5 مىڭنان استام شاكىرت جاڭا مەكتەپتەردە ساۋات اشىپ، تاربيەلەنەتىن بولادى.


جالپى، وبلىستا جىل باسىنان بەرى 67 ٴبىلىم بەرۋ نىسانىنىڭ قۇرىلىسى ٴجۇرىپ، ونىڭ بۇگىنگە دەيىن ٴ13-ى ەل يگىلىگىنە جۇمىس ىستەۋدە. ٴوڭىرىمىزدىڭ بايدىبەك، سايرام، تولەبي، تۇلكىباس، ماقتارال اۋداندارى مەن شىمكەنت، تۇركىستان، ارىس قالالارىندا پايدالانۋعا بەرىلگەن 150، 200، 300 جانە 600 ورىندىق مەكتەپتەر مەن 280 ورىندىق بالاباقشالار (وندا 5540 بالا وقىپ، تاربيەلەنۋدە) ايماقتاعى ٴبىلىم ساپاسىنىڭ جاقسارىپ، ارتا تۇسۋىنە ىقپال ەتۋدە.

مۇنان بولەك، جىل سوڭىنا دەيىن 600 وقۋشىعا شاقتالعان 1 مەكتەپ ەسىگىن ايقارا اشسا، ىرگەتاسى قالانىپ جاتقان 28 عيماراتتى پايدالانۋ كەلەسى جىلدىڭ ەنشىسىندە.
وبلىستىق قۇرىلىس باسقارماسى ماماندارىنىڭ مالىمەتىنشە، جالپى 67 نىسان پايدالانۋعا تاپسىرىلعاندا 26 145 وقۋشى جاڭا وقۋ عيماراتىمەن قامتىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي