BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاسوسپىرىمدەر وليمپياداسىندا قازاقستاندىق سپورتشىلار 10 مەدال جەڭىپ الدى

فوتو: olympic.kz

استانا، baq.kz ٴتىلشىسى. 6 قازان مەن 18 قازان ارالىعىندا ارگەنتينا استاناسى بۋەنوس-ايرەستە وتكەن ٴىىى جاسوسپىرىمدەردەردىڭ جازعى وليمپياداسىندا قازاقستان قۇراماسى 4 التىن، 3 كۇمىس، 3 قولا مەدال جەڭىپ الدى.

وليمپياداعا قازاقستاننان سپورتتىڭ 23 تۇرىنەن 58 سپورتشى اتتاندى.

9 قازان كۇنى دزيۋدوشىلار مارگاريتا گريسەنكو (- 78 كگ) مەن بەكارىس ٴسادۋاقاس (- 100 كگ) تاتاميگە شىقتى. مارگاريتا كۇمىس جۇلدەگە يە بولسا، بەكارىس قارسىلاس شاق كەلتىرمەي چەمپيون اتاندى. ايتا كەتەرلىگى، جارىسقا قازاقستاندىق ەكى دزيۋدوشى عانا قاتىسقان بولاتىن.

11 قازاندا روزا ابيتوۆا كوركەم گيمناستيكادان حالىقارالىق ارالاس كوماندا ساپىندا ونەر كورسەتىپ، كۇمىس مەدالعا يە بولدى. وسى كۇنى دزيۋدوشى دزيۋدوشى بەكارىس ٴسادۋاقاس حالىقارالىق ارالاس سىندا «لوندون» كومانداسىمەن بىرگە قولا مەدال الدى.

13 قازاندا دياس باحريددين كانوە ەسۋدەن سپرينت جارىستا چەمپيون اتاندى. ال قىزدار اراسىنداعى بايداركا ەسۋ جارىسىندا ستەللا سۋحانوۆا قولا جۇلدەگەر اتاندى.

18 قازان كۇنى ۆەلوسپورتتان قازاقستان ەرلەر كومانداسى مۇشەلەرى گلەب برۋسەنسكيي مەن ەۆگەنيي فەدوروۆ بەس كەزەڭدە 418 ۇپاي جيناپ، جەڭىمپاز اتاندى. ال بوكستان 91 كەلىدەن جوعارى سالماق دارەجەسىندە دامير تويباي كۇمىس جۇلدەگەر اتانىپ، قىزدار اراسىندا نادەجدا ريابەس (-75 كگ) قولا جۇلدەگە يە بولدى. بوكستان ايبەك ورالباي (91 كگ) جاسوسپىرىمدەر وليمپياداسىنىڭ چەمپيونى اتاندى.

19 قازاندا جارىستىڭ سوڭعى كۇنىندە العاش رەت وليمپيادا باعدارلاماسىنا ەنگەن كاراتە سپورتىنان ٴابىلمانسۇر باتىرعالي (-68 كگ) قولا جۇلدەگە يە بولدى. بوكسشى تالعات شايكەن (64 كگ) فينالدا رەسەيلىك سپورتشىمەن كەزدەسىپ، تورەشىلەر شەشىمىمەن جەڭىلىس تاپتى. وسىلايشا ول جاسوسپىرىمدەر وليمپياداسىنىڭ كۇمىس جۇلدەگەرى اتاندى.

ەسكە سالا كەتسەك، 2014 جىلى قىتايدىڭ نانكين قالاسىندا وتكەن جاسوسپىرىمدەر وليمپياداسىندا ۇلتتىق قۇراما 8 مەدال جەڭىپ الىپ، جالپى ەسەپتە 21-ورىننان كورىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي