BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن ەلىمىزدىڭ تاۋەلسىزدىك العانىنا 25 جىل تولدى

16 جەلتوقسان – قازاقستان رەسپۋبليكاسىنىڭ تاۋەلسىزدىك كۇنى. وسىدان تۋرا 25 جىل بۇرىن ەلىمىز كسرو قۇرامىنان ٴبولىنىپ شىعىپ، ٴوز تاۋەلسىزدىگىن جاريالادى، دەپ حابارلايدى baq.kz.

1991 جىلى 16 جەلتوقساندا قازاق كسر جوعارعى كەڭەسى قازاقستان رەسپۋبليكاسىنىڭ تاۋەلسىزدىگى تۋرالى كونستيتۋسيالىق زاڭ قابىلدادى. سول كۇننەن باستاپ قازاق ەلى ٴوز كونستيتۋسياسى، ۆاليۋتاسى مەن ىشكى جانە سىرتقى ساياساتتاعى دامۋ باعىتى بار ەگەمەندى مەملەكەت رەتىندە قالىپتاسا باستادى.
مىنە، حالىقارالىق دەڭگەيدە تولىققاندى مويىندالىپ، ەشكىمگە تاۋەلسىز ٴومىر ٴسۇرىپ جاتقانىمىزعا دا شيرەك عاسىر بولىپتى. وسى ۋاقىت ىشىندە ەلىمىز ۇلتتىق ٴتىلىن، مادەنيەتىن، ٴداستۇرىن ساقتاپ، ٴوز باستامالارى مەن ەرەكشەلىكتەرىن جاڭعىرتتى.

تاريح ٴۇشىن سونشالىقتى زور كەزەڭ بولماعانىمەن، 25 جىلدا عاسىرلارعا بەرگىسىز قىرۋار ٴىس اتقارىلدى. ەكونوميكالىق-الەۋمەتتىك، ساياسي، قاۋىپسىزدىك ماسەلەلەرىندە، ونىڭ ىشىندە جاھاندىق، وڭىرلىك پروبلەمالارعا قاتىستى ٴوز الدىنا دەربەس شەشىم قابىلداي الاتىن، ٴوز ۇستانىمىن پاش ەتە الاتىن ەگەمەن مەملەكەت بولا الاتىنىمىزدى دۇنيەجۇزىنە مويىنداتتىق.

كەشە تاۋەلسىزدىك كۇنىنە وراي وتكىزىلگەن سالتاناتتى جيىندا ەلباسىمىز اتاپ وتكەندەي، الدىمەن كونە تۇرىكتىڭ ٴبورلى بايراعىنىڭ مۇراگەرى كوك تۋىمىزدى بۇۇ-نىڭ تورىندە جەلبىرەتتىك. ٴانۇرانىمىزدى الەم تورىندە قالىقتاتىپ، ەلتاڭبامىزدى ماڭگىلىك مورگە اينالدىردىق. ٴتول تەڭگەمىزدى ەنگىزىپ، اتا-زاڭىمىزدى قابىلدادىق. شەكارامىزدى شەگەندەتتىك. مەملەكەتتىك ٴتىلىمىزدى الەمنىڭ ەڭ بيىك مىنبەسىنەن سويلەتكىزدىك.
تۇيىندەي ايتقاندا، قازاقستان حالقى 1500 جىل بۇرىن «كۇلتەگىندە» جازىلعان «ماڭگىلىك ەل» ۇعىمىن جالپى ۇلتتىق يدەياعا اينالدىرىپ، ەلىمىزدىڭ 15 عاسىرلىق تامىرىنا ٴنار بەردى. بۇگىندە حالقىمىز قاستەرلى مەرەكەنى جەر-جەردە ەرەكشە كوتەرىڭكى كوڭىل-كۇيمەن تويلاپ جاتىر.

baq.kz ۇجىمى بارشا قازاقستاندىقتى ۇلتىمىز ٴۇشىن ەڭ ۇلىق مەرەكەمەن شىن جۇرەكتەن قۇتتىقتايدى! ىنتىماعى مەن بىرلىگى جاراسقان ەلىمىزدىڭ تاۋەلسىزدىگى باياندى بولعاي!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي