BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ەلى ٴوزىنىڭ ازات ەل ەكەندىگىن تۇسىنسە دەيمىن – تاۋەلسىزدىك قۇرداسى  ەكسكليۋزيۆ

وزەكتى ماسەلەلەردىڭ ٴتۇيىنىن تارقاتىپ، قالامىن قارۋ ەتىپ جۇرگەن جۋرناليستەردىڭ جۇمىسى وتە جاۋاپتى ەكەنى بەلگىلى. اسىرەسە، اقپاراتتار اعىنى جاعادان العان زاماندا. ەلىمىزدىڭ ٴبىرتۋار ازاماتى ٴمىرجاقىپ دۋلاتوۆ: «قاي ۇلتتىڭ ٴباسپاسوزى مىقتى بولسا، سول ۇلتتىڭ ٴوزى دە مىقتى» دەگەن بولاتىن.

الايدا قازىرگى تاڭدا قازاق ٴباسپاسوزىنىڭ دەڭگەيى قانداي؟ جاقىندا بەلگىلى جۋرناليست بيگەلدى عابدۋللين «قازاق جۋرناليستەرى قاعازدان قورقادى» دەپ مالىمدەمە جاساعان ەدى. وسىدان كەيىن «جوعارعى وقۋ ورىندارىندا بولاشاق جۋرناليستەردى قالاي دايىندالىپ جاتىر؟» دەگەن سۇراق تۋىندايدى. وسى ساۋالعا جاۋاپ الۋ ماقساتىندا baq.kz ٴتىلشىسى ل. گۋميلەۆ اتىنداعى ەۇۋ-نىڭ وقىتۋشىسى، «بولاشاق» باعدارلاماسىنىڭ ستيپەندياتى اينۇر تاشماكوۆامەن سۇقباتتاستى.

اينۇر تاشماكوۆا – لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەگى، تاۋەلسىزدىك قۇرداسى. ول 2013 جىلى جوعارعى وقۋ ورنىن بىتىرگەننەن كەيىن ٴبىلىمىن شەتەلدە شىڭداعىسى كەلەدى.

«بولاشاق» باعدارلاماسىنا تۇسۋىمە اكەمنىڭ ايتقان اقىلى اسەر ەتتى. وسىدان كەيىن، باعدارلاماعا قۇجاتتاردى جينادىم. ال باعدارلاماعا دايىندالۋعا 1 جىل ۋاقىتىم كەتتى. ارينە، قيىن بولدى. سەبەبى، كوپ تەست تاپسىراسىڭ. ولاردىڭ ارالىعى 1-2 اي. ٴبىراق، سوعان قاراماستان كوپتەن بەرگى ارمانىمدى جۇزەگە اسىرۋعا تىرىستىم. سوندىقتان ايانباي ەڭبەكتەندىم. تەستتىڭ قورىتىندىسىن ەستىگەننەن كەيىن جەڭىلدەپ قالدىم. بالا كۇنگى ارمانىم ورىندالدى. ەڭبەگىم اقتالدى»، – دەدى ول.

انگليادا 2 جىل ٴبىلىم العان جاس مامان شەتەل جۋرناليستەردى قالاي وقىتاتىندىعىن ايتىپ بەردى.

«مەن باعدارلاما بويىنشا انگليانىڭ لەستەر ۋنيۆەرسيتەتىنە ٴتۇستىم. سوندا جۋرناليسيتيكا ماماندىعى بويىنشا 2 جىلداي وقىدىم. ٴبىلىم بەرۋ جۇيەسىندە ايىرماشىلىقتار بار. بىرىنشىدەن شەتەل ٴبىز سياقتى رومانتيك ەمەس. بىزدە جۋرناليستيكانى ادەبيەت دەپ قارايمىز دا ونى ونەرگە جاتقىزامىز. ٴبىراق شەتەلدە جۋرناليستيكا – بيزنەس. ەكىنشىدەن، انگليادا جۋرناليستەردى مىقتى مامان رەتىندە دايىنداۋ ٴۇشىن جازۋعا باسا ٴمان بەرەدى»، - دەدى مامان.

سونىمەن قاتار، اينۇر ەلىمىزدە جۋرناليستەردى وقىتۋ بارىسىندا قانداي كەمشىلىكتەردىڭ بار ەكەندىگىنە توقتالدى.

«العاشىندا مەن قازاقستاندىق ٴبىلىم بەرۋ جۇيەسىنە كوڭىلىم تولماعان. ٴبىراق انگلياعا بارعاننان كەيىن ٴبىزدىڭ ٴبىلىم بەرۋ جۇيەمىز ولاردان كەم تۇسپەيتىندىگىنە كوزىم جەتتى. قازاقستاندىقتار ٴبىلىمدى. بىزدە عىلىمنىڭ جاقسى ىرگەتاسى قالىستاسقان. ٴبىراق بىزدە العان ٴبىلىمدى ناقتى ىستە پايدالانۋ بارىسى كەمشىن ٴتۇسىپ جاتادى. مىسالى، جۋرفاكتا كوپ نارسە اۋىزشا ايتىلادى. ٴبىراق، ول جەردە جاقسى ۇستازدار بار. ال اعىلشىندىقتار جازباشاعا باسا ٴمان بەرەدى. ولاردا «ەگەر جازا الماساڭ، سەنەن مىقتى كادر شىقپايدى» دەگەن قاعيدا بار. ٴبىر ەسكەرەتىن جايت، انگليادا ماماندار كەز-كەلگەن نارسەنى جۇيەلى تۇردە زەرتتەيدى. ال ٴبىز ٴبىر سالانى جالپىلاما زەرتتەيمىز. سوندىقتان بىزگە تەرەڭدىك جەتىسپەيدى»، – دەيدى مامان.

سونىمەن قاتار، جاس ۇستاز انگليادا باسىنان وتكىزگەن قيىندىقتار تۋرالى دا ايتىپ بەردى.

«وزگە تىلدە جۋرناليستيكا بويىنشا ٴبىلىم الۋ وتە قيىن. ال تەحنيكالىق ماماندىقتارعا اعىلشىن ٴتىلى بويىنشا ٴبىلىم الۋ ٴسال جەڭىلدەۋ. جالپى ٴبىز ٴتىل سالاسىنىڭ مامانى بولعاندىقتان بىزگە اۋىرلاۋ. جاسىراتىنى جوق، وقۋ پروسەسى قيىنداۋ بولدى. ٴبىراق سوعان قاراماستان اعىلشىن ٴتىلىڭ جەتىك مەڭگەردىم دەسەم بولادى»، – دەدى ول.

اڭگىمە بارىسىندا اينۇر شەتەلدەن العان ٴبىلىمىن جاس جۋرناليستەرگە ۇيرەتىپ جاتقاندىعىن جەتكىزدى.

«شەتەلدەن العان تاجىريبەمدى وقىتۋ پروسەسىنە ەنگىزىپ جاتىرمىن. ٴبىراق ول ويىمدى جۇزەگە اسىرۋدا قيىندىقتار تۋىنداۋدا. مەن ستۋدەنتتەرگە عىلىمي ەسسە جازعىزىپ ٴجۇرمىن. شەتەلدىڭ ٴبىلىم بەرۋ جۇيەسى ەسسەگە نەگىزدەلەدى. ٴبىز ەسسەنى «مەن نەگە جۋرناليست بولعىم كەلەدى؟» دەگەن قيالي تاقىرىپقا جازامىز. ٴبىراق، عىلىمي ەسسە فاكتىگە نەگىزدەلەدى. ەسسە ارقىلى جاس جۋرناليست ويىن فاكتىمەن جۇيەلى تۇردە جەتكىزۋگە ۇيرەنەدى. ستۋدەنت اقپارات ىزدەيدى، دالەلدەيدى. ٴبىر سوزبەن ايتقاندا، ول جازىپ ۇيرەنەتىن بولادى. قازىرگى تاڭدا بۇل ٴادىستى «قازاق جۋرناليستيكانىڭ تاريحى» پانىنە ەنگىزدىم»، – دەدى ول.

ٴسوز سوڭىندا، «بولاشاق» باعدارلاماسىنىڭ تۇلەگى ەل تاۋەلسىزدىگىنىڭ 25 جىلدىعىنا وراي حالىققا ىزگى تىلەگىن ٴبىلدىردى.

«25 جىلدا جەتكەن باستى جەتىستىگىمىز – تۇراقتىلىق پەن بەيبىتشىلىك. ەلىمىزدە وتانىن سۇيەتىن ازاماتتار كوپ بولسىن. ٴبىراق قازاق ەلى ٴوزىنىڭ ازات ەل ەكەندىگىن تۇسىنسە دەيمىن. حالىقتا كونفلەكس بار. ٴبىز ٴبىر نارسەنى بىلمەسەك، ونى مەڭگەرۋىمىز كەرەك. قۇلشىنىس بولۋشى شارت. ٴبىز باسقا ەلدەرمەن تەرەزەمىز قاشان تەڭ بولادى؟ سول سالالاردىڭ زەرتتەپ، دامىتقاندا»، - دەپ تۇيىندەدى ٴسوزىن وقىتۋشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي