BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ٴتىلى بۇۇ باس اسسامبلەياسىنىڭ تورىنەن ەستىلدى – ن.نازاربايەۆ

فوتو: Бауыржан ЖУАСБАЕВ

بۇگىن استانادا وتكەن ەل تاۋەلسىزدىگىنىڭ 25 جىلدىعىنا ارنالعان مەرەيتويدا مەملەكەت باسشىسى نۇرسۇلتان نازاربايەۆ قازاق ٴتىلىنىڭ ٴورىسى كەڭەيىپ كەلە جاتقانىن ايتتى، دەپ حابارلايدى baq.kz تiلشiسi.

«ٴبىز قاسيەتتى قازاق ٴتىلى مەن ۇلتتىق مادەنيەتىمىزدىڭ جاھاندىق گۋمانيتارلىق كەڭىستىككە ەركىن ەنۋىن قامتاماسىز ەتتىك. وزدەرىڭىز كورىپ، ەستىدىڭىزدەر، قازاقتىڭ ٴتىلى بۇۇ باس اسسامبلەياسىنىڭ تورىنەن ەستىلدى. ول عارىشتان دا ەستىلدى. بۇگىندە ينتەرنەتتىڭ دە ٴتىلى بولىپ وتىر»، – دەدى ن.نازاربايەۆ.

پرەزيدەنت وتاندىق اقپارات قۇرالدارىنىڭ باسىم كوپشىلىگى قازاقشا شىعاتىنىن اتاپ ٴوتتى.

«ەستەرىڭىزدە بولسا، ٴبىر كەزدە، تاۋەلسىزدىككە دەيىن الماتىدا ٴبىر عانا قازاق مەكتەبى بار ەدى. وتكەن 25 جىلدا ەلىمىزدە قازاق تىلىندە ٴبىلىم بەرەتىن 1 مىڭنان استام مەكتەپ اشىلدى. بۇگىنگى تاڭدا مەكتەپ وقۋشىلارىنىڭ ۇشتەن ەكىسىنەن استامى، ستۋدەنتتەردىڭ 60 پايىزعا جۋىعى مەملەكەتتىك تىلدە ٴبىلىم الىپ جاتىر. ەلىمىز بويىنشا قازاق ٴتىلىن وقىتاتىن 350 ورتالىق تابىستى جۇمىس ىستەۋدە»، – دەدى ن.نازاربايەۆ.

سونىمەن قاتار، پرەزيدەنت قازاق ٴتىلى الەمنىڭ بىرنەشە مەملەكەتىندە، اتاپ ايتقاندا، اقش، ۇلىبريتانيا، گەرمانيا، قىتاي، وڭتۇستىك كورەيا، ماجارستان، پولشا، ازەربايجان، ارمەنيا سياقتى ەلدەردىڭ ۋنيۆەرسيتەتتەرىندە وقىتىلىپ جۇرگەنىن ايتا كەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي