BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

73 اقمولالىققا مەملەكەتتىك ناگرادالار تاپسىرىلدى

فوتو: автор

قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويىنا وراي «كوكشەتاۋ» مادەنيەت سارايىندا وبلىس اكىمى سەرگەي كۋلاگيننىڭ قاتىسۋىمەن سالتاناتتى شارا ٴوتتى، دەپ حابارلايدى baq.kz تiلشiسi.

مەرەكەلىك شارادا وبلىس اكىمى سەرگەي كۋلاگين ٴوڭىر جۇرتشىلىعىن مەملەكەتىمىزدىڭ باستى مەرەكەسى – ەل تاۋەلسىزدىگىنىڭ 25 جىلدىق مەرەيتويىمەن قۇتتىقتادى.

«ٴبىزدىڭ تاۋەلسىزدىگىمىز بۇل تەك قوعامدىق-ساياسي قايتا قۇرۋ ەمەس، بۇل – ەلەۋلى دەڭگەيدە ٴبىزدىڭ ٴارقايسىسىمىزدىڭ تولىسۋىمىز، بۇل ومىرلىك قۇندىلىقتاردى، تىپتەن ٴومىردىڭ ٴوز ٴمانىن سانالى تۇردە قايتا پاراقتاۋ. تاۋەلسىزدىكتىڭ العاشقى كۇندەرىنەن باستاپ-اق ەلباسى الەۋمەتتىك وزگەرىستەردىڭ حالىق ٴۇشىن، حالىق قولداۋىمەن عانا ىسكە اسىرىلاتىنىن اتاپ كەلەدى. ەلىمىزدە جۇرگىزىلىپ كەلە جاتقان رەفورمالار ٴوڭىرىمىزدى الەۋمەتتىك-ەكونوميكالىق دامىتۋعا جاڭاشا سەرپىن بەردى. ۇدەمەلى يندۋستريالدىق-يننوۆاسيالىق دامۋدىڭ مەملەكەتتىك باعدارلاماسى تابىستى جۇزەگە اسىرىلۋ ۇستىندە، ونەركاسىپ، ەنەرگەتيكا، اگروونەركاسىپ كەشەنىندە جانە وزگە دە سالالاردا ٴىرى جوبالار ىسكە قوسىلىپ جاتىر. دەگەنمەن، بۇگىنگى كۇنى مەملەكەت باسشىسى يندۋستريالدىق-يننوۆاسيالىق دامۋ جانە الەۋمەتتىك جاڭعىرتۋ بويىنشا بۇرىنعىدان دا اۋقىمدى مىندەتتەردى العا قويىپ وتىر. ولاردى جەمىستى جۇزەگە اسىرۋ قازاقستاننىڭ الەمنىڭ بارىنشا دامىعان مەملەكەتتەرى قاتارىنا كىرۋىن قامتاماسىز ەتەتىن بولادى»، – دەپ اتاپ ٴوتتى وبلىس اكىمى.

جيىن بارىسىندا مەملەكەتكە جانە قوعامعا سىڭىرگەن ەڭبەگى، ەلىنىڭ الەۋمەتتىك-ەكونوميكالىق جانە مادەني دامۋىنا قوسقان ۇلەسى ٴۇشىن 73 اقمولالىق مەملەكەتتىك ناگرادالارعا يە بولدى. ٴوڭىر باسشىسى ٴبىر توپ ٴوڭىر ازاماتتارى مەن ازاماتشالارىنا «ٴىىى دارەجەلى بارىس»، «ٴىى دارەجەلى دوستىق» وردەندەرىن جانە قازاقستان رەسپۋبليكاسىنىڭ قۇرمەت گراموتالارىن تاپسىردى. ماراپاتتالعانداردىڭ اراسىندا ونەركاسىپتىك جانە اۋىل شارۋاشىلىعى كاسىپورىندارىنىڭ قىزمەتكەرلەرى، مادەنيەت، ٴبىلىم بەرۋ، دەنساۋلىق ساقتاۋ ماكەمەلەرىنىڭ، مەملەكەتتىك قىزمەتكەرلەر، ەڭبەك ادامدارى بار.

«ٴبىزدى قورشاپ وتىرعاننىڭ ٴبارى ٴاربىر ادامنىڭ كۇندەلىكتى، كەيدە كوزگە بايقالمايتىن، ٴبىراق وتە ماڭىزدى جانە ورنىن اۋىستىرۋعا بولمايتىن ەڭبەگىنىڭ جەمىسى. مەرەكە قارساڭىندا حالىق پەن مەملەكەت يگىلىگى ٴۇشىن ەڭبەك ەتكەن جانە جۇمىس ىستەپ وتىرعان بارلىق ادامدارعا ۇلكەن العىسىمىزدى ٴبىلدىرىپ، قۇرمەت كورسەتۋ مۇمكىندىگىنە يە بولىپ وتىرمىز»، – دەدى ٴوڭىر باسشىسى.

مەرەكەلىك شارا جەرگىلىكتى ونەرپازداردىڭ ان-شاشۋىمەن جالعاستى.

اقمارال ايعارا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي