BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماقتارالدا تاۋەلسىزدىككە تارتۋ رەتىندە ەكى مەكتەپ پايدالانۋعا بەرىلدى

ەگەمەندىكتىڭ ەڭسەلى جىلدارىن تويلاۋ مەرەكەسى قارساڭىندا ماقتارال اۋدانى ا.قالىبەكوۆ اۋىلدىق وكرۋگىنە قاراستى ب.سوقپاقپايەۆ جالپى ورتا مەكتەبىنىڭ 150 ورىندىق، قىزىلقۇم اۋىلدىق وكرۋگىنە قاراستى «قىزىلقۇم» جالپى ورتا مەكتەبىنىڭ باستاۋىش سىنىپقا ارنالعان 100 ورىندىق جاڭا عيماراتتارى پايدالانۋعا بەرىلدى.

اۋدان اكىمى ع.يسمايلوۆ مەكتەپ عيماراتتارىنىڭ اشىلۋ سالتاناتىنا قاتىسىپ، وقۋ سىنىپتارىنىڭ ساپاسىن تەكسەرىپ قايتتى. مۋلتيمەديالىق كابينەتتەردى، زەرتحانالار، مامانداندىرىلعان وقۋ سىنىپتارىن، شەبەرحانالار مەن كىتاپحانالاردى، ادىستەمەلىك، دارىگەرلىك، پسيحولوگيالىق كابينەتتەردى ارالاپ شىققان اكىم مەكتەپتىڭ قۇرىلىس ساپاسىنا وڭ باعاسىن بەردى. ٴوز سوزىندە، اكىم مۇنىڭ بارلىعى دا تاۋەلسىزدىكتىڭ جەمىسى ەكەندىگىن اتاپ ٴوتتى.

جالپى، 1991 جىلدان بەرى ماقتارال اۋدانىندا 57 مەكتەپ پەن وقۋ عيماراتتارى اشىلسا، بيىلدىڭ وزىندە 9 ورتا مەكتەپ عيماراتى مەن 1 قوسىمشا وقۋ كورپۋسى ەل يگىلىگىنە بەرىلدى. سونداي-اق، تاۋەلسىزدىكتىڭ 25 جىلدىق جەتىستىگىنىڭ ايقىن كورىنىسى رەتىندە زاماناۋي ۇلگىدەگى 5 بالاباقشا عيماراتى سالىنعانىن اتاپ وتكەن ٴجون.

ايتا كەتەيىك، 25 جىل ىشىندە ٴمىرزاشول وڭىرىندە اۋدان حالقىنا مەديسينالىق-سانيتارلىق كومەك كورسەتۋ ماقساتىندا جاڭا 2 اۋداندىق، 13 اۋىلدىق مەديسينا مەكەمە عيماراتتارى جاڭادان سوعىلسا، 15 مەديسينالىق تىرەكتەر مەن جەدەل مەديسينالىق جاردەم كورسەتۋ ستانسيالارى جاڭا نىساندى بولدى. سونداي-اق، دەنە شىنىقتىرۋ جانە بۇقارالىق سپورتپەن شۇعىلدانۋ ٴۇشىن قولجەتىمدى سپورت عيماراتتارىنىڭ سانى 1991 جىلى 258 بولسا، 25 جىل ىشىندە 3،1 ەسە ٴوسىپ بيىل 790 نىسانعا جەتىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي