BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستاننىڭ 25 كەرەمەتى» بايقاۋىنىڭ جەڭىمپازدارى انىقتالدى

تاۋەلسىزدىكتىڭ 25 جىلدىعىنا وراي el.kz جوباسى «قازاقستاننىڭ 25 كەرەمەتى» بايقاۋىن جاريالاعان بولاتىن. وسى ايدىڭ ٴ22-ى كۇنى اكسيا مارەسىنە جەتىپ، جەڭىسكە جەتكەن ازاماتتاردىڭ ەسىمدەرى جاريالاندى، دەپ حابارلايدى baq.kz.

el.kz جوباسى تاۋەلسىزدىكتىڭ 25 جىلدىعى قارساڭىندا «قازاقستاننىڭ 25 كەرەمەتى» اكسياسىن ۇيىمداستىرعان. اكسيا شارتى بويىنشا، الەۋمەتتىك جەلى قولدانۋشىلارى وزدەرىنىڭ جەكە پاراقشالارىنا ەلىمىزدىڭ كورىكتى جەرلەرى مەن مادەني، ارحەولوگيالىق ەسكەرتكىشتەردىڭ نەمەسە قازاقستاندا تۇراتىن ۇلتتار مەن ۇلىستاردىڭ مادەنيەتى مەن داستۇرىنەن سىر شەرتەتىن سۋرەتتەردى جۇكتەۋى ٴتيىس بولاتىن.

بايقاۋ بارىسىندا سۋرەتتەر سانىنا شەكتەۋ قويىلمادى. قولدانۋشىلار فوتولاردى جەلىگە #25keremetkz نەمەسە #25سhudeskz حەشتەگىمەن جۇكتەدى. بارلىق سۋرەتتەردى رەداكسيا ۇجىمى ىرىكتەدى. سونىمەن رەداكسيا القاسىنىڭ تاڭداۋى بويىنشا تومەندەگى سۋرەتتەر ەڭ ۇزدىك دەپ تانىلدى.

جەڭىمپازداردىڭ ٴبىرى دامير اليەۆ

اكسيادا جەڭىسكە جەتكەن دامير اليەۆ مۇنداي شارالاردىڭ ەلىمىز ٴۇشىن ماڭىزدى ەكەنىن اتاپ ٴوتتى.

«تاۋەلسىزدىك مەرەكەسىنە وراي ۇيىمداستىرىلعان «قازاقستاننىڭ 25 كەرەمەتى» اكسياسى پاتريوتتىق سەزىمدى نىعايتا تۇسەدى. قازاقستاننىڭ تابيعاتى اسەم، قويناۋى قازىناعا باي وڭىرلەرىمەن ەرەكشە. ەلىمىزدىڭ تۇكپىر-تۇكپىرىن اسىقپاي ارالايتىن بولسا، سۇلۋلىعىنا كوز تويمايتىن تامىلجىعان تابيعاتى جۇرەكتى باۋراي تۇسەدى. كەزەكتى ساپارىمدا تۇسكەن سۋرەتىمدى جولداپ، مەن دە اتالمىش اكسياعا قولداۋ ٴبىلدىرۋدى ٴجون سانادىم. سەبەبى، قازاقستان – كيەلى مەكەنىمىز. ەلىممەن ماقتانامىن!»، - دەدى ول.

جانات نۇرحان

«قازاقستاننىڭ 25 كەرەمەتى» دەپ ٴوزىنىڭ اتى ايتىپ تۇرعانداي، ماعان اكسيانىڭ اتاۋى، ماقساتى ۇنادى. كەڭ بايتاق قازاقستانىمىزدىڭ ٴار ٴوڭىرىن ارالاعانىمىزدا ادەيىلەپ جوعارى ساپالى فوتواپپاراتپەن تۇسىرمەسەك تە، موبيلدىك قۇرىلعىمەن تابان تىرەگەن جەرلەرىمىزدىڭ تابيعاتىن سۋرەتكە تۇسىرۋگە تىرىستىق»، - دەيدى جانات نۇرحان.

تولعاناي كابدۋللايەۆا

جەڭىمپازداردىڭ ٴۇشىنشىسى تولقىنى جاعانى سوعىپ جاتقان تەڭىزدىڭ كەرەمەت قايتالانباس ٴساتىن سۋرەتكە ٴتۇسىرىپ جىبەرىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي