BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيدىڭ 116 سپورتشىسى ريو وليمپياداسىنا قاتىستىرىلمايدى

ريو-دە-جانەيروداعى 2016 جىلعى جازعى وليمپيادا ويىندارىنا رەسەيدەن 271 سپورتشى قاتىسادى.

رەسەي قۇراماسى ايتۋلى دوداعا 1912 جىلدان بەرى العاش رەت وسىنشاما از سپورتشىمەن قاتىسقالى وتىر. اۋەلدە بۇل ەلدەن وليمپياداعا اتتاناتىن قۇراما ساپىندا 387 ساڭلاق بولعان. ٴبىراق ونىڭ ٴبارى الەمدىك سايىستا باعىن سىناۋعا رۇقسات الا المادى. حالىقارالىق وليمپيادا كوميتەتى ريوداعى جازعى ويىندارعا رەسەي قۇراماسىنىڭ رۇقسات قاعازىن جارىستار باستالۋعا ٴبىر تاۋلىك قالعاندا ارەڭ بەردى. ونىڭ وزىندە سۇرانىس بەرگەن سپورتشىلاردىڭ 3/ٴ2-سى عانا ٴوز باعىن سىناۋعا مۇمكىندىك العان. ال قالعاندارى دوپينگكە قاتىستى داۋدىڭ كەسىرىنەن جارىستان شەتتەتىلدى. رەسەي وليمپيادا كوميتەتىنىڭ باسشىسى الەكساندر جۋكوۆ ٴوز قۇراماسىن «ٴجىتى تەكسەرۋدەن وتكەن، ەشقانداي دوپينگسىز تازا قۇرام» دەپ اتادى.

الەكساندر جۋكوۆ، رەسەي وليمپيادا كوميتەتىنىڭ باسشىسى: - وسى جاڭالىقتى بارلىقتارىڭىز تاعاتسىزدانا كۇتىپ وتىرعاندارىڭىزدى بىلەمىن. ايتقىم كەلەتىنى، سايىستىڭ كوپ تۇرىنەن سپورتشىلارىمىز تولىق قۇرامدا ونەر كورسەتەدى. اتاپ ايتاتىن ٴبىر نارسە، ٴبىزدىڭ جەڭىل اتلەتتەردەن وزگە ەشبىر قۇراما ٴدال ٴبىزدىڭ سپورتشىلار سەكىلدى قاتاڭ تەكسەرۋدەن وتكەن جوق. ٴتورت جىلدا ٴبىر كەلەتىن الەمدىك سايىسقا رەسەيلىك اۋىر جانە جەڭىل اتلەتتەر تۇگەلمەن جىبەرىلمەي قالدى دەسە دە بولادى. جالعىز داريا كليشينانى قوسپاعاندا. ونىڭ ٴوزى ۇزاق ۋاقىتتان بەرى جاتتىعۋلارىن اقش-تا جاساپ جۇرگەن.

توماس باح، حالىقارالىق وليمپيادا كوميتەتىنىڭ پرەزيدەنتى: - مەنىڭ ارىم تازا. رەسەيلىك سپورتشىلاردىڭ كوزىنە ۇيالماي تۋرا قاراي الامىن. ٴتىپتى سايىسقا جىبەرىلمەي قالعاندارىنا دا. ەكى جاقتان دا داۋ-دامايدىڭ بولعانى راس. ٴبىراق ٴبىز ٴاربىر شەشىمدى قابىلداردان بۇرىن جان-جاقتى ويلاندىق. ٴبىزدىڭ زەرتتەۋلەرىمىز ٴالى تولىق اياقتالعان جوق. بۇگىننىڭ وزىندە لوزانناداعى سپورتتىق اربيتراج سوتى بىرنەشە رەسەي سپورتشىلارىن تەكسەرۋدەن وتكىزىپ جاتىر. سوندىقتان كورشى ەل قۇراماسىنداعى ساڭلاقتار سانى تاعى دا وزگەرۋى مۇمكىن.

24 kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي